Māteo 9:23 - Rapa Nui

²³ I tuꞌu era a Ietū ki te hare o tū taŋata hōnui era, he takeꞌa i te nuꞌu haka taŋi puhi e puhi ꞌā i te hīmene pāpaku, ꞌe i te tētahi nuꞌu e ki-kiu e taŋi ꞌā.

Māteo 9:23 ပူးပေါင်းရင်းမြစ်များ

Māteo 11:17

“Ko haka taŋi atu ꞌana a mātou i te peho reka, ꞌina a kōrua he ꞌori. Ko hīmene atu ꞌana a mātou i te hīmene haka ꞌaroha, ꞌina takoꞌa a kōrua kai ta-taŋi”.

Ruka 7:32

A rāua pa he ŋā poki ko-kori ꞌi te kona e tahi. He ohu e tētahi o rā ŋā poki ki te tētahi atu o rāua pē nei ē: “Ko haka taŋi atu ꞌana a mātou i te peho reka, ꞌina a kōrua kai ꞌori. Ko hīmene atu ꞌana a mātou i te hīmene haka ꞌaroha, ꞌina takoꞌa a kōrua kai ta-taŋi”.

Aŋa o te ꞌĀpōtoro 20:10

He topa ia a Pauro, he moe a ruŋa ꞌe he haꞌi i rā poki. He kī ki tū nuꞌu taina era: «ꞌIna kōrua ko riꞌa-riꞌa; ko ora haka ꞌou mai ꞌā».

Aŋa o te ꞌĀpōtoro 9:39

He oho a Pētero ꞌi muri. I tuꞌu era he uŋa ki roto i te piha ꞌi ira tū hakari era. Te ŋā viꞌe hove o roto he haka vari tahi i a Pētero ꞌe, e ta-taŋi nō ꞌā, he haka takeꞌa i te kahu aŋa e Rorokā mo tuhaꞌa ki te nuꞌu.

Meꞌe Haka Takeꞌa 18:22

¡E ko ŋaroꞌa haka ꞌou te peho o te koneta, o te arpa ꞌe o te puhi ꞌi tuꞌu ara ena! ¡E ko ai haka ꞌou i a koe te nuꞌu aŋa i te rauhuru meꞌe, ꞌe ꞌina takoꞌa e ko ŋaroꞌa haka ꞌou te heruru o taꞌu māꞌea oro tariko ena!