Meꞌe Haka Takeꞌa 11:2 - Rapa Nui

² ꞌIna koe ko hāito i te haho; ko haka rē ꞌana, paꞌi, te kona ena ki te nuꞌu taꞌe ꞌite ko ai te ꞌAtua parautiꞌa. Mo rāua e tōtōā i te kona moꞌa ena ko Hērutarema e maha ꞌahuru mā piti ꞌāvaꞌe, te auraꞌa, e hoꞌe taꞌutini piti hānere ono ꞌahuru mahana.

Meꞌe Haka Takeꞌa 11:2 ပူးပေါင်းရင်းမြစ်များ

Māteo 27:53

ꞌe he eꞌa mai te kona ha-haꞌo i a rāua. I ora era a Ietū mai te mate, he oho rā nuꞌu ora haka ꞌou era ki Hērutarema, ꞌe nuꞌu rahi te nuꞌu i takeꞌa i a rāua ꞌi ira.

Māteo 4:5

He maꞌu ia e Rukifero i a Ietū ki Hērutarema, ki ruŋa i te kona hopeꞌa o te ruŋa nui o te Kona Haꞌamuri ꞌAtua

Māteo 5:13

»A kōrua he miti mo te taŋata o te ao nei. Mo kore tāꞌue te maŋeo o te miti, ꞌina ōꞌona hauhaꞌa toe; ꞌina paꞌi, he rāveꞌa mo haka maŋeo haka ꞌou. He hoa ki te ara ꞌe he rei-rei e te taŋata.

Ruka 21:24

E ai rō te nuꞌu o ira ka mate ena ꞌi te hoe, ꞌe tētahi atu he ꞌa-ꞌaru he maꞌu ki te rua henua; he tōtōā i a Hērutarema ꞌe he haka tere e te nuꞌu taꞌe he hūrio ꞌātā ki te roa o te mahana i haꞌatiꞌa e te ꞌAtua.

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.

Meꞌe Haka Takeꞌa 11:11

Ki tano te toru mahana ꞌe te ꞌafa, he haka ora haka ꞌou e te ꞌAtua i tū ŋā mataꞌite era ꞌe he eꞌa ki ruŋa. ꞌE te nuꞌu taꞌatoꞌa takeꞌa i a rāua he riꞌa-riꞌa rō atu ꞌai.

Meꞌe Haka Takeꞌa 11:3

E uŋa rō a au ki ira e rua mataꞌite e uru rō ꞌana i te kahu aŋa hai pūtē tore mo haka ꞌite i tāꞌaku roŋo ꞌi rā ŋā mahana taꞌatoꞌa». Pē ira i kī mai ai e te ꞌAtua.

Meꞌe Haka Takeꞌa 12:6

He tere ia rā viꞌe ki te kona ꞌone taꞌe noho taŋata, kona ꞌi ira i haka riva-riva ai e te ꞌAtua i te kona mo hāpaꞌo i a ia e hoꞌe taꞌutini piti hānere ono ꞌahuru mahana.

Meꞌe Haka Takeꞌa 21:10

ꞌI roto i tū meꞌe haka takeꞌa mai nei ia e te ⌊Vārua Maitai⌋, i maꞌu ai i a au e nei merahi ki ruŋa i te maꞌuŋa ruŋa nui nui-nui e tahi. Mai ira i haka takeꞌa mai ai i te kona moꞌa era ko Hērutarema e topa e oho mai ꞌā mai te raŋi mai muꞌa o te ꞌAtua.

Meꞌe Haka Takeꞌa 21:2

He takeꞌa e au ka topa te kona moꞌa, he Hērutarema ꞌāpī, mai te raŋi mai te ꞌAtua era. Ko haka riva-riva ꞌā pa he viꞌe haꞌamoꞌa-moꞌa e uru rō ꞌā i te kahu nehe-nehe mo tāꞌana kope era mo hāipo-ipo.

Meꞌe Haka Takeꞌa 22:19

ꞌE mo haka kore e tahi kope e tahi parehe o te roŋo nei o ruŋa i te meꞌe mo topa pe muꞌa ka oho ena pāpaꞌi ꞌi ruŋa i te puka nei, e ko haka rē e te ꞌAtua mo toꞌo i tāꞌana o te meꞌe hua mai ruŋa i te tumu vaꞌai i te ora ꞌāpī ꞌina he hopeꞌa raꞌa ꞌe mo noho ōꞌona ꞌi te kona moꞌa haka ꞌite ꞌi ruŋa i te puka nei.