Māteo 7:21 - Rapa Nui

²¹ »Taꞌe taꞌatoꞌa nuꞌu kī mai: “E tōꞌoku Pūꞌoko Haka Tere ē”, mo oꞌo ki roto i te haka tere iŋa ꞌāpī o tōꞌoku Matuꞌa ꞌi te raŋi; te nuꞌu mau nō mo oꞌo he nuꞌu aŋa i tāꞌana meꞌe haŋa.

Māteo 7:21 ပူးပေါင်းရင်းမြစ်များ

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 16:17

He kī e Ietū: —¡Ko te koa i a koe, e Tīmona, poki ꞌa Hōnā ē! Te meꞌe ꞌite ena e koe taꞌe o te taŋata i haka ꞌite atu, o tōꞌoku Matuꞌa o te raŋi.

Māteo 18:10

»ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Māteo 18:19

»He kī atu a au: mo haꞌaꞌau ꞌi te ao nei hoko rua o kōrua mo no-noꞌi e tahi meꞌe hai pure, he vaꞌai atu e tōꞌoku Matuꞌa o te raŋi.

Māteo 18:3

ꞌe he kī: —ꞌĪ a au he kī atu: mo taꞌe huri o te kōrua manaꞌu pa he ŋā poki, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 18:35

He kī haka ꞌou e Ietū: «Pē ira takoꞌa tōꞌoku Matuꞌa o te raŋi ka aŋa atu ena mo taꞌe haka rehu o kōrua hai māhatu i te meꞌe taꞌe tano aŋa atu e te kōrua taina».

Māteo 19:24

ꞌE he kī haka ꞌou atu a au: i hau rō atu ꞌi te aŋarahi mo te taŋata ꞌono mo haka rē i a ia mo haka tere e te ꞌAtua, ki te oꞌo o te kameio a roto i te mata o te ivi.

Māteo 25:10

»Ko oho ꞌana ia tū ŋā uka era hoꞌo i te rāua mōrī, ꞌī ko tuꞌu ꞌā te kope era mo hāipo-ipo, ꞌe tū ŋā uka ꞌite era mo haka topa i te manaꞌu he uru ꞌi muri i rā kope ki te hāipo-ipo ꞌe he puru te ꞌōpani.

Māteo 25:21

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Māteo 26:39

He haka ꞌava-ꞌava a Ietū pe muꞌa, he tū-turi he noi ꞌātā ka puā rō te tira ki te ꞌōꞌone, he pure: «E Koro ōꞌoku ē, ana tano ki a koe, ka toꞌo te ꞌati nei mai ruŋa i a au. ꞌE, ka ai atu ꞌī ꞌāꞌaku meꞌe haŋa, ka haka tano hai meꞌe ꞌāꞌau i haŋa ꞌe taꞌe hai meꞌe ꞌāꞌaku».

Māteo 26:42

He hoki ia a Ietū he pure: «E Koro ōꞌoku ē, mo kore o te rāveꞌa mo taꞌe ꞌamo ōꞌoku ꞌi te ꞌati ka topa mai ena, ka aŋa taꞌa meꞌe nō era i haŋa».

Marko 3:35

Te nuꞌu aŋa, paꞌi, i te meꞌe haŋa o te ꞌAtua he huaꞌai takoꞌa ōꞌoku.

Marko 9:47

»ꞌE mo haka hara i a koe e tuꞌu mata e tahi, ka ka-karo ka hoa mai ruŋa i a koe; e hau rō atu, paꞌi, mōꞌou te oꞌo ki roto i te ao haka tere e te ꞌAtua e tahi nō mata, ki te ai ararua uꞌu mata ꞌe he hoa i a koe ki roto i te pōꞌauahi,

Ruka 11:28

He pāhono e Ietū: —¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!

Ruka 13:25

Ki puru te ꞌōpani e te kope era ōꞌona rā kona, ka ohu pūai ena kōrua: “ꞌEi, ka mātaki mai te ꞌōpani”. He pāhono atu e rā kope: “Kai ꞌite a au ko ai kōrua ꞌe o hē kōrua”.

Ruka 18:25

I hau rō atu ꞌi te aŋarahi mo te taŋata ꞌono mo haka rē i a ia mo haka tere e te ꞌAtua ki te oꞌo o te kameio a roto i te mata o te ivi.

Ruka 6:46

»¿He aha kōrua e kī ena he Pūꞌoko Haka Tere a au o kōrua, ꞌe ꞌina kōrua he aŋa i tāꞌaku meꞌe kī?

Iovani 14:7

Mo ꞌite o kōrua ko ai a au, he ꞌite takoꞌa ko ai te Matuꞌa. ꞌE mai te hora nei ka ꞌite ena a kōrua ko ai a ia; ko takeꞌa ko oho nō mai era ꞌā, paꞌi, e kōrua i a ia.

