Meꞌe Haka Takeꞌa 1:4 - Rapa Nui

⁴ A au a Iovani he ꞌaroha atu ki te nūnaꞌa taŋata hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia. Ka ai ꞌi ruŋa i a kōrua te riva rahi ꞌe te haumārū o te ꞌAtua o te hora nei, o muꞌa ꞌā ꞌe ka tuꞌu mai ena, o te vārua hoko hitu o muꞌa i tōꞌona pepe noho ꞌariki,

Meꞌe Haka Takeꞌa 1:4 ပူးပေါင်းရင်းမြစ်များ

Iovani 1:1

ꞌI te hora era kai aŋa ꞌā te ao, ko ai era ꞌana te Vānaŋa, ꞌe rā Vānaŋa ararua ko te ꞌAtua ꞌe a ia he ꞌAtua.

Aŋa o te ꞌĀpōtoro 19:10

Pē ira i aŋa ai e rua matahiti. Hai meꞌe nei te nuꞌu taꞌatoꞌa noho ꞌi te ŋā kona era o ꞌĀtia, ⌊hūrio⌋ ꞌe taꞌe hūrio, i ꞌite ai o ruŋa i te roŋo riva-riva o te ꞌAtua.

Aŋa o te ꞌĀpōtoro 2:9

ꞌI roto i a tātou, paꞌi, te nuꞌu o Paratia, o Mēria, o ꞌĒrama, o Mētōpōtāmia, o Hūrea, o Kāpārōtia, o Ponotō, o ꞌĀtia,

1 Kōrinto 1:3

Ka ai ꞌi ruŋa i a kōrua te riva rahi ꞌe te haumārū o te ꞌAtua he Matuꞌa, ꞌe o te tātou Pūꞌoko Haka Tere ko Ietū Kiritō.

2 Kōrinto 1:2

Ka ai ꞌi ruŋa i a kōrua te riva rahi ꞌe te haumārū o te ꞌAtua, Matuꞌa o tātou, ꞌe o Ietū Kiritō, Pūꞌoko Haka Tere o tātou.

ꞌEvereo 13:8

E te taina, ko tū manaꞌu ꞌā te manaꞌu o Ietū Kiritō ꞌi muꞌa ꞌā, ꞌi ꞌaŋarīnā ꞌe ki te hora hopeꞌa.

Tanatiako 1:17

taꞌatoꞌa meꞌe riva-riva ai o tātou mai te ꞌAtua e ai mai ena. ꞌĀꞌana, paꞌi, i aŋa i te meꞌe taꞌatoꞌa māꞌeha o te raŋi. Te ŋā meꞌe nei e huri rō ꞌana ꞌi tōꞌona hora: e pōꞌuri rō ꞌā ꞌe e māꞌeha rō ꞌana. ꞌE te huru o te ꞌAtua ꞌina he huri.

Meꞌe Haka Takeꞌa 1:1

Te meꞌe nei e au e ⌊Iovani⌋ ka pāpaꞌi atu ena he meꞌe e ko roa ka topa rō mai ena, he meꞌe i haka ꞌite e te ꞌAtua ki a Ietū Kiritō mo haka ꞌite mai ki a tātou ki tōꞌona tāvini. Nei meꞌe i haka ꞌite mai ai e Ietū hai meꞌe i haka takeꞌa mai e tōꞌona merahi.

Meꞌe Haka Takeꞌa 1:11

e kī mai ꞌā: «E pāpaꞌi ꞌi ruŋa i te puka te meꞌe taꞌatoꞌa ena ka takeꞌa ena e koe ꞌe ꞌai ka haka maꞌu rō ki te ŋā nūnaꞌa taŋata era hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia: ki Ēfeto, ki ꞌĒtēmīrina, ki Perekamo, ki Tiatira, ki Tare, ki Pīrārēpia, ꞌe ki Rāōrītea».

Meꞌe Haka Takeꞌa 1:17

I takeꞌa era e au, he tū-turi a au he moe a tōꞌona vaꞌe pa he meꞌe: ko mate ꞌana a au. He haka puā mai ia e rā kope i tōꞌona rima mataꞌu ꞌe he kī mai: «ꞌIna koe ko riꞌa-riꞌa. A au he Raꞌe ꞌe he Hopeꞌa,

Meꞌe Haka Takeꞌa 1:20

Te auraꞌa o te ŋā hetuꞌu era e hitu takeꞌa era e koe ꞌi tōꞌoku rima mataꞌu he merahi hoko hitu hāpaꞌo i te ŋā nūnaꞌa taŋata era hoko hitu, ꞌe nei ŋā merahi he pūꞌoko haka tere o rā ŋā nūnaꞌa. ꞌE te auraꞌa o te hakariꞌi piru era e hitu ko te ŋā nūnaꞌa taŋata nei hoko hitu.

