Meꞌe Haka Takeꞌa 11:3 - Rapa Nui

³ E uŋa rō a au ki ira e rua mataꞌite e uru rō ꞌana i te kahu aŋa hai pūtē tore mo haka ꞌite i tāꞌaku roŋo ꞌi rā ŋā mahana taꞌatoꞌa». Pē ira i kī mai ai e te ꞌAtua.

Meꞌe Haka Takeꞌa 11:3 ပူးပေါင်းရင်းမြစ်များ

Māteo 11:21

«¡Ko te ꞌaroha i a kōrua, e Koratini ꞌe e Vetetaira ē! ꞌĀhani ꞌi Tiro ꞌe ꞌi Tīrone i aŋa ai i te mana aŋa atu ki a kōrua, ko ⌊huri nō era ꞌana te nuꞌu o ira i te rāua manaꞌu ki te ꞌAtua⌋ ꞌe ko haka takeꞌa nō mai era ꞌā hai uru i te kahu aŋa hai pūtē tore ꞌe hai pī-pī i te ꞌeo-ꞌeo a ruŋa i te rāua pūꞌoko.

Māteo 18:16

ꞌE mo taꞌe haka roŋo atu, ka maꞌu e tahi ꞌo e rua taŋata ꞌi muri i a koe mo mataꞌite, mo haka tano ki te haka tere iŋa o te ꞌAtua pāpaꞌi e ⌊Mōtē⌋ pē nei ē: hai vānaŋa o te mataꞌite e rua ꞌo e toru he tī-tika te ture taꞌatoꞌa.

Ruka 10:13

»¡Ko te ꞌaroha i a kōrua, e te nuꞌu o Koratini ē, ꞌe o Vetetaira ē! ꞌĀhani ꞌi Tiro ꞌe ꞌi Tīrone i takeꞌa ai te mana aŋa atu era ki a kōrua, ko ⌊huri nō era ꞌana te nuꞌu o ira i te rāua manaꞌu ki te ꞌAtua⌋ ꞌe ko haka takeꞌa nō era ꞌā hai noho ꞌi roto i te ꞌeo-ꞌeo e uru rō ꞌana i te kahu i aŋa hai pūtē tore.

Ruka 24:48

»E haka ꞌite kōrua i te meꞌe taꞌatoꞌa nei ꞌo te ai he mataꞌite kōrua.

Iovani 15:27

ꞌE a kōrua he mataꞌite takoꞌa ōꞌoku; ꞌi muri i a au ꞌana, paꞌi, kōrua mai te hora haꞌamata hāpī era ꞌā ōꞌoku.

Iovani 3:27

He kī e Iovani: —Mo ai rō o te pūai o te taŋata e tahi, o te ꞌAtua i vaꞌai.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Aŋa o te ꞌĀpōtoro 13:31

I rahi rō te mahana o Ietū i haka takeꞌa i a ia ki te nuꞌu oho ananake mai Karirea ki Hērutarema. ꞌE, hora nei, ko rāua te mataꞌite haka ꞌite o ruŋa i a ia ki te taŋata taꞌatoꞌa.

Aŋa o te ꞌĀpōtoro 2:32

»Te ꞌAtua ko haka ora ꞌā i a Ietū mai te mate ꞌe he mataꞌite a mātou taꞌatoꞌa o rā meꞌe.

Aŋa o te ꞌĀpōtoro 3:15

»Pē ira a kōrua i tiŋaꞌi i haka mate ai i te taŋata vaꞌai mai i te ora ꞌāpī ꞌina he hopeꞌa raꞌa. ꞌE, ka ai atu pē ira, ko haka ora ꞌā e te ꞌAtua mai te mate; a māua he mataꞌite.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

2 Kōrinto 13:1

He toru ara nei ōꞌoku ka oho atu ena uꞌi i a kōrua. ꞌIna ko rehu: mo ai tāꞌue o te tātake ꞌi roto i a kōrua i te taina mo haka tī-tika ka tuꞌu atu ena a au, e ai e rua ꞌo e toru mataꞌite, pa he meꞌe kī ꞌi ruŋa i te ⌊Pāpaꞌi Moꞌa⌋.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 11:2

ꞌIna koe ko hāito i te haho; ko haka rē ꞌana, paꞌi, te kona ena ki te nuꞌu taꞌe ꞌite ko ai te ꞌAtua parautiꞌa. Mo rāua e tōtōā i te kona moꞌa ena ko Hērutarema e maha ꞌahuru mā piti ꞌāvaꞌe, te auraꞌa, e hoꞌe taꞌutini piti hānere ono ꞌahuru mahana.

Meꞌe Haka Takeꞌa 11:6

I te ŋā mataꞌite nei te pūai mo puru i te raŋi ꞌo hoa te ꞌua ꞌi te hora taꞌatoꞌa haka ꞌite o rāua i te roŋo o te ꞌAtua, ꞌe te pūai takoꞌa mo haka riro i te vai he toto ꞌe mo tōtōā i te henua hai rauhuru nō atu ꞌati hora nō era o rāua i haŋa.

Meꞌe Haka Takeꞌa 12:6

He tere ia rā viꞌe ki te kona ꞌone taꞌe noho taŋata, kona ꞌi ira i haka riva-riva ai e te ꞌAtua i te kona mo hāpaꞌo i a ia e hoꞌe taꞌutini piti hānere ono ꞌahuru mahana.

Meꞌe Haka Takeꞌa 13:5

Te ꞌAtua i haka rē nō i te manuꞌino eꞌa era mai roto i te vaikava mo kī i te meꞌe taꞌe tano ꞌe parauꞌino mōꞌona, ꞌe i haka rē takoꞌa nō mo haka tere pa he ꞌariki e maha ꞌahuru mā piti ꞌāvaꞌe.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.

Meꞌe Haka Takeꞌa 20:4

He takeꞌa haka ꞌou ia e au i te pepe noho ꞌariki, ꞌe ꞌi ruŋa i rā ŋā pepe te nuꞌu ki a rāua i vaꞌai ai i te parau mo ture i te taŋata. He takeꞌa takoꞌa e au i te vārua o te nuꞌu i paꞌo i te ŋao i mā-mate ai ꞌo te haka ꞌite i te hāpī ꞌa Ietū ꞌe i te ⌊roŋo riva-riva o te ꞌAtua⌋. Hora era o rāua e ora nō ꞌana kai haꞌamuri ki te manuꞌino ꞌe ki te ꞌītoro aŋa pē ia, ꞌe ꞌina takoꞌa kai haka rē i a rāua mo tāpaꞌo a te tira ꞌe a te rima hai tāpaꞌo era o rā manuꞌino. ꞌE he takeꞌa e au te ora iŋa haka ꞌou mai o rāua mai te mate ꞌe te haka tere iŋa ananake ko te ⌊Kiritō⌋ e hoꞌe taꞌutini matahiti.