Māteo 8:19 - Rapa Nui

¹⁹ He haka hāhine ia te taŋata maꞌori e tahi o te haka tere hūrio he kī: —E te Maꞌori, kona nō ena ōꞌou ka oho ena, he oho atu a au ꞌi muri i a koe mo taŋata hāpī ꞌāꞌau.

Māteo 8:19 ပူးပေါင်းရင်းမြစ်များ

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

1 Kōrinto 1:20

¿ꞌI hē i hopeꞌa ai te nuꞌu mārama-rama, te ⌊maꞌori o te haka tere hūrio⌋ ꞌe te kope haka kē mo vānaŋa i te meꞌe o te ao nei? Ko haka ꞌite mai ꞌā e te ꞌAtua: mōꞌona ꞌina e tahi hauhaꞌa te mārama-rama o te taŋata.

1 Kōrinto 16:6

E rahi ꞌiti rō pēaha tōꞌoku noho atu ꞌi muri i a kōrua, korohaŋa ꞌāvaꞌe taꞌatoꞌa era o te toŋa. Pē ira, ki oho haka ꞌou a au ꞌi tōꞌoku ara ki te rua kona, e tano rō pēaha kōrua mo hāꞌūꞌū mai hai meꞌe mo tōꞌoku ara.