Meꞌe Haka Takeꞌa 13:6 - Rapa Nui

⁶ ꞌE pē ira mau ꞌā i aŋa ai; i kī rō i te meꞌe taꞌe tano ꞌe parauꞌino mo te ꞌAtua, mo te kona haꞌamuri ki a ia ꞌe mo te nuꞌu taꞌatoꞌa noho ꞌi te raŋi.

Meꞌe Haka Takeꞌa 13:6 ပူးပေါင်းရင်းမြစ်များ

Māteo 12:34

¡E te huaꞌai o te kōreha veneno ē! ¿Pē hē kōrua, te nuꞌu aŋa i te meꞌe taꞌe tano, ana kī i te meꞌe riva-riva? Hai meꞌe rahi o roto i te māhatu, te haha e vānaŋa ena.

Māteo 15:19

Mai roto i te māhatu o te taŋata, paꞌi, e eꞌa ena te manaꞌu rake-rake, te tiŋaꞌi te haka mate i te taŋata, te taiꞌata, te piri tane taꞌatoꞌa taꞌe haꞌatiꞌa e te ꞌAtua, te toke, te reo-reo, ꞌe te vā-vā.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Rōmano 3:13

Te rāua vānaŋa te kakara pa he pāpaku ena ꞌā ko rahi ꞌā te mahana; te ꞌarero ko peŋo-peŋo riva-riva ꞌā ꞌi te reo-reo, ꞌe mai roto i te rāua haha e eꞌa ena te vānaŋa pa he veneno ena ꞌā o te kōreha.

Kōrosa 1:19

I a Ietū Kiritō te huru ꞌe te pūai taꞌatoꞌa o te ꞌAtua; pē ira i haŋa ai e te ꞌAtua.

Kōrosa 2:9

Te huru ꞌe te pūai taꞌatoꞌa, paꞌi, o te ꞌAtua i a Ietū Kiritō, ka ai atu tōꞌona hakari hakari taŋata.

ꞌEvereo 9:2

E rua piha o te karapā nei. ꞌI roto i te piha raꞌe te hakariꞌi ꞌe te ꞌamuramaꞌa ꞌi ruŋa te haraoa haꞌataꞌa mo te ꞌAtua. E kī era i te piha nei he ⌊Kona Moꞌa⌋.

ꞌEvereo 9:24

Te kona oꞌo era o Ietū taꞌe ko te kona aŋa era e te taŋata mo haꞌamuri ki te ꞌAtua, kona i aŋa mo tuꞌu pa he kona parautiꞌa era ꞌi te raŋi. Ki te raŋi mau ꞌana a Ietū i oꞌo ai, ꞌe ꞌai muꞌa o te ꞌAtua ꞌi te hora nei e ani ꞌana mo te riva-riva o tātou.

Meꞌe Haka Takeꞌa 11:12

He kī ia e te reꞌo pūai e tahi mai te raŋi ki rā ŋā mataꞌite: «¡Ka iri mai kōrua!». He iri ararua a ruŋa i te raŋi tea-tea e tahi, ꞌe he takeꞌa e tū nuꞌu taꞌe haŋa era ki a rāua.

Meꞌe Haka Takeꞌa 12:12

¡E te meꞌe noho ꞌi te raŋi ē, ka koa kōrua! ¡ꞌE, ko te ꞌaroha i a kōrua, e te meꞌe o ruŋa i te henua ꞌe o roto i te vaikava ē, nā ko topa atu ꞌā a Rukifero ko ꞌata riri atu ꞌā ꞌi te ꞌite ꞌina ōꞌona hora toe!».

Meꞌe Haka Takeꞌa 15:5

I oti era te meꞌe nei, he takeꞌa e au te ⌊Kona ꞌAta Moꞌa⌋ o roto i te ⌊Karapā Moꞌa⌋ era ꞌi te raŋi e ha-hata rō ꞌā.

Meꞌe Haka Takeꞌa 18:20

¡Ka koa kōrua, e te meꞌe taꞌatoꞌa noho ꞌi te raŋi ē! ¡ꞌE ka koa kōrua, e te nuꞌu haꞌataꞌa e te ꞌAtua māꞌana ē, e te ⌊ꞌāpōtoro⌋ ē, ꞌe e te perofeta ē! Ko haka ūtuꞌa ꞌana, paꞌi, e te ꞌAtua i te kona era, ꞌo te meꞌe taꞌe tano aŋa atu ki a kōrua».

Meꞌe Haka Takeꞌa 21:3

ꞌE he ŋaroꞌa e au i te reꞌo pūai e tahi mai te kona pepe noho ꞌariki era e kī ꞌā: «Mai te hora nei pe muꞌa, ka noho ena te ꞌAtua ꞌi muri i tāꞌana taŋata. Ki a ia a rāua ka haꞌatura tahi ena. ꞌE ꞌina he ꞌAtua e ko haka rē i a rāua ki te hora hopeꞌa.

Meꞌe Haka Takeꞌa 4:1

I oti era te meꞌe nei, he uꞌi atu au ko te ꞌōpani e tahi e ha-hata nō mai ꞌana ꞌi te raŋi. ꞌE te reꞌo ŋaroꞌa raꞌe era e au, tuꞌu era pa he koneta, he kī haka ꞌou mai: «Ka iri mai koe; ꞌī a au he haka takeꞌa atu i te meꞌe mo topa pe muꞌa ka oho ena».

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.

Meꞌe Haka Takeꞌa 5:13

ꞌE he ŋaroꞌa takoꞌa e au i te meꞌe taꞌatoꞌa ora aŋa e te ꞌAtua o ruŋa o te raŋi, o ruŋa o te henua, o raro o te henua ꞌe o roto i te vaikava e kī ꞌā: «¡Ki haꞌahana-hana, ki moꞌa, ꞌe ki haka nui-nui tātou ꞌātā ki te hopeꞌa raꞌa i te kope noho o ruŋa i te pepe ꞌariki ꞌe i te Māmoe; i a rāua, paꞌi, te pūai!».

Meꞌe Haka Takeꞌa 7:15

»ꞌO ira a rāua e māroa ena ꞌi muꞌa o te pepe ꞌariki o te ꞌAtua ꞌi te ⌊Kona ꞌAta Moꞌa⌋, ꞌe ka pō ka ꞌōtea e tāvini ena ki a ia. ꞌE o te kope era ꞌi ruŋa i rā pepe te hokorua ꞌe te hāpaꞌo.

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.