Meꞌe Haka Takeꞌa 1:5 - Rapa Nui

⁵ ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 1:5 ပူးပေါင်းရင်းမြစ်များ

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

Iovani 15:9

E haŋa rahi rō atu ꞌana a au ki a kōrua, pa he haŋa iŋa mai ena o te Matuꞌa ki a au. E maꞌu ꞌi roto i te kōrua māhatu te haŋa nei ōꞌoku ki a kōrua.

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 3:11

ꞌĪ a au he kī atu: e vānaŋa atu ena o ruŋa i te meꞌe ko ꞌite ꞌā ꞌe ko takeꞌa ꞌā e au; ꞌe, a kōrua ꞌina he haka roŋo mai.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 3:32

ꞌe e haka ꞌite mai ꞌana o ruŋa o tāꞌana meꞌe i ŋaroꞌa ꞌe i takeꞌa, ꞌe taŋata taꞌe rahi te taŋata i haka roŋo ki tāꞌana vānaŋa.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Aŋa o te ꞌĀpōtoro 26:23

e mate rō te ⌊Kiritō⌋, ꞌe ko ia te raꞌe ka ora ena mai te mate, ki haka māꞌeha ai pa he mōrī i te manaꞌu o te hūrio ꞌe o te nuꞌu taꞌe he hūrio hai haka ꞌite ki a rāua i te rāveꞌa pē hē te ꞌAtua ana haka eꞌa i te taŋata mai roto i te ūtuꞌa o te hara ꞌe ana vaꞌai i te ora ꞌāpī ꞌina he hopeꞌa raꞌa.

Rōmano 3:25

I uŋa mai ai, paꞌi, e te ꞌAtua i te ⌊Kiritō⌋ pa he tūtia mo haka kore i tōꞌona riri mo te tātou hara hai toto tehe era ꞌi ruŋa i te tātaurō. ꞌE, hai haka moe i te manaꞌu ꞌi ruŋa i te meꞌe aŋa era e te Kiritō, e haka kore ena e te ꞌAtua i te tātou hara. Hai meꞌe nei i haŋa ai te ꞌAtua mo haka aŋi-aŋi mai: a ia kope aŋa i te meꞌe tī-tika. Hora era kai tuꞌu mai ꞌana te Kiritō, kai tapa atu e te ꞌAtua i te hara o te taŋata, ꞌe i tuꞌu rō pa he meꞌe ena ē: ꞌina he tano tāꞌana meꞌe aŋa. I aŋa ai pē ira ꞌo te ai a ia kope ꞌite i te haꞌaoromaꞌi, ꞌe i haꞌaoromaꞌi ai i te hara o rā nuꞌu ꞌātā ki te hora mo ꞌamo e Ietū i te hara o te taꞌatoꞌa. Pē ira e ꞌite nei: te ꞌAtua he kope aŋa i te meꞌe tano, ꞌe e tano rō ꞌā a ia mo kī: te nuꞌu taꞌatoꞌa haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Rōmano 8:37

Ka ai atu e topa rō mai ꞌana te ŋā ꞌati taꞌatoꞌa nei, ꞌina he rē mai ki a tātou; e eꞌa nei, paꞌi, a tātou hai koa mai roto i te ꞌati hai pūai o te kope haŋa rahi mai.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Ēfeto 2:4

ꞌE, ꞌi te riva rahi o te ꞌAtua ꞌe ꞌi te māhatu ꞌaroha ōꞌona, i haŋa rahi nō mai

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

Kōrosa 1:18

A ia he Pūꞌoko Haka Tere o tātou o te nuꞌu taꞌatoꞌa haka moe i te manaꞌu ꞌi ruŋa i a ia, ꞌe a tātou pa he hakari ōꞌona. Māꞌana e haka tika mai, pa he pūꞌoko e haka tika ena i tōꞌona hakari. ꞌE a ia takoꞌa he kope raꞌe i haka ora e te ꞌAtua mai te mate, ki ai ai ko ia te raꞌe ꞌi te meꞌe taꞌatoꞌa.

