Māteo 9:12 - Rapa Nui

¹² I ŋaroꞌa era e Ietū i rā vānaŋa, he kī: —Taꞌe mo te nuꞌu taꞌe māui-ui te taote, mo te nuꞌu māui-ui.

Māteo 9:12 ပူးပေါင်းရင်းမြစ်များ

Māteo 18:11

Te ⌊Poki o te taŋata⌋, paꞌi, i oho mai ai mo haka eꞌa mai roto i te ūtuꞌa o te hara i te taŋata oho a te ara taꞌe tano ꞌe mo vaꞌai ki a rāua i te ora ꞌāpī ꞌina he hopeꞌa raꞌa.]

Marko 2:17

I ŋaroꞌa era e Ietū, he kī ki tū nuꞌu fariseo era: —Te taote mo te māui-ui, taꞌe mo te nuꞌu ꞌina he māui-ui. A au i oho mai ai ki te nuꞌu hara mo huri i te rāua manaꞌu ki te ꞌAtua, taꞌe ki te nuꞌu tano ki te mata o te ꞌAtua.

Ruka 5:31

He kī e Ietū: —Taꞌe mo te nuꞌu taꞌe māui-ui te taote, mo te nuꞌu māui-ui.

Ruka 8:43

ꞌI roto i rā nuꞌu e ai rō ꞌā e tahi viꞌe māui-ui; te māui-ui he toto tehe. Ka hoꞌe ꞌahuru mā piti matahiti o te ꞌamo i tū ꞌati era ꞌe, ko pau tahi ꞌana tōꞌona hauhaꞌa ꞌi te ꞌauhau iŋa i te taote mo haka ora i a ia. ꞌE ꞌina e tahi taote i ravaꞌa mo haka ora.

Ruka 9:11

I ꞌite era e te taŋata, he eꞌa he oho takoꞌa ki ira. He noho ia a Ietū he vānaŋa o ruŋa o te haka tere iŋa ꞌāpī o te ꞌAtua ꞌe he haka ora i te nuꞌu māui-ui.

Kōrosa 4:14

A Ruka, taote haŋa rahi o mātou, ꞌī e ꞌaroha atu ena mo kōrua, ꞌe pē ira takoꞌa ꞌā te taŋata nei ko Rema.