Māteo 9:25 - Rapa Nui

²⁵ ꞌe i haka eꞌa nō e Ietū. He uru ki roto i te piha ꞌi ira rā poki, he ꞌa-ꞌaru a te rima ꞌe he eꞌa rō ꞌai rā poki ki ruŋa.

Māteo 9:25 ပူးပေါင်းရင်းမြစ်များ

Marko 1:31

He haka hāhine a Ietū ki tū viꞌe era, he ꞌa-ꞌaru a te rima ꞌe he haka eꞌa ki ruŋa. ꞌI tū hora ꞌā he ora rō ꞌai te māui-ui, ꞌe he haꞌamata rā viꞌe he vaꞌai hai kai mo kuā Ietū.

Marko 5:41

He ꞌa-ꞌaru i te rima o tū poki era ko mate ꞌā ꞌe he kī: —Talita, kumi. Te auraꞌa o te vānaŋa nei: «E vovo, ki a koe a au e kī atu ena: ka eꞌa ki ruŋa».

Marko 8:23

He ꞌa-ꞌaru e Ietū i tū taŋata era a te rima he hāꞌere he oho ararua ki haho o Vetetaira. He haka rari i te mata hai ꞌā-ꞌanu ꞌe he haka puā hai rima. I oti era he ꞌui e Ietū: —¿E takeꞌa rō ꞌā koe i te meꞌe?

Marko 9:27

Ka ai atu pē ira, he ꞌa-ꞌaru e Ietū i te rima, he haka eꞌa ki ruŋa, ꞌe he māroa rō ꞌai rā poki.

Ruka 8:54

He ꞌa-ꞌaru ia e Ietū i te rima o rā poki he kī i haka pūai i te reꞌo: «¡E vovo, ka eꞌa koe ki ruŋa!».