Meꞌe Haka Takeꞌa 11:8 - Rapa Nui

⁸ He haka rē i te rāua hakari ꞌi te kona taka-taka taŋata o te kona nui-nui ena ko Hērutarema, kona veo era ꞌi ruŋa i te tātaurō i te tātou Pūꞌoko Haka Tere, kona e kī takoꞌa rō ꞌana ko ⌊Tōroma⌋ ꞌo ko Ehipto he ꞌi-ꞌino o te nuꞌu o ira.

Meꞌe Haka Takeꞌa 11:8 ပူးပေါင်းရင်းမြစ်များ

Māteo 10:15

ꞌĪ a au he kī atu: ꞌi te mahana o te ture hopeꞌa, te ūtuꞌa mo te nuꞌu o rā kona ꞌata hau rō atu ki te ūtuꞌa topa ꞌi ruŋa i te nuꞌu hara o ⌊Tōroma⌋ ꞌe o ⌊Kōmora⌋.

Aŋa o te ꞌĀpōtoro 9:4

He hiŋa a Sauro, ꞌe he ŋaroꞌa i te reꞌo e tahi e kī ꞌā: —E Sauro, e Sauro, ¿he aha koe e kimi mai ena i a au mo tōtōā?

ꞌEvereo 13:12

ꞌI te ⌊haka tere iŋa ꞌāpī o te ꞌAtua ananake ko te taŋata⌋ e ai rō ꞌā te meꞌe tuꞌu pē ira. A Ietū, paꞌi, i mate ai ꞌi haho o Hērutarema, ꞌi ruŋa i a ia te ūtuꞌa o te ꞌAtua mo te hara o te taŋata, mo haka riro i a rāua he nuꞌu haꞌataꞌa ꞌe ꞌina e tahi hara mo te ꞌAtua hai toto mau era ꞌā ōꞌona.

ꞌEvereo 6:6

mo hārui i te ꞌAtua hai tuaꞌivi, e ko ravaꞌa haka ꞌou mo haka huri i te rāua manaꞌu ki te ꞌAtua, he tuꞌu pa he meꞌe ena ē: e veo haka ꞌou ꞌā a rāua i te Poki o te ꞌAtua ꞌi ruŋa i te tātaurō, mo haka meꞌe-meꞌe haka ꞌou e te taꞌatoꞌa.

2 Pētero 2:6

ꞌE te ŋā kona era ko ⌊Tōroma⌋ ꞌe ko ⌊Kōmora⌋ i haka ūtuꞌa rō e te ꞌAtua hai ahi ꞌātā ka topa rō he ꞌeo-ꞌeo, mo haka takeꞌa he aha te meꞌe mo topa ki te nuꞌu aŋa i te meꞌe taꞌe tano.

Hura 1:7

ꞌE ki te nuꞌu o ⌊Tōroma⌋, o ⌊Kōmora⌋ ꞌe o te kona hāhine ki ira i haka ūtuꞌa ai ꞌi roto i te ahi ꞌina he hopeꞌa raꞌa ꞌo te vaꞌai i a rāua ki te taiꞌata, ꞌe ki te rauhuru meꞌe taꞌe tano pa he noho te taŋata ki te taŋata ꞌā, ꞌe te viꞌe ki te viꞌe ꞌā. Te nuꞌu nei koia ko rā ŋā merahi he noho rō ꞌai pa he meꞌe mo haka manaꞌu ki te taꞌatoꞌa, ꞌo aŋa i te meꞌe tuꞌu pē ira ꞌe ꞌo haka ūtuꞌa e te ꞌAtua.

Meꞌe Haka Takeꞌa 11:13

ꞌI rā hora mau ꞌana he mākenu-kenu tahi te henua ꞌe, ꞌi te mākenu-kenu, he mārere-rere te ꞌapa e tahi o te ꞌapa e hoꞌe ꞌahuru o rā kona, ꞌe he mā-mate e hitu taꞌutini taŋata. Te nuꞌu taꞌe mā-mate era he riꞌa-riꞌa rō atu ꞌai, he ⌊huri i te manaꞌu ki te ꞌAtua⌋ ꞌi te raŋi ꞌe he haꞌamata he haꞌahana-hana ki a ia.

Meꞌe Haka Takeꞌa 11:9

ꞌE ꞌina he haka rē mo tanu; e toru mahana ꞌe te ꞌafa ka mātaꞌi-taꞌi ena i te hakari mate o te ŋā mataꞌite nei e te nuꞌu o te rauhuru nō atu kona, hau, ꞌarero ꞌe henua.