Iovani 15:23

Te nuꞌu maꞌu i te riri mōꞌoku e maꞌu takoꞌa rō ꞌā i te riri mo tōꞌoku Matuꞌa.

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Iovani 5:17

Ka ai atu pē ira, he kī e Ietū ki tū nuꞌu hūrio ra-rahi era: «Tōꞌoku Matuꞌa e aŋa e oho nō ꞌā, ꞌe pē ira takoꞌa ꞌana a au».

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Iovani 7:17

Te kope haŋa mo aŋa i te meꞌe haŋa o te ꞌAtua he aŋi-aŋi hoki tāꞌaku hāpī nei mai te ꞌAtua ꞌo he vānaŋa ꞌāꞌaku mau ꞌā.

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

Rōmano 2:13

Taꞌe he nuꞌu tano ki te mata o te ꞌAtua te nuꞌu haka roŋo nō i te haka tere iŋa ꞌa Mōtē. Te nuꞌu tano ki tōꞌona mata he nuꞌu haka roŋo ꞌe haꞌatura ki rā haka tere iŋa.

Ēfeto 6:6

E aŋa riva-riva te kōrua aŋa, taꞌe nō ꞌō ꞌi te hora ꞌi muri i a kōrua te nuꞌu haka aŋa atu ki koa ai a rāua. E aŋa kōrua pa he tāvini o Ietū aŋa hai māhatu i te meꞌe haŋa e te ꞌAtua.

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

1 Tētārōnika 4:3

Te haŋa o te ꞌAtua: he ai o te kōrua noho iŋa ꞌina e tahi hara, he taꞌe moe e tahi kope i te viꞌe ꞌe i te taŋata taꞌe he viꞌe ꞌo he kenu ꞌāꞌana,

1 Tētārōnika 5:18

ꞌE, takoꞌa, e māuru-uru kōrua ki te ꞌAtua ꞌi te taꞌatoꞌa nō hora nōatu te meꞌe topa atu. Ko te ŋā meꞌe nei te meꞌe haŋa ꞌāꞌana mo aŋa e kōrua e te nuꞌu haka moe i te manaꞌu ꞌi ruŋa i a Ietū.

Tito 1:16

Pē nei e kī ena: e māhani rō ꞌā a rāua ki te ꞌAtua, ꞌe hai meꞌe aŋa e takeꞌa ena ꞌina kai māhani. A rāua, paꞌi, he nuꞌu taparahi-taꞌata, taꞌe haka roŋo ki te ꞌAtua. ꞌO ira e ko tano mo aŋa i te meꞌe riva-riva ki te mata o te ꞌAtua.

ꞌEvereo 13:21

e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.

ꞌEvereo 4:6

ꞌE e ai nō ꞌana te nuꞌu mo oꞌo ki roto i te haka ora nei; te nuꞌu ꞌite raꞌe era, paꞌi, o ruŋa, ꞌina kai oꞌo he taꞌe haꞌatura ki te ꞌAtua.

Tanatiako 1:22

ꞌE taꞌe nō e haka roŋo i rā roŋo; e aŋa takoꞌa i te meꞌe era e kī atu era. Mo taꞌe aŋa pē ira, e reo-reo ꞌana kōrua ki a kōrua ꞌā.

1 Pētero 2:15

Te ꞌAtua, paꞌi, e haŋa rō ꞌana mo aŋa o kōrua i te meꞌe riva-riva. Pē ira he ꞌapi i te haha o te nuꞌu maꞌa-maꞌa tuhi atu i te kōrua hape, he taꞌe haŋa mo aŋi-aŋi i te meꞌe o te ꞌAtua.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

Meꞌe Haka Takeꞌa 2:27

pa he vaꞌai iŋa mai era e tōꞌoku Matuꞌa ki a au, ꞌe he haka tere a rāua i te kona taꞌatoꞌa hai pūai, ꞌe ꞌina he nuꞌu mo rē ki a rāua. ꞌE te nuꞌu haka ꞌāriŋa he haka pararaha pa he haka pararaha iŋa i te pani aŋa hai ꞌōꞌone. ꞌE ki tū nuꞌu rē era he vaꞌai takoꞌa a au i te hetuꞌu ena o te pōꞌā.

Meꞌe Haka Takeꞌa 22:14

»Ko te koa i te nuꞌu tata i te rāua kahu, te auraꞌa, te nuꞌu haka rē mo haka kore e te ꞌAtua i te rāua hara, ki tano ai mo oꞌo ki roto ꞌi te kona moꞌa era ko Hērutarema ꞌāpī ꞌe mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 3:5

’Te nuꞌu rē ki te pūai o Rukifero he uru i te kahu tea-tea, ꞌe ꞌina a au e ko haka kore i te rāua ꞌīŋoa mai ruŋa i te puka ꞌi ruŋa e pāpaꞌi ena i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌE he haka māhani e au i a rāua ki tōꞌoku Matuꞌa ꞌe ki tōꞌona merahi pa he nuꞌu ꞌāꞌaku.