Māteo 9:16 - Rapa Nui

¹⁶ »ꞌIna e tahi kope hono i te kahu rūꞌau hai parehe tapa kahu ꞌāpī; te hono ꞌāpī he hiki ꞌe he paihi tū kahu rūꞌau era ꞌe he ꞌata nui-nui rō atu ꞌai te more.

Māteo 9:16 ပူးပေါင်းရင်းမြစ်များ

Māteo 9:15

He pāhono e Ietū: —¿E taꞌe koa ꞌe e taꞌe kai mau rō te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? Nā, paꞌi, e tano rō te hora he toꞌo i rā kope mai muri i a rāua; ꞌi rā hora ka tapu iho era.

Māteo 9:17

»ꞌE ꞌina takoꞌa he haꞌaꞌī i te vino ꞌāpī ki roto i te ipu i aŋa hai kiri ko rūꞌau ꞌā. Mo aŋa pē ira he paihi rā ipu, he māuꞌa te ꞌava ꞌe pē ira takoꞌa ꞌā te ipu. ꞌO ira, e haꞌaꞌī te ꞌava ꞌāpī ki roto i te ipu kiri ꞌāpī ꞌo māuꞌa rā ŋā meꞌe.

Marko 2:21

»ꞌIna he nuꞌu he hono i te kahu ko rūꞌau ꞌā hai tapa kahu ꞌāpī; te hono ꞌāpī, paꞌi, he hiki ꞌe he paihi te kahu rūꞌau, ꞌe he ꞌata nui-nui te more.

Ruka 5:36

He ꞌaꞌamu ia e Ietū i te ꞌaꞌamu haꞌaauraꞌa nei: «ꞌIna he nuꞌu hore i te vata ꞌāpī mo hono i te kahu rūꞌau. Mo aŋa pē ira, he rake-rake te vata, ꞌe te tapa ꞌāpī era e ko tano ꞌi ruŋa i te kahu rūꞌau.

Iovani 16:12

»E rahi nō ꞌana tāꞌaku meꞌe mo kī atu; ꞌe, mo kī atu ōꞌoku ꞌi te hora nei, e ko aŋi-aŋi e kōrua.

1 Kōrinto 13:13

E toru meꞌe ꞌina e ko kore ki te hora hopeꞌa: he haka moe iŋa i te manaꞌu ꞌi ruŋa i te ꞌAtua, he ŋatu o te haŋu ꞌi ruŋa i tāꞌana meꞌe hōrea mai era, ꞌe he haŋa ki te rua. ꞌE te meꞌe hopeꞌa o te hauhaꞌa o te ŋā meꞌe nei e toru he haŋa ki te rua.

2 Kōrinto 9:12

Te maꞌu i te hāꞌūꞌū nei ki te ŋā taina era o ira taꞌe nō e maꞌu ꞌā i te meꞌe hape o rāua, e aŋa takoꞌa ꞌā i te meꞌe mo ꞌata māuru-uru o rāua ki te ꞌAtua.