Meꞌe Haka Takeꞌa 11:12 - Rapa Nui

¹² He kī ia e te reꞌo pūai e tahi mai te raŋi ki rā ŋā mataꞌite: «¡Ka iri mai kōrua!». He iri ararua a ruŋa i te raŋi tea-tea e tahi, ꞌe he takeꞌa e tū nuꞌu taꞌe haŋa era ki a rāua.

Meꞌe Haka Takeꞌa 11:12 ပူးပေါင်းရင်းမြစ်များ

Aŋa o te ꞌĀpōtoro 1:9

I kī era i te meꞌe nei, he iri he oho a Ietū a ruŋa, e uꞌi nō ꞌā e tū nuꞌu era, he viri e te raŋi e tahi ꞌe he ŋaro rō ꞌai.

1 Tētārōnika 4:17

ꞌE a tātou, te nuꞌu e ora nō ꞌā ananake ko te nuꞌu nei he maꞌu he iri ꞌi ruŋa i te raŋi tea-tea mo piri ki a Ietū ꞌi roto i te tokerau. Pē ira a tātou ka noho ena ꞌi muri i a ia ꞌina he hopeꞌa raꞌa.

Meꞌe Haka Takeꞌa 12:5

He poki tane te poki i poreko, poki māꞌana e haka tere i te taŋata taꞌatoꞌa o te ao hai pūai ꞌe ꞌina he nuꞌu mo rē ki a ia. I poreko era he toꞌo e te merahi i tū poki era, he maꞌu ki muꞌa o te ꞌAtua ꞌe ki muꞌa o tōꞌona pepe noho ꞌariki.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.

Meꞌe Haka Takeꞌa 4:1

I oti era te meꞌe nei, he uꞌi atu au ko te ꞌōpani e tahi e ha-hata nō mai ꞌana ꞌi te raŋi. ꞌE te reꞌo ŋaroꞌa raꞌe era e au, tuꞌu era pa he koneta, he kī haka ꞌou mai: «Ka iri mai koe; ꞌī a au he haka takeꞌa atu i te meꞌe mo topa pe muꞌa ka oho ena».