Māteo 9:13 - Rapa Nui

¹³ Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Māteo 9:13 ပူးပေါင်းရင်းမြစ်များ

Māteo 12:3

He pāhono e Ietū: —¿Kai taiꞌo ꞌana ꞌō kōrua i te meꞌe aŋa e ⌊Tāvita⌋ ꞌi te hora maruaki ōꞌona ananake ko te nuꞌu oho ꞌi muri i a ia?

Māteo 12:5

ꞌE ¿taꞌe ꞌō ko taiꞌo ꞌana a kōrua ꞌi ruŋa i te ⌊haka tere iŋa ꞌa Mōtē⌋: ꞌina te oromatuꞌa he haka ora mai te rāua aŋa o roto i te ⌊Kona Haꞌamuri ꞌAtua⌋ ꞌi te mahana haka ora ꞌe, ka ai atu pē ira, ꞌina he hara?

Māteo 12:7

A kōrua kai aŋi-aŋi ꞌā i te haꞌaauraꞌa o te vānaŋa nei o te ꞌAtua: «Tāꞌaku meꞌe haŋa taꞌe he tūtia o kōrua, he ai o kōrua nuꞌu māhatu ꞌaroha». ꞌĀhani i aŋi-aŋi e kōrua, e ko kī e hape rō ꞌā te nuꞌu ꞌina kai aŋa hia i te meꞌe taꞌe tano.

Māteo 19:4

He pāhono e Ietū: —¿Kai taiꞌo ꞌō a kōrua ꞌi te kona hāꞌaki ꞌi ruŋa i te ⌊Pāpaꞌi Moꞌa⌋ pē nei ē: te Kope aŋa era i a rāua ꞌi te haꞌamata iŋa o te ao «he tane ꞌe he vahine i aŋa ai»,

Māteo 21:42

He kī ia e Ietū: —¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te Pāpaꞌi Moꞌa? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare. O te ꞌAtua i aŋa pē ira, ꞌe ki te mātou mata he meꞌe nui-nui e tahi”.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 3:8

Ka haka tī-tika te kōrua noho iŋa ki takeꞌa ai he parautiꞌa mau ꞌā ko huri ꞌana te kōrua manaꞌu ki te ꞌAtua.

Māteo 4:17

Mai rā hora he haꞌamata a Ietū he tātara: «Ka huri te kōrua manaꞌu ki te ꞌAtua; ko hāhine mai ꞌana te haka tere iŋa ꞌāpī ōꞌona».

Marko 12:26

»ꞌE te ora o te taŋata mai te mate, ¿taꞌe ꞌō ko taiꞌo ꞌā e kōrua ꞌi ruŋa i te puka pāpaꞌi e Mōtē o ruŋa o te tumu ura ꞌi te ahi? Pē nei i kī ai e te ꞌAtua ki a Mōtē mai roto i rā tumu: “A au he ꞌAtua, kope ki a ia e haꞌamuri ena e te kōrua tupuna ko ⌊ꞌAparahama⌋, ko Itaꞌata ꞌe ko Hākovo”. I kī ai i te vānaŋa nei ko mate era ꞌā rā nuꞌu.

Marko 12:33

ꞌE te haŋa iŋa ki te ꞌAtua hai haŋu taꞌatoꞌa o te māhatu, o te manaꞌu, ꞌe o te pūai, ꞌe te haŋa ki te rua pa he haŋa iŋa ena ꞌā ōꞌou ki a koe, i hau rō atu i te hauhaꞌa ki te meꞌe taꞌatoꞌa tutu ꞌe tūtia ki te ꞌAtua.

Marko 2:17

I ŋaroꞌa era e Ietū, he kī ki tū nuꞌu fariseo era: —Te taote mo te māui-ui, taꞌe mo te nuꞌu ꞌina he māui-ui. A au i oho mai ai ki te nuꞌu hara mo huri i te rāua manaꞌu ki te ꞌAtua, taꞌe ki te nuꞌu tano ki te mata o te ꞌAtua.

Ruka 10:26

He pāhono e Ietū: —¿Pē hē e hāꞌaki ena ꞌi ruŋa i te meꞌe pāpaꞌi e ⌊Mōtē⌋? ¿He aha taꞌa meꞌe i taiꞌo?

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 5:31

He kī e Ietū: —Taꞌe mo te nuꞌu taꞌe māui-ui te taote, mo te nuꞌu māui-ui.

Ruka 5:32

A au i oho mai ai taꞌe ki te nuꞌu taꞌe hara; ki te nuꞌu hara a au i oho mai ai mo haka huri i te manaꞌu ki te ꞌAtua.

Iovani 10:34

He kī e Ietū: —ꞌI ruŋa i te ⌊Pāpaꞌi Moꞌa⌋ e hāꞌaki rō ꞌana te vānaŋa kī e te ꞌAtua ki te tētahi nuꞌu ra-rahi pē nei ē: “A kōrua he ꞌatua”.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

2 Pētero 3:9

Taꞌe he ŋeꞌi o te ꞌAtua e taꞌe topa ena te meꞌe kī e ia, pa he meꞌe manaꞌu e te tētahi nuꞌu. Te parautiꞌa, e tiaki ꞌana ki a kōrua hai haumārū ꞌi te meꞌe era ꞌina he haŋa mo mate e tahi nuꞌu. Tāꞌana meꞌe haŋa he huri o te manaꞌu o te taŋata taꞌatoꞌa ki a ia.