Meꞌe Haka Takeꞌa 13:3 - Rapa Nui

³ ꞌI ruŋa i te pūꞌoko e tahi o tū manuꞌino eꞌa nei mai roto i te vaikava te more ko ora ꞌā, more nui-nui taparahi-taꞌata mo mate, ꞌe ꞌina kai mate. I takeꞌa era e te taŋata taꞌatoꞌa o te ao, he māere tahi rō atu ꞌai ꞌe he peꞌe rō ꞌai ki rā manuꞌino.

Meꞌe Haka Takeꞌa 13:3 ပူးပေါင်းရင်းမြစ်များ

Ruka 2:1

ꞌI rā noho iŋa, he kī e Akutino, ꞌariki o te rōmano, mo haka pāpaꞌi i te nuꞌu o te henua taꞌatoꞌa ko ia te ꞌariki mo ꞌite e hia taŋata.

Iovani 12:19

He kī e te ⌊fariseo⌋ ki a rāua ꞌana: «Ko ꞌati ꞌana a tātou. ꞌIna he meꞌe toe o tātou mo aŋa ꞌo oho tahi te taŋata ꞌi muri i a ia».

Aŋa o te ꞌĀpōtoro 8:13

Rā taŋata era ko Tīmona i haka moe takoꞌa rō i tōꞌona manaꞌu ꞌi ruŋa i a Ietū, i haka papatito rō i a ia ꞌe i oho rō ꞌi muri i a Feripe koia ko māere ꞌi te mana takeꞌa e ia.

Meꞌe Haka Takeꞌa 13:12

Te manuꞌino nei he rarovaꞌe o te manuꞌino eꞌa era mai roto i te vaikava, ꞌe ꞌāꞌana te haka tere i te taŋata peꞌe ki rā manuꞌino. ꞌE ꞌāꞌana takoꞌa te aŋa mo haꞌamuri o te taŋata taꞌatoꞌa o te ao ki tū manuꞌino ora era o te more.

Meꞌe Haka Takeꞌa 13:14

Hai ŋā mana nei, mana haꞌatiꞌa era mo aŋa e ia hai ꞌīŋoa o tū manuꞌino eꞌa era mai roto i te vaikava, i reo-reo ai ki te taŋata. He uŋa ia i te nuꞌu nei he haka aŋa i te ꞌītoro pē rā manuꞌino mau ꞌā, manuꞌino taꞌe mate era ka ai atu i more rō ꞌi te more taparahi-taꞌata ꞌi te hoe.

Meꞌe Haka Takeꞌa 17:10

E rima o te ŋā ꞌariki nei ko mā-mate ꞌā, e tahi e haka tere ꞌā, ꞌe e tahi kai tuꞌu mai ꞌā. Ka tuꞌu mai ena, e ko roa hia ka ŋaro rō era.

Meꞌe Haka Takeꞌa 17:11

ꞌE te manuꞌino era, he vaꞌu ꞌariki, ꞌe ꞌi ruŋa ꞌā he ꞌariki e tahi o roto o rā ŋā ꞌariki era e hitu, ꞌe pe muꞌa ka oho ena he hoa ki roto i te pōꞌauahi.

Meꞌe Haka Takeꞌa 17:13

Te ŋā ꞌariki nei e haꞌaꞌau rō mo vaꞌai i te rāua tōroꞌa ꞌariki ki rā manuꞌino, ꞌe mo tāvini ki a ia.

Meꞌe Haka Takeꞌa 17:17

»Te meꞌe nei ka topa ena ꞌi te meꞌe era ko ha-haꞌo ꞌā e te ꞌAtua ꞌi roto i te rāua pūꞌoko i te manaꞌu mo aŋa i tāꞌana meꞌe haŋa. ꞌO ira rā ŋā ꞌariki ka haꞌaꞌau era mo vaꞌai i te rāua tōroꞌa ꞌariki ki rā manuꞌino, ki tano tahi ai te meꞌe kī e te ꞌAtua.

Meꞌe Haka Takeꞌa 17:6

He uꞌi atu ia a au ko taꞌero ꞌā rā viꞌe ꞌi te unu i te toto o te nuꞌu haꞌataꞌa e te ꞌAtua māꞌana, nuꞌu mā-mate i tiŋaꞌi ꞌo te ai he mataꞌite o Ietū. I takeꞌa era e au, he māere rō atu ꞌai au.

Meꞌe Haka Takeꞌa 17:8

»Te manuꞌino nei ꞌi te ao ꞌi muꞌa ꞌā; ꞌe ꞌi te hora nei, ꞌina. ꞌE, ka ai atu pē ira, pe muꞌa ka oho ena e eꞌa rō mai mai raro i te pū ꞌina he hopeꞌa te raro nui ꞌe, ka tano era, he hoa ki roto i te pōꞌauahi mo haka ūtuꞌa. Te nuꞌu te rāua ꞌīŋoa ꞌina o ruŋa i te puka pāpaꞌi i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa mai te haꞌamata iŋa era ꞌā o te ao he māere ka takeꞌa ena i te manuꞌino nei, manuꞌino ꞌi te ao ꞌi muꞌa ꞌā, ŋaro era, ꞌe eꞌa haka ꞌou mai ena.