Meꞌe Haka Takeꞌa 10:1 - Rapa Nui

¹ He takeꞌa ia e au i te merahi pūai e tahi e topa ꞌā mai te raŋi e viri tahi rō ꞌana e te raŋi tea-tea. ꞌI ruŋa i tōꞌona pūꞌoko te hānua-nua mea e tahi. Te ꞌāriŋa e ꞌana-ꞌana rō ꞌā pa he raꞌā, ꞌe te vaꞌe pa he ura ahi ꞌā.

Meꞌe Haka Takeꞌa 10:1 ပူးပေါင်းရင်းမြစ်များ

Māteo 17:2

ꞌI rā kona, ꞌi muꞌa o rā nuꞌu, he huru kē te ꞌāriŋa o Ietū, he ꞌuira pa he raꞌā ꞌe he rito-rito te kahu pa he mōrī.

Ruka 21:27

»ꞌI rā hora he takeꞌa i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Aŋa o te ꞌĀpōtoro 26:13

ꞌE, ꞌi te ara, pe te hora kai, e te ꞌariki ē, he takeꞌa e au e tahi mōrī mai te raŋi ꞌata māꞌeha ki te raꞌā. He haka vari tahi i a au ꞌe i te nuꞌu oho atu ꞌi muri i a au e rā mōrī.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.

Meꞌe Haka Takeꞌa 18:1

I oti era te meꞌe nei, he takeꞌa e au i te merahi tōroꞌa nui-nui e tahi ka topa mai te raŋi. He māꞌeha ia te henua taꞌatoꞌa ꞌi te pūai o tōꞌona ꞌana-ꞌana.

Meꞌe Haka Takeꞌa 18:21

I oho era he maꞌu e te merahi pūai e tahi i te māꞌea nui-nui pa he māꞌea oro tariko a ruŋa, he ava ki roto i te vaikava ꞌe he kī: «¡Pē nei ka haka kore ena i a koe, e te kona nui-nui ko Vāvīrōnia ē, ꞌe ꞌina koe e ko takeꞌa haka ꞌou e te taŋata!

Meꞌe Haka Takeꞌa 20:1

I oho era he takeꞌa e au ka topa te merahi e tahi mai te raŋi e maꞌu rō ꞌana i te tāviri o te kona pū ꞌina he hopeꞌa o te raro nui. E maꞌu takoꞌa rō ꞌana ꞌi te rima i te vivi nui-nui e tahi.

Meꞌe Haka Takeꞌa 4:3

Te ꞌana-ꞌana o rā kope pa he ꞌana-ꞌana o te māꞌea hopeꞌa o te nehe-nehe he jaspe ꞌo he cornalina. Rā pepe e haka vari rō ꞌā e te hānua-nua mea e ꞌana-ꞌana rō ꞌana pa he esmeralda,

Meꞌe Haka Takeꞌa 5:2

ꞌE he takeꞌa e au i te merahi pūai e tahi e ohu ꞌā: «¿Ko ai te kope tano mo kume i te tāmaꞌu o te taka nei ꞌe mo mātaki?».

Meꞌe Haka Takeꞌa 8:13

I oti era he uꞌi atu a au ko te manu nui-nui e tahi e rere rō ꞌā ꞌi vāeŋa o te raŋi e ohu pūai ꞌā: «¡ꞌAu-auē te taŋata o ruŋa i te henua ka puhi ena te ŋā koneta haka ꞌou ena e toru!».