Meꞌe Haka Takeꞌa 12:1 - Rapa Nui

¹ He takeꞌa ia e au i te meꞌe nui-nui ꞌi te raŋi: he viꞌe e tahi e viri rō ꞌana e te ꞌana-ꞌana o te raꞌā, pa he kahu uru ōꞌona. ꞌI raro i tōꞌona vaꞌe te māhina, ꞌe ꞌi tōꞌona pūꞌoko te hei e hoꞌe ꞌahuru mā piti hetuꞌu o ruŋa.

Meꞌe Haka Takeꞌa 12:1 ပူးပေါင်းရင်းမြစ်များ

Ruka 21:25

»E ai rō te taipe ꞌi ruŋa i te raꞌā, ꞌi ruŋa i te māhina ꞌe ꞌi ruŋa i te hetuꞌu, ꞌe te taŋata taꞌatoꞌa o te ao e mira-mira rō te manaꞌu ꞌe e riꞌa-riꞌa rō ꞌi te heruru taparahi-taꞌata o te vave ꞌe o te vaikava.

Ēfeto 5:32

Hai ŋā vānaŋa nei e takeꞌa ena i te nui-nui o te parautiꞌa taꞌe haka ꞌite mai era e te ꞌAtua ꞌi muꞌa ꞌā pē nei ē: a Ietū ꞌe te nūnaꞌa taŋata haka moe i te manaꞌu ꞌi ruŋa i a ia e tahi mau nō.

Marko 13:25

he vī-viri te hetuꞌu ꞌe he rurū tahi te meꞌe o te raŋi.

Ruka 21:11

He mākenu-kenu te henua, ꞌe meꞌe rahi nō atu kona he ai te maruaki ꞌe te māui-ui, ꞌe he takeꞌa te meꞌe taparahi-taꞌata ꞌe te taipe nui-nui ꞌi ruŋa i te raŋi.

Meꞌe Haka Takeꞌa 21:23

ꞌE ¿mo aha takoꞌa te raꞌā ꞌe te māhina o rā kona? O te ꞌAtua mau ꞌā, paꞌi, ꞌe o te Māmoe te haka māꞌeha.

Meꞌe Haka Takeꞌa 15:1

He takeꞌa ia e au ꞌi te raŋi i te meꞌe haka ꞌou e tahi mo māere o te taŋata: he merahi e hitu i a rāua te parau mo haka tano i te ꞌati hopeꞌa e hitu o te ꞌAtua. Hai ŋā ꞌati nei ka haka mao ena te riri o te ꞌAtua.

Meꞌe Haka Takeꞌa 12:3

I oti era he takeꞌa haka ꞌou e au i te meꞌe nui-nui e tahi ꞌi te raŋi: he manuꞌino nui-nui mea-mea e tahi. E hitu ōꞌona pūꞌoko, e hoꞌe ꞌahuru tara. ꞌE ꞌi ruŋa i rā ŋā pūꞌoko e huki rō ꞌā e tahi e tahi hei.

Meꞌe Haka Takeꞌa 11:19

He mātaki mai ia te kona mo haꞌamuri ki te ꞌAtua ꞌi te raŋi. E takeꞌa nō mai ꞌā ꞌi rā kona te ⌊ꞌavahata o te haka tere iŋa o te ꞌAtua ananake ko te taŋata⌋. He ꞌanapa te ꞌuira, he heruru te pātiri, he mākenu-kenu te ao ꞌe he topa te mata-matāika taparahi-taꞌata.

Aŋa o te ꞌĀpōtoro 2:19

E haka takeꞌa rō e au a ruŋa i te raŋi i te meꞌe nui-nui; ꞌe ꞌi ruŋa i te henua he toto, he ahi ꞌe he ꞌau.

