Meꞌe Haka Takeꞌa 1:1 - Rapa Nui

¹ Te meꞌe nei e au e ⌊Iovani⌋ ka pāpaꞌi atu ena he meꞌe e ko roa ka topa rō mai ena, he meꞌe i haka ꞌite e te ꞌAtua ki a Ietū Kiritō mo haka ꞌite mai ki a tātou ki tōꞌona tāvini. Nei meꞌe i haka ꞌite mai ai e Ietū hai meꞌe i haka takeꞌa mai e tōꞌona merahi.

Meꞌe Haka Takeꞌa 1:1 ပူးပေါင်းရင်းမြစ်များ

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Iovani 15:15

E ko kī haka ꞌou atu a au he tāvini kōrua; te tāvini, paꞌi, ꞌina he ꞌite i te manaꞌu o te kope haka aŋa i a ia. Mōꞌoku a kōrua he repahoa; ko haka ꞌite tahi atu ꞌana, paꞌi, a au i te meꞌe kī mai e tōꞌoku Matuꞌa.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 3:32

ꞌe e haka ꞌite mai ꞌana o ruŋa o tāꞌana meꞌe i ŋaroꞌa ꞌe i takeꞌa, ꞌe taŋata taꞌe rahi te taŋata i haka roŋo ki tāꞌana vānaŋa.

Iovani 8:26

E rahi rō ꞌā te meꞌe mo kī atu ōꞌoku o ruŋa i a kōrua, mo ture ꞌe mo haka ūtuꞌa. Ka ai atu pē ira, tāꞌaku meꞌe kī nō ki te taŋata o te ao he meꞌe kī mai e te kope uŋa mai i a au. He parautiꞌa mau nō, paꞌi, tāꞌana meꞌe kī.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

Karatia 1:12

ꞌE taꞌe o te taŋata i hāpī mai; a Ietū Kiritō mau ꞌā i haka ꞌite mai.

Ēfeto 3:3

ꞌĀꞌana i haka ꞌite mai i te parautiꞌa taꞌe haka ꞌite era ꞌi muꞌa ꞌā, he meꞌe nā ko pāpaꞌi ꞌiti-ꞌiti atu ꞌana e au.

Tito 1:1

A au, a Pauro, he ꞌaroha atu ki a koe, e Tito ē. A koe pa he poki mau ꞌā ꞌāꞌaku ꞌo tuꞌu ⌊haka moe i te manaꞌu⌋ ꞌi ruŋa i a Ietū pē au. Ka ai ꞌi ruŋa i a koe te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa. E Tito, ko ꞌite riva-riva ꞌana e koe: a au he tāvini o te ꞌAtua, ꞌe he ⌊ꞌāpōtoro⌋ ꞌa Ietū Kiritō, kope uŋa mai i a au ki te nuꞌu haꞌataꞌa e te ꞌAtua māꞌana, mo haka pūai i te rāua haka moe iŋa i te manaꞌu ꞌi ruŋa i a ia, ꞌe mo ꞌata haka aŋi-aŋi ki a rāua i te roŋo parautiꞌa o ruŋa i te ⌊Kiritō⌋, he roŋo hāꞌūꞌū i te taŋata mo riro o te rāua noho iŋa noho iŋa tano ki te mata o te ꞌAtua, ki aŋi-aŋi riva-riva ai pē nei ē: e ai rō i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌI raꞌe, paꞌi, ki te aŋa i te ao, i hōrea rō ai e te ꞌAtua i te ora ꞌāpī nei, ꞌe a ia ꞌAtua haka tano i tāꞌana meꞌe kī. ꞌI te hora tano kī e te ꞌAtua i haka ꞌite ai ki te taŋata o ruŋa i te ora ꞌāpī nei hai ⌊roŋo riva-riva o ruŋa i a Ietū Kiritō⌋, he roŋo haka ꞌite oho e au uŋa mai e te ꞌAtua, kope toꞌo i a tātou mai roto i te ūtuꞌa o te hara.

Meꞌe Haka Takeꞌa 1:19

»E Iovani, e pāpaꞌi te meꞌe taꞌatoꞌa ena ka haka takeꞌa atu ena e au: he meꞌe mo topa ꞌi te hora nei ꞌe he meꞌe mo topa pe muꞌa ka oho ena.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 17:1

E tahi o tū ŋā merahi era e hitu maꞌu poko-poko era he oho mai ꞌe he kī mai ki a au: «ꞌĪ a au he haka takeꞌa atu pē hē te ꞌAtua ka haka ūtuꞌa ena i te taiꞌo ꞌite e te nuꞌu, taiꞌo noho ꞌi te kona e rahi rō ꞌā te rio.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.

Meꞌe Haka Takeꞌa 19:9

He kī mai ia e te merahi: «Ka pāpaꞌi: “Ko te koa i te nuꞌu kī mo oho ki te kai o te hāipo-ipo o te Māmoe”». ꞌE he kī haka ꞌou mai: «Te vānaŋa nei he vānaŋa parautiꞌa o te ꞌAtua».

Meꞌe Haka Takeꞌa 21:2

He takeꞌa e au ka topa te kona moꞌa, he Hērutarema ꞌāpī, mai te raŋi mai te ꞌAtua era. Ko haka riva-riva ꞌā pa he viꞌe haꞌamoꞌa-moꞌa e uru rō ꞌā i te kahu nehe-nehe mo tāꞌana kope era mo hāipo-ipo.

Meꞌe Haka Takeꞌa 21:9

He oho mai ia e tahi o tū ŋā merahi maꞌu poko-poko era e hitu, poko-poko era o te ŋā ꞌati hopeꞌa era e hitu, ꞌe he kī mai: «Ka oho mai koe. ꞌĪ a au he haka takeꞌa atu i te viꞌe haꞌamoꞌa-moꞌa mo hāipo-ipo ki te Māmoe».

Meꞌe Haka Takeꞌa 22:1

He haka takeꞌa mai ia e tū merahi era i te rio maꞌitaki e tahi mai ira e eꞌa era te vai vaꞌai i te ora ꞌāpī ꞌina he hopeꞌa raꞌa. Rā vai pa he hiꞌo ꞌā te māꞌeha, ꞌe mai te kona pepe noho ꞌariki o te ꞌAtua ꞌe o te Māmoe e eꞌa era.

Meꞌe Haka Takeꞌa 22:16

»A au, a Ietū, ko uŋa atu ꞌā i tāꞌaku merahi mo haka ꞌite i te meꞌe taꞌatoꞌa nei ki te ŋā nūnaꞌa taŋata haka moe ena i te manaꞌu ꞌi ruŋa i a au. He hakaara a au o ⌊Tāvita⌋, ꞌe he hetuꞌu pura-pura ꞌi te pōꞌā».

Meꞌe Haka Takeꞌa 22:6

He kī mai e te merahi: «Te meꞌe haka takeꞌa ꞌe haka ꞌite atu era he parautiꞌa ꞌe e ko taꞌe haka tano. O te Pūꞌoko Haka Tere mau ꞌā, he ꞌAtua, kope haka ꞌite ki te perofeta i te rāua meꞌe mo haka ꞌite, i uŋa i tāꞌana merahi mo haka takeꞌa ki tōꞌona tāvini i te meꞌe e ko roa ka topa rō ena».

Meꞌe Haka Takeꞌa 22:8

I takeꞌa rō ꞌe i ŋaroꞌa rō e au e ⌊Iovani⌋ i te ŋā meꞌe taꞌatoꞌa nei. I takeꞌa era ꞌe i ŋaroꞌa era e au, he tū-turi a au a te vaꞌe o te merahi haka takeꞌa mai era i rā ŋā meꞌe, mo haꞌamuri ki a ia.

Meꞌe Haka Takeꞌa 22:9

ꞌE he kī mai e rā merahi: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌana, ꞌe pa he ŋā taina ena ōꞌou he perofeta, ꞌe pa he nuꞌu taꞌatoꞌa haka roŋo i te meꞌe pāpaꞌi o ruŋa i te puka nei».

Meꞌe Haka Takeꞌa 4:1

I oti era te meꞌe nei, he uꞌi atu au ko te ꞌōpani e tahi e ha-hata nō mai ꞌana ꞌi te raŋi. ꞌE te reꞌo ŋaroꞌa raꞌe era e au, tuꞌu era pa he koneta, he kī haka ꞌou mai: «Ka iri mai koe; ꞌī a au he haka takeꞌa atu i te meꞌe mo topa pe muꞌa ka oho ena».

Meꞌe Haka Takeꞌa 5:7

He oho ia tū Māmoe era he toꞌo i tū taka parau era mai te rima mataꞌu o te kope era ꞌi ruŋa i te pepe ꞌariki.