Meꞌe Haka Takeꞌa 1:7 - Rapa Nui

⁷ ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.

Meꞌe Haka Takeꞌa 1:7 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 24:30

ꞌI rā hora he takeꞌa ꞌi te raŋi te tāpaꞌo o te hoki iŋa mai o te Poki o te taŋata. Te nuꞌu taꞌatoꞌa o te ao he toꞌo te taŋi ꞌi te riꞌa-riꞌa, ꞌe he takeꞌa i te turu iŋa mai o te Poki o te taŋata ꞌi ruŋa i te raŋi e tahi, ꞌi ruŋa i a ia te pūai ꞌe te ꞌana-ꞌana o te ꞌAtua.

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Marko 13:26

»ꞌI rā hora ka takeꞌa ena i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Marko 14:62

He pāhono e Ietū: —ꞌĒ-ē, ko au. ꞌE a kōrua e takeꞌa rō i te Poki o te taŋata e noho rō ꞌana ꞌi te pāꞌiŋa mataꞌu o te ꞌAtua ꞌe i tōꞌona topa iŋa mai ꞌi ruŋa i te raŋi e tahi.

Ruka 21:27

»ꞌI rā hora he takeꞌa i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Iovani 19:34

Ka ai atu pē ira, i ꞌo-ꞌoka nō hai ransa e te vaꞌehau e tahi a te rehe-rehe o Ietū ꞌe, ꞌi tū hora ꞌā, i tehe ai te toto koia ko te vai.

Iovani 19:37

ꞌE ꞌi te rua kona e hāꞌaki rō ꞌā: «E uꞌi rō a ruŋa i te kope era ko ꞌo-ꞌoka ꞌā».

1 Tētārōnika 1:10

ꞌE e ꞌaꞌamu takoꞌa rō ꞌana rā nuꞌu pē hē kōrua e tiaki ena ki te hoki iŋa mai mai te raŋi o tāꞌana Poki ko Ietū, kope haka ora e te ꞌAtua mai te mate, ꞌe kope haka eꞌa i a tātou mai te ūtuꞌa taparahi-taꞌata, ūtuꞌa nā e tuꞌu rō mai.

1 Tētārōnika 4:17

ꞌE a tātou, te nuꞌu e ora nō ꞌā ananake ko te nuꞌu nei he maꞌu he iri ꞌi ruŋa i te raŋi tea-tea mo piri ki a Ietū ꞌi roto i te tokerau. Pē ira a tātou ka noho ena ꞌi muri i a ia ꞌina he hopeꞌa raꞌa.

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.

ꞌEvereo 6:6

mo hārui i te ꞌAtua hai tuaꞌivi, e ko ravaꞌa haka ꞌou mo haka huri i te rāua manaꞌu ki te ꞌAtua, he tuꞌu pa he meꞌe ena ē: e veo haka ꞌou ꞌā a rāua i te Poki o te ꞌAtua ꞌi ruŋa i te tātaurō, mo haka meꞌe-meꞌe haka ꞌou e te taꞌatoꞌa.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

Hura 1:14

A ꞌĒnoko, he hitu taŋata mai i a ꞌĀtamu, i vānaŋa rō pa he perofeta o ruŋa i te nuꞌu ena ꞌi te hora kī era pē nei ē: «I takeꞌa rō e au i te ꞌAtua e oho mai ꞌana koia ko tāꞌana merahi ka miꞌi ka miꞌi

Meꞌe Haka Takeꞌa 22:20

Te kope haka ꞌite he parautiꞌa te ŋā meꞌe nei e kī rō ꞌā: «He aŋi ꞌā, e ko roa hia a au ka tuꞌu atu ena». ꞌE te kī ꞌāꞌaku: «¡Ka ai pē ira! ¡Ka oho mai koe, e Ietū ē, e te mātou Pūꞌoko Haka Tere ē!».

Meꞌe Haka Takeꞌa 22:4

He takeꞌa e te nuꞌu nei i te ꞌāriŋa o te ꞌAtua, ꞌe ꞌi ruŋa i te rāua tira ka maꞌu era i tōꞌona ꞌīŋoa.