Meꞌe Haka Takeꞌa 1:8

Te ꞌAtua o te hora nei, o muꞌa ꞌā ꞌe ka tuꞌu mai ena, ꞌAtua i a ia te pūai taꞌatoꞌa, pē nei e kī ena: «A au he Haꞌamata ꞌe he Hopeꞌa».

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 16:5

I oho era he ŋaroꞌa e au i te merahi hāpaꞌo vai e kī ꞌā ki te ꞌAtua: «E te ꞌAtua moꞌa ē, ꞌAtua o te hora nei ꞌe o muꞌa ꞌā, ko tano ꞌana koe i haka ūtuꞌa ena i te taŋata.

Meꞌe Haka Takeꞌa 2:12

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Perekamo: “Pē nei te kī o te kope i a ia te hoe kaꞌi-kaꞌi ararua pāꞌiŋa:

Meꞌe Haka Takeꞌa 2:18

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Tiatira: “Pē nei te kī o te Poki nei o te ꞌAtua, he kope tuꞌu o te mata pa he ura o te ahi, ꞌe te vaꞌe pa he ꞌaurī pura:

Meꞌe Haka Takeꞌa 2:8

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o ꞌĒtēmīrina: “Pē nei te kī o te kope he Raꞌe ꞌe he Hopeꞌa, he kope i mate rō ꞌe i ora haka ꞌou rō:

Meꞌe Haka Takeꞌa 22:16

»A au, a Ietū, ko uŋa atu ꞌā i tāꞌaku merahi mo haka ꞌite i te meꞌe taꞌatoꞌa nei ki te ŋā nūnaꞌa taŋata haka moe ena i te manaꞌu ꞌi ruŋa i a au. He hakaara a au o ⌊Tāvita⌋, ꞌe he hetuꞌu pura-pura ꞌi te pōꞌā».

Meꞌe Haka Takeꞌa 22:8

I takeꞌa rō ꞌe i ŋaroꞌa rō e au e ⌊Iovani⌋ i te ŋā meꞌe taꞌatoꞌa nei. I takeꞌa era ꞌe i ŋaroꞌa era e au, he tū-turi a au a te vaꞌe o te merahi haka takeꞌa mai era i rā ŋā meꞌe, mo haꞌamuri ki a ia.

Meꞌe Haka Takeꞌa 3:1

»E pāpaꞌi takoꞌa ki te merahi o te nūnaꞌa taŋata ⌊haka moe i te manaꞌu⌋ ꞌi ruŋa i a au o Tare: “Pē nei te kī o te kope i a ia te vārua e hitu o te ꞌAtua ꞌe te ŋā hetuꞌu era e hitu: ‘E ꞌite tahi rō ꞌana a au i taꞌa meꞌe aŋa, ꞌe ko ꞌite takoꞌa ꞌana a au ko mate ꞌā a koe, ka ai atu e kī ena e te tētahi nuꞌu e ora rō ꞌā.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa:

Meꞌe Haka Takeꞌa 3:7

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki:

Meꞌe Haka Takeꞌa 4:5

Mai te pepe ꞌariki o vāeŋa e eꞌa era te ꞌuira, te reꞌo ꞌe te pātiri. ꞌI muꞌa o rā pepe e hū rō ꞌā e hitu rama, he vārua e hitu o te ꞌAtua.

Meꞌe Haka Takeꞌa 4:8

Rā ŋā meꞌe ora era e ai rō ꞌā e ono karā ka tahi o rāua, te roto ꞌe te haho o rā ŋā karā e ꞌī rō ꞌana e te mata. Ka pō ka ꞌōtea e kī era: «¡Te Pūꞌoko Haka Tere o te meꞌe taꞌatoꞌa, te ꞌAtua, i a ia te pūai taꞌatoꞌa, ꞌina ōꞌona hape, ꞌina ōꞌona hara, ꞌe ꞌina he rua kope pē ia; ko ia te kope ꞌi muꞌa ꞌā, ꞌi te hora nei ꞌe ka tuꞌu mai ena!».

Meꞌe Haka Takeꞌa 5:6

ꞌI rā hora he takeꞌa e au i te Māmoe e tahi e māroa rō ꞌā ꞌi vāeŋa o te kona era ꞌi ira te pepe ꞌariki, te ŋā meꞌe ora era e hā, ꞌe tū ŋāŋata ra-rahi era. Te Māmoe nei e tuꞌu rō ꞌā pa he meꞌe ena ē: ko tiŋaꞌi ꞌā ꞌe ko tūtia ꞌana. E hitu ōꞌona tara ꞌe e hitu mata; rā ŋā mata ko te ŋā vārua era e hitu o te ꞌAtua uŋa era ki te kona taꞌatoꞌa o te ao.

Meꞌe Haka Takeꞌa 8:2

He takeꞌa ia e au e hitu merahi e māroa rō ꞌana ꞌi muꞌa o te ꞌAtua, ꞌe he vaꞌai ki a rāua e hitu koneta.