Māteo 6:25 - Rapa Nui

²⁵ »ꞌĪ a au he kī atu: ꞌina kōrua ko manaꞌu rahi ki te meꞌe mo kai ꞌe mo unu mo ora o kōrua, ꞌe ꞌina takoꞌa ko manaꞌu rahi ki te meꞌe mo uru. ¿Ka kī ꞌō e ora ena te taŋata mo kai mau nō, ꞌe te hakari e ai ena mo uru nō i te kahu?

Māteo 6:25 ပူးပေါင်းရင်းမြစ်များ

Māteo 10:19

»ꞌI te hora vaꞌai i a kōrua ki te nuꞌu ra-rahi, ꞌina ko manaꞌu rahi he aha te meꞌe mo vānaŋa ꞌe pē hē kōrua ka kī ena. Ka tuꞌu ena te hora mo vānaŋa, mo te ꞌAtua e vaꞌai atu i te vānaŋa mo kī.

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Māteo 6:31

»ꞌIna ko manaꞌu pē nei ē: “¿Hai aha a tātou ana kai ꞌe ana unu?” ꞌe “¿Hai aha a tātou ana uru?”.

Māteo 6:34

ꞌIna ko manaꞌu rahi o ruŋa i te meꞌe ka topa ena āpō; āpō ana manaꞌu iho o ruŋa. Taꞌatoꞌa nō mahana e ai rō ꞌana tōꞌona ꞌati.

Marko 13:11

»Hora era ko vaꞌai ꞌā i a kōrua ki te rima o te nuꞌu ra-rahi, ꞌina ko manaꞌu he aha te meꞌe mo kī. Ka kī nō kōrua i te vānaŋa ka haka ꞌite atu ena e te ꞌAtua ꞌi rā hora; taꞌe ko kōrua, paꞌi, te meꞌe ka vānaŋa era, he ⌊Vārua Maitai⌋.

Marko 4:19

Te meꞌe ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, te vānaŋa o te ꞌAtua he vavau, ꞌe e ko hua ꞌi roto i a rāua te meꞌe haŋa e te ꞌAtua.

Ruka 12:11

»ꞌI te hora mo maꞌu i a kōrua ki roto i te ⌊hare pure hūrio⌋, ki muꞌa o te pūꞌoko haka tere o te hare ture ꞌe o te nuꞌu ra-rahi, ꞌina ko riꞌa-riꞌa pē hē a kōrua ka vānaŋa ena mo eꞌa mai roto i te ꞌati ꞌe he aha te kōrua meꞌe mo kī.

Ruka 8:14

»Te kona mauku pū-pū era he tētahi nuꞌu haka roŋo i te roŋo riva-riva o te ꞌAtua. Te ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, he vavau te roŋo o te ꞌAtua ꞌe ꞌina e ko hua ꞌi roto i a rāua te meꞌe haŋa o te ꞌAtua.

Rōmano 8:32

I ai era i vaꞌai nō mai i tāꞌana Poki mo mate mo tātou, ¿pē hē ia ana taꞌe vaꞌai takoꞌa mai i te meꞌe taꞌatoꞌa?

1 Kōrinto 7:32

Te meꞌe haŋa ꞌāꞌaku: ꞌina ko ai te meꞌe o te ao nei mo manaꞌu rahi o kōrua. Te taŋata taureꞌa-reꞌa, ꞌi te ai hoko tahi nō, ꞌina e tahi meꞌe taꞌe haꞌatiꞌa i a ia mo aŋa ki te tātou Pūꞌoko Haka Tere, ꞌe, takoꞌa, mo haka koa.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

2 Timoteo 2:4

ꞌIna e tahi vaꞌehau oꞌo ki te aŋa o te nuꞌu taꞌe he vaꞌehau. Te meꞌe haŋa o te vaꞌehau he aŋa riva-riva i te aŋa mo koa o te kape.

1 Pētero 5:7

E haka rē ꞌi te rima o te ꞌAtua te meꞌe taꞌatoꞌa haka mana-manaꞌu atu i a kōrua; e haŋa rō ꞌana, paꞌi, a ia mo hāpaꞌo atu i a kōrua.