Māteo 24:30

ꞌI rā hora he takeꞌa ꞌi te raŋi te tāpaꞌo o te hoki iŋa mai o te Poki o te taŋata. Te nuꞌu taꞌatoꞌa o te ao he toꞌo te taŋi ꞌi te riꞌa-riꞌa, ꞌe he takeꞌa i te turu iŋa mai o te Poki o te taŋata ꞌi ruŋa i te raŋi e tahi, ꞌi ruŋa i a ia te pūai ꞌe te ꞌana-ꞌana o te ꞌAtua.

Karatia 6:14

Tāꞌaku meꞌe mau nō mo teꞌo-teꞌo he meꞌe aŋa era e Ietū Kiritō, Pūꞌoko Haka Tere o tātou. Hai mate iŋa era ōꞌona ꞌi ruŋa i te tātaurō i taꞌe ai haka ꞌou ai a au he ꞌekaravo o te meꞌe o te ao nei, ꞌe ꞌina he pūai toe o te ŋā meꞌe nei mo haka tere mai i a au.

Māteo 12:38

Tētahi o te nuꞌu fariseo ꞌe o te nuꞌu ⌊maꞌori o te haka tere hūrio⌋ he kī ki a Ietū: —E te Maꞌori, e haŋa rō ꞌana a mātou mo takeꞌa i te aŋa iŋa ōꞌou i te mana.

Meꞌe Haka Takeꞌa 21:14

I titi ai rā ꞌāua ꞌi ruŋa i te paeŋa e hoꞌe ꞌahuru mā piti, ꞌe ꞌi ruŋa i rā ŋā paeŋa i pāpaꞌi ai te ꞌīŋoa o te hoꞌe ꞌahuru mā piti ⌊ꞌāpōtoro⌋ o te Māmoe.

Meꞌe Haka Takeꞌa 1:20

Te auraꞌa o te ŋā hetuꞌu era e hitu takeꞌa era e koe ꞌi tōꞌoku rima mataꞌu he merahi hoko hitu hāpaꞌo i te ŋā nūnaꞌa taŋata era hoko hitu, ꞌe nei ŋā merahi he pūꞌoko haka tere o rā ŋā nūnaꞌa. ꞌE te auraꞌa o te hakariꞌi piru era e hitu ko te ŋā nūnaꞌa taŋata nei hoko hitu.

Karatia 3:27

ꞌE e tuꞌu rō ꞌā pa he meꞌe ena ē: a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū ⌊papatito⌋ i a rāua mo takeꞌa e te nuꞌu ꞌa Ietū a rāua, ko uru tahi ꞌana i te ⌊Kiritō⌋, pa he uru iŋa ena ꞌā o te taŋata i te kahu.

2 Kōrinto 11:2

ꞌIna kōrua ko rehu: e haŋa rō atu ꞌana a au ki a kōrua pa he haŋa iŋa ena ꞌā o te ꞌAtua ki tōꞌona taŋata. A kōrua ko haka haꞌamoꞌa-moꞌa era ꞌana e au mo hāipo-ipo ki te kenu mau nō e tahi, he ⌊Kiritō⌋, ꞌe ko haŋa ꞌana a au mo maꞌu i a kōrua ki muꞌa i a ia pa he viꞌe ꞌina kai noho ꞌā ki te taŋata ꞌe hāpaꞌo i a ia mo tāꞌana kenu mau nō.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Iovani 3:29

»ꞌI te ŋoŋoro hāipo-ipo, paꞌi, te taŋata i a ia te viꞌe mo hāipo-ipo ko ia te meꞌe ka hāipo-ipo era. ꞌE te repahoa o muri, ka ŋaroꞌa era i te reꞌo o rā kope e hāipo-ipo ꞌana, he toꞌo te koa. Pē ira takoꞌa tōꞌoku koa mo rahi o te taŋata oho ki a ia.

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Karatia 4:26

ꞌE a ⌊Tara⌋, pa he tāpaꞌo o te rua haka tere iŋa o te ꞌAtua ananake ko te taŋata ꞌe o Hērutarema o te raŋi. A Tara taꞌe he ꞌekaravo, ꞌe a tātou, pa he hakaara o Tara, taꞌe he ꞌekaravo takoꞌa.