1 Timoteo 6:13

E Timoteo, he kī atu au ꞌi muꞌa i te ꞌAtua, i a ia te ora o te meꞌe taꞌatoꞌa, ꞌe ꞌi muꞌa i a Ietū Kiritō, kī i te parautiꞌa ꞌi muꞌa o Pontio Pirato:

1 Timoteo 6:15

ꞌi te hora kī e te ꞌAtua. Te ꞌAtua e tahi mau nō. Ki a ia ana haꞌahana-hana; i a ia, paꞌi, te parau o te meꞌe taꞌatoꞌa. A ia he ꞌAriki o te ꞌariki, ꞌe he Pūꞌoko Haka Tere o te pūꞌoko haka tere taꞌatoꞌa.

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.

ꞌEvereo 9:14

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.

1 Pētero 1:19

hai toto hauhaꞌa era o te Kiritō, kope pa he māmoe mo tūtia ꞌina e tahi ōꞌona hape, i toꞌo ai i a kōrua.

1 Iovani 1:7

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.

1 Iovani 4:10

Ko te meꞌe nei te meꞌe he haŋa parautiꞌa: he uŋa mai o te ꞌAtua i tāꞌana Poki pa he tūtia mo haka kore o te tātou hara, taꞌe ꞌō ko te haŋa nei o tātou ki a ia.

Meꞌe Haka Takeꞌa 11:15

He puhi te hitu merahi i tāꞌana koneta. He ŋaroꞌa mai meꞌe rahi nō atu reꞌo pūai ꞌi te raŋi e kī ꞌā: «ꞌI te hora nei, i te ꞌAtua ꞌe i te ⌊Kiritō⌋ te haka tere iŋa o te ao, ꞌe he haka tere he oho ꞌātā ki te hopeꞌa raꞌa».

Meꞌe Haka Takeꞌa 11:3

E uŋa rō a au ki ira e rua mataꞌite e uru rō ꞌana i te kahu aŋa hai pūtē tore mo haka ꞌite i tāꞌaku roŋo ꞌi rā ŋā mahana taꞌatoꞌa». Pē ira i kī mai ai e te ꞌAtua.

Meꞌe Haka Takeꞌa 17:14

E moto rō ananake ki te Māmoe, ꞌe he rē te Māmoe ki a rāua, ꞌi te meꞌe era he Pūꞌoko Haka Tere o te pūꞌoko haka tere taꞌatoꞌa ꞌe he ꞌAriki o te ꞌariki taꞌatoꞌa. Te nuꞌu i moto ꞌi muri i te Māmoe he nuꞌu taꞌe haka rē i te Māmoe ki te hora hopeꞌa, haꞌataꞌa era e ia māꞌana, kī era mo ⌊haka moe i te manaꞌu⌋ ꞌi ruŋa i a ia».

Meꞌe Haka Takeꞌa 19:11

He uꞌi atu a au e ha-hata rō ꞌā te raŋi ꞌe he takeꞌa mai te hoi tea-tea e tahi. Te ꞌīŋoa o te kope o ruŋa: «He Kope Aŋa i Tāꞌana Meꞌe Kī» ꞌe «He Kope Parautiꞌa»; hai tī-tika, paꞌi, e haka tere ena i a ia ꞌi te hora kī i te tano ꞌe i te taꞌe tano o te taŋata ꞌe pē ira ꞌā ꞌi te hora o te tamaꞌi.

Meꞌe Haka Takeꞌa 19:16

ꞌI ruŋa i tōꞌona kahu ꞌe ꞌi ruŋa i tōꞌona hūhā e pāpaꞌi rō ꞌā te ꞌīŋoa nei: «He ꞌAriki o te ꞌariki, he Pūꞌoko Haka Tere o te pūꞌoko haka tere taꞌatoꞌa».

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa:

Meꞌe Haka Takeꞌa 7:14

—E koro, ko koe i ꞌite —i pāhono ai e au. He kī mai ia: —Te nuꞌu era he nuꞌu eꞌa mai roto i te ꞌati taparahi-taꞌata o te paꞌo iŋa o te ao, ko te nuꞌu haka maꞌitaki era ꞌe haka rito-rito era i te rāua kahu hai toto o te Māmoe.