Māteo 9:22 - Rapa Nui

²² He hārui he uꞌi a Ietū a tuꞌa, he takeꞌa i rā viꞌe ꞌe he kī: «Kiahio koe, e vovo ē. He haka moe ōꞌou i tuꞌu manaꞌu ꞌi ruŋa i a au i ora ena tuꞌu māui-ui». ꞌE mai rā hora he ora rō ꞌai rā viꞌe.

Māteo 9:22 ပူးပေါင်းရင်းမြစ်များ

Māteo 15:28

He kī ia e Ietū: —¡Ko te pūai i tuꞌu haka moe iŋa i te manaꞌu ꞌi ruŋa i a au! Ka ai pa he meꞌe haŋa ena e koe. ꞌE ꞌi rā hora mau ꞌā he ora tū poki era.

Māteo 17:18

He ture e Ietū ki te tātane ꞌi roto i te poki ꞌe he haka eꞌa. ꞌI rā hora mau ꞌā he ora rō ꞌai tū poki era.

Māteo 8:13

I oti era he kī e Ietū ki tū kape rōmano era: —Ka oho koe ki tuꞌu hare, ꞌe ka ai pa he meꞌe haka moe ena e koe i te manaꞌu. ꞌI tū hora mau era ꞌana he ora rō ꞌai tū tāvini era.

Māteo 9:2

ꞌI ira te nuꞌu i maꞌu ai ki a ia i te taŋata hakari taꞌe makenu e moe rō ꞌana ꞌi ruŋa i te raŋo. I takeꞌa era i te rahi o te haka moe iŋa o te manaꞌu o rā nuꞌu ꞌi ruŋa i a ia mo ora o rā māui-ui, he kī e Ietū ki tū taŋata hakari taꞌe makenu era: «¡Kiahio koe, e haŋu ē! Ko haka kore ꞌā e au i tuꞌu hara».

Māteo 9:29

He haka puā ia a Ietū i tōꞌona rima ki te mata ꞌe he kī: —Ka ai pa he meꞌe haka moe ena e kōrua i te manaꞌu ꞌi ruŋa i a au.

Marko 10:52

He kī e Ietū: —Ka oho nō koe; ꞌi te haka moe ōꞌou i tuꞌu manaꞌu ꞌi ruŋa i a au i ora ena tuꞌu mata. ꞌI rā hora mau ꞌā he haꞌamata he takeꞌa e tū taŋata era i te meꞌe, ꞌe he oho takoꞌa ꞌi tuꞌa i a Ietū.

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Ruka 17:19

He kī ia e Ietū ki tū taŋata era: «Ka eꞌa koe ki ruŋa ka oho. ꞌI te haka moe ōꞌou i te manaꞌu ꞌi ruŋa i te ꞌAtua i ora ena tuꞌu māui-ui».

Ruka 18:42

He kī e Ietū: —¡Nā he ora tuꞌu mata ꞌo te haka moe ōꞌou i te manaꞌu ꞌi ruŋa i te ꞌAtua!

Ruka 7:50

He ꞌata kī ki rā viꞌe e Ietū: «Ko eꞌa ꞌana a koe mai roto i te hara, he haka moe ōꞌou i te manaꞌu ꞌi ruŋa i a au. Ka oho riva-riva».

Ruka 8:48

He kī e Ietū: —E vovo, a koe i ora ena ꞌo te haka moe ōꞌou i te manaꞌu ꞌi ruŋa i a au. Ka oho riva-riva.

Iovani 4:53

He aŋi-aŋi ia e rā taŋata ko tū hora kī mau era ꞌā e Ietū: «Ko ora ꞌana te māui-ui o taꞌa poki». ꞌE he haka moe rō ꞌai te manaꞌu ꞌi ruŋa i a Ietū, ꞌe pē ira ꞌā te nuꞌu taꞌatoꞌa o tōꞌona hare.

Aŋa o te ꞌĀpōtoro 14:9

Te taŋata nei e haka roŋo ꞌā i te vānaŋa ꞌa Pauro. He pupura ia e Pauro ꞌe he aŋi-aŋi e haka moe rahi rō ꞌana rā taŋata i te manaꞌu ꞌi ruŋa i te ꞌAtua mo tōꞌona ora.

Aŋa o te ꞌĀpōtoro 16:18

Meꞌe rahi mahana e ohu-ohu era ꞌātā ka ꞌeꞌete rō te manava o Pauro. He teka ia he kī ki te tātane o roto o tū poki era: «¡Hai ꞌīŋoa o Ietū Kiritō he kī atu au: ka eꞌa koe mai roto i te poki ena!». ꞌI tū hora mau era ꞌā he eꞌa tū tātane era mai roto.

ꞌEvereo 4:2

Te roŋo riva-riva nei ko haka ꞌite mai ꞌana ki a tātou ꞌe pē ira takoꞌa ꞌana ki te tātou tupuna. I hopeꞌa ai kai ai pa he meꞌe riva-riva mo rāua, he taꞌe ⌊haka moe i te manaꞌu⌋ ꞌi ruŋa i te ꞌAtua ꞌe ꞌi ruŋa i tāꞌana roŋo.