Meꞌe Haka Takeꞌa 13:5 - Rapa Nui

⁵ Te ꞌAtua i haka rē nō i te manuꞌino eꞌa era mai roto i te vaikava mo kī i te meꞌe taꞌe tano ꞌe parauꞌino mōꞌona, ꞌe i haka rē takoꞌa nō mo haka tere pa he ꞌariki e maha ꞌahuru mā piti ꞌāvaꞌe.

Meꞌe Haka Takeꞌa 13:5 ပူးပေါင်းရင်းမြစ်များ

2 Tētārōnika 2:3

Te meꞌe nei ꞌāꞌaku e kī atu ena: e uꞌi kōrua ꞌo haka roŋo rō ki te reo-reo kī atu e te nuꞌu. ꞌI raꞌe, paꞌi, ki te hoki iŋa mai o Ietū, e rahi rō te nuꞌu riri mo te ꞌAtua ꞌe haka tumu i te ture ki a ia. ꞌI rā hora ka eꞌa mai ena e tahi taŋata riri taparahi-taꞌata mo te ꞌAtua, kope mōꞌona ko ai era ꞌana te ūtuꞌa he pōꞌauahi.

2 Tētārōnika 2:4

Te taŋata nei he riri nō te aŋa mo te ꞌAtua ꞌe mo te meꞌe taꞌatoꞌa haꞌamuri e te taŋata pa he ꞌatua. E kī rō e nei taŋata: i a ia te pūai ꞌe te tōroꞌa ꞌata hau rō atu ki te pūai ꞌe ki te tōroꞌa o te ŋā meꞌe taꞌatoꞌa nei, ꞌe ꞌātā e uru rō ki roto i te Kona Haꞌamuri ꞌAtua, e noho rō ꞌe e kī rō ko ia te ꞌAtua.

2 Tētārōnika 2:8

Ki toꞌo, ka takeꞌa iho ena e te nuꞌu i rā taŋata riri taparahi-taꞌata era mo te ꞌAtua, kope ka haka kore ena e te tātou Pūꞌoko Haka Tere hai reꞌo ōꞌona ꞌe hai ꞌana-ꞌana o tōꞌona mana ꞌi te hora ka hoki mai ena.

Meꞌe Haka Takeꞌa 11:7

Ki oti te rāua aŋa, he haka ꞌite i te roŋo o te ꞌAtua, te manuꞌino taparahi-taꞌata eꞌa mai raro i te pū ꞌina he hopeꞌa te raro nui he moto ki a rāua ꞌe he rē. He tiŋaꞌi ia he haka mate i rā ŋā mataꞌite.

Meꞌe Haka Takeꞌa 12:14

He vaꞌai ia e te ꞌAtua ki rā viꞌe e rua karā, pa he karā o te manu nui-nui, mo rere mo oho ki tōꞌona kona ꞌi te kona ꞌone taꞌe noho taŋata, he kona e roa rō ꞌā mai tū manuꞌino era, ꞌi ira ka hāpaꞌo era e toru matahiti ꞌe te ꞌafa.

Meꞌe Haka Takeꞌa 12:6

He tere ia rā viꞌe ki te kona ꞌone taꞌe noho taŋata, kona ꞌi ira i haka riva-riva ai e te ꞌAtua i te kona mo hāpaꞌo i a ia e hoꞌe taꞌutini piti hānere ono ꞌahuru mahana.

Meꞌe Haka Takeꞌa 13:7

I haꞌatiꞌa nō mo moto ki te nuꞌu o te ꞌAtua ꞌe mo rē ki a rāua. ꞌE i haꞌatiꞌa takoꞌa nō mo haka tere i te nuꞌu o te taꞌatoꞌa nō hau, ꞌarero ꞌe kona o te ao.