Māteo 6:20 - Rapa Nui

²⁰ Te tano mau: ꞌi te raŋi a kōrua ana haꞌaputu i te hauhaꞌa, he kona ꞌina e ko kai e te manu kai hare, ꞌina e ko rake-rake ꞌe ꞌina e ko toke.

Māteo 6:20 ပူးပေါင်းရင်းမြစ်များ

Māteo 19:21

He pāhono e Ietū: —Mo haŋa ōꞌou mo riro he taŋata ꞌina e tahi hape, ka oho ka hoꞌo tahi tuꞌu hauhaꞌa ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Māteo 6:19

»ꞌIna kōrua ko haꞌaputu i te hauhaꞌa ꞌi te ao nei, he kona e kai rō ꞌana te meꞌe e te manu kai hare, e rake-rake rō ꞌana ꞌi te para, ꞌe e uru rō ꞌana e te toke-toke mo toke.

Marko 10:21

He uꞌi a Ietū a ruŋa i rā kope ꞌe he koa. He kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

1 Timoteo 6:19

Pē ira he haꞌaputu ꞌi ruŋa i te raŋi te hauhaꞌa parautiꞌa mo te rāua noho iŋa pe muꞌa ka oho ena, ꞌe te rāua noho iŋa ꞌi te ao nei he tano ki te noho iŋa haŋa e te ꞌAtua.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

ꞌEvereo 11:26

Tōꞌona manaꞌu: i hau rō atu mōꞌona te ꞌamo i te ꞌati topa ꞌi ruŋa i te nuꞌu ŋatu i te haŋu ki te ⌊Mētia⌋ mo uŋa mai e te ꞌAtua ki te ai i a ia te hauhaꞌa o Ehipto; a ia, paꞌi, e tiaki ꞌana ki te meꞌe hopeꞌa o te riva-riva mo vaꞌai e te ꞌAtua.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

1 Pētero 1:4

ꞌe e vaꞌai rō mai i te meꞌe hāpaꞌo mo tātou ꞌi ruŋa i te raŋi, he meꞌe e ko kore, e ko tāpau ꞌe e ko mae-mae ki te hora hopeꞌa.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

Meꞌe Haka Takeꞌa 2:9

‘E ꞌite rō ꞌana a au i te rahi o te ꞌati e ꞌamo ena e koe, ꞌe i tuꞌu veve, ka ai atu te parautiꞌa mau he ꞌono koe. E ꞌite takoꞌa rō ꞌana a au pē hē e vānaŋa taꞌe tano ena o ruŋa ōꞌou e te nuꞌu kī he ⌊hūrio⌋ a rāua ꞌe te parautiꞌa mau he nūnaꞌa rāua ꞌa Rukifero.