Māteo 7:24 - Rapa Nui

²⁴ »Te nuꞌu haka roŋo ꞌe aŋa i tāꞌaku meꞌe kī pa he taŋata manaꞌu riva-riva aŋa i tōꞌona hare ꞌi ruŋa i te kona hio-hio.

Māteo 7:24 ပူးပေါင်းရင်းမြစ်များ

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 16:18

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Māteo 25:2

E rima o rā ŋā uka, uka ꞌite mo haka topa i te manaꞌu, ꞌe e rima taꞌe pē ira.

Māteo 25:4

ꞌE te ŋā uka haka ꞌou era e rima i maꞌu rō i te rāua ipu mōrī koia ko te hakariꞌi.

Māteo 25:9

»He pāhono e rā ŋā uka: “ꞌIna, ꞌo taꞌe tano rō mo mātou ꞌe mo kōrua. Ka oho kōrua ka hoꞌo mai to kōrua o te mōrī”.

Māteo 7:25

He hoa te ꞌua, he rahi he oho te vai o roto i te rio, he hetu ki rā hare ꞌe he puhi pūai te tokerau a ruŋa, ꞌe ꞌina kai marere ꞌi te aŋa ꞌi te kona hio-hio.

Māteo 7:26

»ꞌE te nuꞌu ŋaroꞌa ꞌe taꞌe haꞌatura ki tāꞌaku meꞌe kī pa he taŋata maꞌa-maꞌa aŋa i tōꞌona hare ꞌi ruŋa i te ꞌone.

Ruka 11:28

He pāhono e Ietū: —¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!

Iovani 13:17

Mo aŋi-aŋi o kōrua i tāꞌaku meꞌe hāpī atu ena ꞌe mo aŋa i rā ŋā meꞌe, he haꞌamaitai kōrua e te ꞌAtua.

Iovani 14:15

»Mo haŋa mai o kōrua, he haꞌatura kōrua ki tāꞌaku roŋo.

Iovani 15:10

Mo haꞌatura o kōrua ki tāꞌaku roŋo, e ko kore tōꞌoku haŋa mo kōrua, pa he taꞌe kore iŋa ena ꞌā o te haŋa o tōꞌoku Matuꞌa ki a au ꞌo te haꞌatura ōꞌoku ki tāꞌana roŋo.

Iovani 15:14

Mo aŋa kōrua i tāꞌaku meꞌe nei e kī atu ena, he repahoa parautiꞌa mau ꞌā kōrua ōꞌoku.

Rōmano 2:13

Taꞌe he nuꞌu tano ki te mata o te ꞌAtua te nuꞌu haka roŋo nō i te haka tere iŋa ꞌa Mōtē. Te nuꞌu tano ki tōꞌona mata he nuꞌu haka roŋo ꞌe haꞌatura ki rā haka tere iŋa.

1 Iovani 2:3

A tātou e ꞌite nei e māhani rō ꞌana ki te ꞌAtua hai haꞌatura o tātou ki te roŋo o te ꞌAtua.