Māteo 6:16 - Rapa Nui

¹⁶ »Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Māteo 6:16 ပူးပေါင်းရင်းမြစ်များ

Māteo 6:1

»Te kōrua meꞌe riva-riva aŋa ꞌina ko aŋa ꞌi muꞌa i te taŋata mo takeꞌa nō e rāua. Mo aŋa pē ira, te Matuꞌa o kōrua o te raŋi e ko vaꞌai atu i te meꞌe mo koa o kōrua.

Māteo 6:2

»ꞌO ira, hora ena ōꞌou mo hāꞌūꞌū ki te nuꞌu veve, ꞌina ko haka ꞌite ki te tētahi, pa he meꞌe aŋa ꞌi roto i te ⌊hare pure hūrio⌋ ꞌe ꞌi te ara e te nuꞌu riva a te haho nō mo takeꞌa e te nuꞌu mo vānaŋa riva-riva o ruŋa i a rāua. ꞌĪ a au he kī atu: he vānaŋa riva-riva o te nuꞌu te meꞌe mau nō mo haka koa i a rāua.

Māteo 6:5

»Hora era o kōrua mo pure, ꞌina ko ai pa he nuꞌu riva a te haho nō, te meꞌe haŋa o rāua he māroa he pure ꞌi roto i te hare pure hūrio ꞌe ꞌi te pini o te ara mo takeꞌa e te taŋata. ꞌĪ a au he kī atu: he mātaꞌi-taꞌi o te taŋata te meꞌe mau nō mo haka koa i a rāua.

Marko 2:18

He tuꞌu te mahana he tapu te nuꞌu hāpī ꞌa Iovani Papatito ꞌe te nuꞌu fariseo i te kai, he rāveꞌa o te rāua haka tere iŋa mo haka koa o te ꞌAtua. He oho ia e te tētahi he kī ki a Ietū: —Te nuꞌu hāpī ꞌa Iovani ꞌe o te fariseo e tapu ꞌā i te kai. ¿He aha taꞌa nuꞌu hāpī e taꞌe tapu ena?

Ruka 18:12

A au e tapu rō ꞌana i te kai e rua mahana ꞌi te tāpati ꞌe e haꞌataꞌa rō ꞌana e tahi tara mōꞌou o roto o te hoꞌe ꞌahuru tara ꞌauhau mai o tāꞌaku aŋa, pa he meꞌe kī e ⌊Mōtē⌋”.

Ruka 2:37

ꞌE, ki rā hora, ka vaꞌu ꞌahuru mā maha matahiti o tōꞌona hove. Te aŋa mau nō ꞌāꞌana, ka pō ka ꞌōtea, he noho ꞌi te Kona Haꞌamuri ꞌAtua, he pure ꞌe he tapu i te kai.

Aŋa o te ꞌĀpōtoro 10:30

He pāhono e Koronerio: —Ka hā mahana a tuꞌa, pa he hora mau nei ꞌā, ꞌi nei a au ꞌi tōꞌoku hare e pure ꞌā i te pure o te hora toru o te ahi-ahi, he takeꞌa e au e tahi taŋata e uru rō ꞌana i te kahu ko ꞌuira atu ꞌā.

Aŋa o te ꞌĀpōtoro 14:23

He haꞌataꞌa ia e kuā Pauro, ꞌi te ŋā kona nei a to-toru, i te ŋāŋata mo pūꞌoko haka tere o te nūnaꞌa haka moe i te manaꞌu ꞌi ruŋa i a Ietū. He pure ꞌe he tapu i te kai koia ko rā nuꞌu taꞌatoꞌa. I oti era he ani e kuā Pauro ki a Ietū, he kope ꞌi ruŋa e haka moe tahi era i te manaꞌu, mo hāpaꞌo i a rāua.

1 Kōrinto 7:5

ꞌO ira, ꞌina e tahi o rāua mo kī ki te rua ꞌina he haŋa mo piri tane, mo taꞌe ai ꞌi raꞌe i haꞌaꞌau ai ararua mo taꞌe piri ꞌi te tētahi mahana mo pure ki te ꞌAtua. Ki oti rā ŋā mahana he piri haka ꞌou, ꞌo taꞌe ravaꞌa rō mo haka noho i te hakari ꞌe he haka hara e Rukifero.

2 Kōrinto 11:27

ꞌI rā ŋā ara takoꞌa i rahi rō tāꞌaku aŋa ꞌe i rohi-rohi rō a au; i rahi rō te mahana ꞌina a au kai haꞌuru; ꞌi tōꞌona mahana i maruaki rō ꞌe i pohe rō ki te vai. I ai rō te mahana ꞌina a au kai kai, ꞌe kē mahana i takeꞌo rō ꞌi te kahu kore mo puꞌa.

2 Kōrinto 6:5

i te tiŋaꞌi, i te puru ