Māteo 9:6 - Rapa Nui

⁶ ꞌE ꞌī he haka takeꞌa atu pē nei ē: i a au i te ⌊Poki o te taŋata⌋ te parau mo haka kore i te hara ꞌi te ao nei». He kī ia ki tū taŋata hakari taꞌe makenu era: «Ka eꞌa koe ki ruŋa, ka toꞌo tuꞌu raŋo, ka eꞌa ka oho ki tuꞌu hare».

Māteo 9:6 ပူးပေါင်းရင်းမြစ်များ

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Māteo 9:2

ꞌI ira te nuꞌu i maꞌu ai ki a ia i te taŋata hakari taꞌe makenu e moe rō ꞌana ꞌi ruŋa i te raŋo. I takeꞌa era i te rahi o te haka moe iŋa o te manaꞌu o rā nuꞌu ꞌi ruŋa i a ia mo ora o rā māui-ui, he kī e Ietū ki tū taŋata hakari taꞌe makenu era: «¡Kiahio koe, e haŋu ē! Ko haka kore ꞌā e au i tuꞌu hara».

Māteo 9:5

Ki a kōrua, ¿ꞌata aŋarahi mo haka kore i te hara ki te haka ora i te māui-ui? ¿Taꞌe ꞌō hai parau nō o te ꞌAtua te ŋā meꞌe nei e aŋa ena?

Māteo 9:7

He eꞌa ki ruŋa tū taŋata hakari taꞌe makenu era ꞌe he oho ki tōꞌona hare.

Marko 2:10

ꞌĪ he haka takeꞌa atu pē nei ē: i a au, i te ⌊Poki o te taŋata⌋, te parau mo haka kore i te hara ꞌi te ao nei». He kī ia ki tū taŋata hakari taꞌe makenu era:

Marko 2:7

«¿Pē hē te kope era i manaꞌu ai mo kī pē rā? Vānaŋa taꞌe tano te vānaŋa era mo te ꞌAtua. Ko ia mau nō, paꞌi, te meꞌe haka kore i te hara».

Ruka 5:21

He haꞌamata ia te nuꞌu maꞌori o te haka tere hūrio ꞌe te fariseo he manaꞌu: «¿Ko ai a ia mo kī i te vānaŋa taꞌe tano mo te ꞌAtua? He ꞌAtua mau nō te meꞌe haka kore i te hara».

Iovani 10:28

Māꞌaku e vaꞌai ki a rāua i te ora ꞌāpī ꞌina he hopeꞌa raꞌa, ꞌo haka tapa e te ꞌAtua i a rāua mai muri i a ia ꞌe ꞌo haka ūtuꞌa. ꞌE ꞌina e tahi kope mo hiko i a rāua mai i a au.

Iovani 17:2

»Ko vaꞌai ꞌana a koe ki taꞌa Poki i te parau mo haka tere i te taŋata taꞌatoꞌa o te ao ꞌe mo vaꞌai i te ora ꞌāpī ꞌina he hopeꞌa raꞌa ki te nuꞌu haꞌataꞌa e koe māꞌana.

Iovani 5:27

Te ꞌAtua i vaꞌai rō mai ki a au, ki te ⌊Poki o te taŋata⌋, i te parau mo kī i te meꞌe tano ꞌe i te meꞌe taꞌe tano o te taŋata.

Iovani 5:8

He kī e Ietū: —Ka eꞌa ki ruŋa, ka toꞌo tuꞌu hēriki, ꞌe ꞌai koe ka eꞌa ka oho rō.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Aŋa o te ꞌĀpōtoro 9:34

He kī e Pētero: «E ꞌĒnea, ka eꞌa koe ki ruŋa ka hēriki tuꞌu roꞌi. Ko haka ora ꞌā koe e Ietū». ꞌI tū hora ꞌā i eꞌa ai a ꞌĒnea ki ruŋa.

2 Kōrinto 2:10

Te meꞌe haŋa ꞌi te hora nei he haka rehu e kōrua i te meꞌe taꞌe tano aŋa era e rā kope. Rā meꞌe ko haka rehu ꞌana e au, ꞌe ko ꞌite ꞌana e te ⌊Kiritō⌋: hai māhatu a au i haka rehu ai. I aŋa ai a au pē ira mo te kōrua riva-riva,

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.