Māteo 6:28 - Rapa Nui

²⁸ »¿He aha ia kōrua e manaꞌu rahi ena ki te kahu? Ka uꞌi rā te tiare ꞌūaꞌa ꞌi ꞌuta: ꞌina he aŋa ꞌe he hiro i te hau.

Māteo 6:28 ပူးပေါင်းရင်းမြစ်များ

Māteo 10:10

ꞌe te pūtē ꞌi roto te meꞌe mo te ara. ꞌIna ko maꞌu te kahu ꞌe te kirivaꞌe mo mono ꞌe ꞌina ko maꞌu te toko-toko. Te taŋata aŋa, paꞌi, e hāpaꞌo rō ꞌā.

Māteo 6:25

»ꞌĪ a au he kī atu: ꞌina kōrua ko manaꞌu rahi ki te meꞌe mo kai ꞌe mo unu mo ora o kōrua, ꞌe ꞌina takoꞌa ko manaꞌu rahi ki te meꞌe mo uru. ¿Ka kī ꞌō e ora ena te taŋata mo kai mau nō, ꞌe te hakari e ai ena mo uru nō i te kahu?

Māteo 6:27

»E manaꞌu takoꞌa: ka rahi atu te hāpaꞌo iŋa o te kope e tahi o kōrua i a ia ꞌā, e ko ravaꞌa mo haka roa ꞌiti i tōꞌona noho iŋa ꞌi te ao nei.

Māteo 6:31

»ꞌIna ko manaꞌu pē nei ē: “¿Hai aha a tātou ana kai ꞌe ana unu?” ꞌe “¿Hai aha a tātou ana uru?”.

Ruka 10:41

He pāhono e Ietū: —E Maratuka, ko te ꞌaroha i a koe. ¿He aha e haka ŋāruru-ruru tahaŋa ena i tuꞌu pūꞌoko hai ŋā meꞌe taꞌatoꞌa ena?

Ruka 12:11

»ꞌI te hora mo maꞌu i a kōrua ki roto i te ⌊hare pure hūrio⌋, ki muꞌa o te pūꞌoko haka tere o te hare ture ꞌe o te nuꞌu ra-rahi, ꞌina ko riꞌa-riꞌa pē hē a kōrua ka vānaŋa ena mo eꞌa mai roto i te ꞌati ꞌe he aha te kōrua meꞌe mo kī.

Ruka 12:22

He kī ia a Ietū i te meꞌe nei ki tāꞌana nuꞌu hāpī: «ꞌIna ko manaꞌu rahi kōrua o ruŋa o te meꞌe mo kai ꞌe o ruŋa o te kahu mo uru.

Ruka 12:27

»E uꞌi rā pē hē e nu-nui e oho ena te tiare: ꞌina he aŋa ꞌe ꞌina he hiro i te hau mo aŋa i tōꞌona kahu. ꞌE, ka ai atu pē ira, ꞌina kai ai ꞌana te kope, ꞌātā te ꞌariki era ko ⌊Toromono⌋, ꞌi tōꞌona hauhaꞌa rahi era, i uru i te kahu nehe-nehe pa he tiare.

Ruka 3:11

He pāhono e Iovani: —Te taŋata ai e rua ōꞌona kahu, ka vaꞌai e tahi ki te taŋata ꞌina he kahu; ꞌe te taŋata e ai rō ꞌā tāꞌana kai, ka vaꞌai to te taŋata ꞌina ꞌāꞌana kai.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

1 Pētero 5:7

E haka rē ꞌi te rima o te ꞌAtua te meꞌe taꞌatoꞌa haka mana-manaꞌu atu i a kōrua; e haŋa rō ꞌana, paꞌi, a ia mo hāpaꞌo atu i a kōrua.