Meꞌe Haka Takeꞌa 14:20

He rei-rei i rā vino taꞌatoꞌa era ꞌi haho o te kona noho taŋata. ꞌE mai roto i rā poko-poko he toto te meꞌe i tehe ki te roa era e toru hānere kilómetro, ꞌe te parera ki te roa ena o te tāvaha o te hoi.

Meꞌe Haka Takeꞌa 14:8

ꞌI tuꞌa e kī e oho era te rua merahi: «¡Ko haka pararaha tahi ꞌā te kona nui-nui era ko ⌊Vāvīrōnia⌋, kona haka hara ꞌe haka haꞌamuri era i te taŋata taꞌatoꞌa o te ao ki te meꞌe taꞌe he ꞌAtua!».

Meꞌe Haka Takeꞌa 16:19

Te kona nui-nui ena ko ⌊Vāvīrōnia⌋ ko ꞌāvahi ꞌana e toru pāꞌiŋa, ꞌe ko mārere-rere tahi ꞌana te kona noho taŋata taꞌatoꞌa o te ao. Te ꞌAtua kai haka rehu i te hara o te nuꞌu o Vāvīrōnia; ko haka unu ꞌana hai vino o tōꞌona riri taparahi-taꞌata.

Meꞌe Haka Takeꞌa 17:1

E tahi o tū ŋā merahi era e hitu maꞌu poko-poko era he oho mai ꞌe he kī mai ki a au: «ꞌĪ a au he haka takeꞌa atu pē hē te ꞌAtua ka haka ūtuꞌa ena i te taiꞌo ꞌite e te nuꞌu, taiꞌo noho ꞌi te kona e rahi rō ꞌā te rio.

Meꞌe Haka Takeꞌa 17:18

Te viꞌe takeꞌa era e koe he kona nui-nui noho taŋata haka tere i te ꞌariki taꞌatoꞌa o te ao».

Meꞌe Haka Takeꞌa 17:5

ꞌI te tira e pāpaꞌi rō ꞌā te ꞌīŋoa: «⌊Vāvīrōnia⌋, matuꞌa vahine o te taiꞌo taꞌatoꞌa ꞌe o te meꞌe taꞌatoꞌa hano-hano o te ao». Te taŋata ꞌina kai ꞌite i te haꞌaauraꞌa mau o te ꞌīŋoa nei.

Meꞌe Haka Takeꞌa 18:10

ꞌI te riꞌa-riꞌa ꞌo haka ūtuꞌa takoꞌa i a rāua, mai kōnui ꞌā ka kī era: «¡Ko te ꞌaroha i a koe, e te kona nui-nui ē, e te kona hopeꞌa o te pūai ko Vāvīrōnia ē! ꞌI te hora mau nō e tahi i topa atu ai te ūtuꞌa ꞌi ruŋa i a koe».

Meꞌe Haka Takeꞌa 18:18

I takeꞌa era ko vera ꞌā rā kona ꞌe ko eꞌa ꞌā te ꞌau, he ꞌau-auē koia ko kī: «¡Ko te ꞌaroha ꞌō; ꞌina he rua kona pa he kona nui-nui era!».

Meꞌe Haka Takeꞌa 18:2

ꞌE hai reꞌo pūai i kī ai: «¡Ko haka pararaha ꞌā te kona nui-nui era ko Vāvīrōnia! ¡Ko riro ꞌā he kona noho o te tātane, he hare o te tiꞌaporo, hakapupa o te rauhuru atu manu rere kai i te meꞌe hano-hano ꞌe he ꞌana o te ꞌanimare taparahi-taꞌata!

Meꞌe Haka Takeꞌa 18:21

I oho era he maꞌu e te merahi pūai e tahi i te māꞌea nui-nui pa he māꞌea oro tariko a ruŋa, he ava ki roto i te vaikava ꞌe he kī: «¡Pē nei ka haka kore ena i a koe, e te kona nui-nui ko Vāvīrōnia ē, ꞌe ꞌina koe e ko takeꞌa haka ꞌou e te taŋata!

Meꞌe Haka Takeꞌa 18:24

I haka ūtuꞌa ai e te ꞌAtua i tū kona nui-nui era ko Vāvīrōnia ꞌo te ai hai ia i tehe ai te toto o te perofeta, o te nuꞌu haꞌataꞌa e te ꞌAtua māꞌana, ꞌe o te nuꞌu taꞌatoꞌa o te ao mate ꞌi te rua.