Māteo 9:38 - Rapa Nui

³⁸ ꞌO ira, ka ani ki te kope ꞌāꞌana te kai, he ꞌAtua, mo ꞌata uŋa hai nuꞌu mo kato».

Māteo 9:38 ပူးပေါင်းရင်းမြစ်များ

Māteo 9:37

He kī ia ki tāꞌana nuꞌu hāpī: «Te parautiꞌa, nuꞌu rahi te nuꞌu mo toꞌo mo roto i te haka tere iŋa ꞌāpī o te ꞌAtua, pa he kato iŋa o te kai, ꞌe nuꞌu taꞌe rahi te nuꞌu o rāua te kato.

Iovani 20:21

He kī haka ꞌou ia e Ietū: «¡Ka ai ꞌi ruŋa i a kōrua te haumārū o te ꞌAtua! Pa he uŋa iŋa mai era e te Matuꞌa i a au, pē ira a au ka uŋa nei i a kōrua».

Iovani 4:35

»A kōrua e kī ena: “E hā ꞌāvaꞌe toe mo kato iho o te kai”. Tāꞌaku kī: “Ko tano ꞌana mo kato”. Ka uꞌi rā kōrua i te nuꞌu e pae mai ena: a rāua pa he kai ꞌoka ena ꞌā ko tano riva-riva ꞌana te rāua hora mo kato.

Aŋa o te ꞌĀpōtoro 13:2

ꞌI te mahana e tahi, e haꞌamuri nō ꞌā ananake ki te ꞌAtua ꞌe e tapu ꞌana i te kai, he kī e te ⌊Vārua Maitai⌋: «Ka haꞌataꞌa kōrua i a Verenāvē ararua ko Sauro; e ai rō ꞌā tāꞌaku aŋa mo rāua».

Aŋa o te ꞌĀpōtoro 8:4

Te nuꞌu tē-tere era mai Hērutarema he haka ꞌite i te ⌊roŋo riva-riva o te ꞌAtua⌋ ki te nuꞌu o te kona taꞌatoꞌa o rāua e tuꞌu era.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

2 Tētārōnika 3:1

Te meꞌe hopeꞌa, e te taina ē, e pure kōrua mo mātou, ki tuꞌu ai te roŋo parautiꞌa o te tātou Pūꞌoko Haka Tere ki te kona taꞌatoꞌa, ꞌe, takoꞌa, mo toꞌo ꞌe mo haꞌatura e te nuꞌu hai koa pē kōrua.