Māteo 6:24 - Rapa Nui

²⁴ »ꞌIna e tahi kope mo ravaꞌa mo tāvini, ꞌi tū hora ꞌā, ki te ŋāŋata hoko rua. Mo aŋa pē ira, ki te kope e tahi ka haŋa era ꞌe ki te rua ꞌina. He haꞌatura ki te taŋata e tahi ꞌe ki te rua ka taꞌe haka au era. Te auraꞌa: e ko tano koe mo aŋa ki te ꞌAtua ꞌe ki te hauhaꞌa ꞌi tū hora ꞌā.

Māteo 6:24 ပူးပေါင်းရင်းမြစ်များ

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Ruka 16:11

Mo taꞌe aŋa tī-tika o kōrua i te hauhaꞌa o te ao nei, ¿ko ai ia te meꞌe mo vaꞌai atu mo aŋa e kōrua i te hauhaꞌa parautiꞌa o te raŋi?

Ruka 16:13

»Te taŋata e tahi e ko riva mo tāvini ki te kope e rua; ki te kope e tahi ka haŋa era ꞌe ki te rua ka riri era. He haꞌatura ki te kope e tahi ꞌe ki te rua e ko haꞌatura. Te auraꞌa: e ko tano kōrua mo tāvini ki te ꞌAtua ꞌe ki te moni».

Ruka 16:9

ꞌO ira ꞌī a au he kī atu: te hauhaꞌa o kōrua o te nuꞌu haka moe i te manaꞌu ꞌi ruŋa i te ꞌAtua e vaꞌai mo hāꞌūꞌū ki te rua ki ai ai te kōrua repahoa ꞌi te ao nei, ꞌe ki ai ai, ꞌi te hora o te kōrua mate, te kōrua repahoa ꞌi te raŋi mo toꞌo i a kōrua.

Karatia 1:10

Ki te kōrua manaꞌu, ¿e aŋa nei a au mo koa o te taŋata ꞌo mo koa o te ꞌAtua? ꞌĀhani mo koa o te taŋata, taꞌe ia a au he tāvini o te Kiritō.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.