Māteo 8:20 - Rapa Nui

²⁰ He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Māteo 8:20 ပူးပေါင်းရင်းမြစ်များ

Māteo 12:32

Te ꞌAtua, paꞌi, e haka kore nō ꞌātā i te hara o te taŋata kī i te vānaŋa taꞌe tano mo te Poki o te taŋata; ꞌe, te kope kī i te vānaŋa taꞌe tano mo te Vārua Maitai, e ko haka kore e te ꞌAtua i tōꞌona hara ꞌi te ao nei ꞌe ꞌi te ao ka tuꞌu mai ena.

Māteo 12:40

Pa he noho iŋa e toru mahana o Hōnā ꞌi roto i te ika nui-nui, pē ira takoꞌa te Poki o te taŋata ka noho ena e toru mahana ꞌi te kona muraki i a ia.

Māteo 12:8

ꞌĪ a au he kī atu: i a au i te ⌊Poki o te taŋata⌋ te parau o te mahana haka ora mo kī i te meꞌe haꞌatiꞌa ꞌe i te meꞌe taꞌe haꞌatiꞌa mo aŋa.

Māteo 13:37

He pāhono e Ietū: «Te kope ꞌoka era i te karu riva-riva he ⌊Poki o te taŋata⌋,

Māteo 16:13

I tuꞌu era a kuā Ietū ki Tētārea o Fīripo, he ꞌui ki tāꞌana nuꞌu hāpī: —¿Ko ai te ⌊Poki o te taŋata⌋ e kī ena e te nuꞌu?

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 17:9

E turu nō ꞌana ananake mai ruŋa i te maꞌuŋa, he kī e Ietū: —ꞌIna ko ꞌaꞌamu te meꞌe takeꞌa ena e kōrua ꞌātā ki te ora iŋa mai te mate o te ⌊Poki o te taŋata⌋.

Māteo 19:28

He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 12:8

»ꞌĪ a au he kī atu: te kope kī ꞌi muꞌa i te taŋata e haŋa rō mai ꞌana ki a au, pē ira takoꞌa ꞌana a au, te ⌊Poki o te taŋata⌋, ka kī ena mōꞌona ꞌi muꞌa o te merahi o te ꞌAtua.

Ruka 18:8

ꞌĪ a au he kī atu: e ko roa he hāꞌūꞌū. ꞌE, hora era o te ⌊Poki o te taŋata⌋ ka tuꞌu haka ꞌou mai ena, ¿e ai nō ꞌana hō te taŋata ⌊haka moe i te manaꞌu⌋ ꞌi ruŋa i te ꞌAtua?».

Ruka 2:12

Mo aŋi-aŋi e kōrua ko ai, he poki e tahi e haꞌī rō ꞌana hai kahu ꞌe e haka moe rō ꞌā ꞌi roto i te meꞌe hāŋai puaꞌa».

Ruka 2:16

He oho ananake, i keꞌo-keꞌo te vaꞌe, ki rā kona. He takeꞌa i a Māria, i a Kōsē, ꞌe i te poki e moe rō ꞌā ꞌi roto i te meꞌe hāŋai puaꞌa.

Ruka 2:7

He poreko poki tane, poki ꞌatariki ꞌa Māria. He haꞌī hai kahu ꞌe he haka moe ꞌi roto i te meꞌe hāŋai puaꞌa. A rāua, paꞌi, ꞌi te kona hāpaꞌo puaꞌa, ꞌi te meꞌe ko ꞌī tahi ꞌā te hare e te taŋata.

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Ruka 8:3

a Huana, viꞌe ⌊hāipo-ipo⌋ ꞌa Kuta, taŋata ꞌāꞌana te haka tere i te hauhaꞌa o ⌊ꞌErore⌋; a Tūtana; ꞌe meꞌe rahi haka ꞌou atu te ŋā viꞌe e hāꞌūꞌū e oho era hai meꞌe ai o rāua.

Ruka 9:58

He pāhono e Ietū: —Te kurī manu e ai rō ꞌā te karava mo noho, ꞌe te manu he hakapupa; ꞌe te Poki o te taŋata ꞌina he kona mo noho.

Iovani 1:51

He kī ia ki te taꞌatoꞌa: «ꞌĪ a au he kī atu: e riro rō kōrua he mataꞌite o nei ŋā meꞌe, ꞌe te nui-nui e tuꞌu rō pa he meꞌe ena: e ha-hata rō ꞌā te raŋi, ꞌe e iri ꞌe e topa rō mai ꞌā te merahi o te ꞌAtua ꞌi ruŋa i a au i te ⌊Poki o te taŋata⌋».

Iovani 12:34

He kī e te taŋata: —E hāꞌaki ena ꞌi ruŋa i te Pāpaꞌi Moꞌa: te ⌊Kiritō⌋ e ko mate ki te hora hopeꞌa. ¿Pē hē ia a koe e kī mai ena e veo rō i te Poki o te taŋata ꞌi ruŋa i te tātaurō? ¿Ko ai ia nā Poki ena o te taŋata?

Iovani 13:31

I eꞌa era a Hura he kī a Ietū: —E ko roa he takeꞌa te pūai ꞌe te nui-nui o te ⌊Poki o te taŋata⌋, ꞌe hai ia ka takeꞌa takoꞌa ena te pūai ꞌe te nui-nui o te ꞌAtua.

Iovani 3:13

»ꞌIna ꞌā he kope raꞌe i iri ki te raŋi, he kope topa nō mai era mai ruŋa, he ⌊Poki o te taŋata⌋.

Iovani 3:14

Pa he haka tuꞌu iŋa e ⌊Mōtē⌋ i te pou ꞌi ruŋa te kōreha ꞌi te kona ꞌone taꞌe noho taŋata, pē ira takoꞌa ꞌana ka haka tuꞌu ena i te tātaurō ꞌi ruŋa te Poki o te taŋata,

Iovani 6:27

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

Iovani 6:53

He kī e Ietū: —ꞌĪ a au he kī atu: mo taꞌe kai o kōrua i te hakari ꞌe mo taꞌe unu i te toto o te Poki o te taŋata, e ko ravaꞌa e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 6:62

¿Pē hē ia mo takeꞌa i te Poki o te taŋata e iri ꞌana ki te kona era mai ira i turu mai ai?

Aŋa o te ꞌĀpōtoro 7:56

He kī ia: «¡Ē, ka uꞌi rā kōrua! ꞌĪ e takeꞌa mai nei i te raŋi e ha-hata rō ꞌā, ꞌe i te ⌊Poki o te taŋata⌋ ꞌi te pāꞌiŋa mataꞌu o te ꞌAtua».

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.