Māteo 8:17 - Rapa Nui

¹⁷ Te meꞌe nei i topa ai tano ki te meꞌe haka ꞌite e te perofeta era ko ꞌItaia ꞌi te hora kī: «ꞌĀꞌana mau ꞌā i ꞌamo i te tātou maꞌi ꞌe i te tātou māui-ui».

Māteo 8:17 ပူးပေါင်းရင်းမြစ်များ

Māteo 1:22

Te meꞌe taꞌatoꞌa nei i topa ai mo haka tano ki te vānaŋa o te ꞌAtua haka ꞌite e te perofeta pē nei ē:

Māteo 2:15

ꞌI ira i noho ai ꞌātā ka mate rō a ꞌErore. Te meꞌe nei i topa ai mo haka tano ki te vānaŋa kī e te ꞌAtua haka ꞌite e te perofeta: «Ko haka eꞌa mai ꞌana a au i tāꞌaku Poki mai Ehipto».

Māteo 2:23

I tuꞌu era ki Karirea he oho he noho ꞌi Nātāreta. Te meꞌe nei i topa ai tano ki te meꞌe kī e te perofeta o ruŋa i te Kiritō pē nei ē: «E kī rō i a ia he taŋata o Nātāreta».

Marko 1:32

I ahi-ahi pō era, he maꞌu ki a Ietū i te nuꞌu māui-ui taꞌatoꞌa o ira ꞌe i te nuꞌu oꞌo e te tātane.

Ruka 4:40

I ŋaro era te raꞌā o rā mahana haka ora era, he eꞌa te taŋata taꞌatoꞌa ai o te rāua nuꞌu māui-ui he maꞌu ki a Ietū. ꞌE, ka ai atu huru kē huru kē te rāua māui-ui, he haka puā e Ietū hai rima ꞌe he ora rō ꞌai.

2 Kōrinto 12:10

ꞌĒ-ē, e koa rō ꞌana a au ꞌo tōꞌoku taꞌe pūai, ꞌo te vā-vā mai, ꞌo te kore o tāꞌaku meꞌe, ꞌo te tute mai mo tōtōā ꞌe ꞌo te ꞌati taꞌatoꞌa topa mai ꞌi ruŋa i a au ꞌi te ai ōꞌoku ꞌa Ietū Kiritō; ꞌi te hora taꞌe pūai ōꞌoku, paꞌi, ꞌi rā hora mau ꞌā e ꞌata pūai ena a au hai pūai ōꞌona.

1 Pētero 2:24

A Ietū i ꞌamo ai i te tātou hara ꞌi ruŋa i te tātaurō, ki haka rē ai a tātou i te aŋa i te meꞌe taꞌe tano, ꞌe ki tano ai te tātou noho iŋa ki te mata o te ꞌAtua. Hai ꞌamo e ia i te ꞌati i ora ai tātou.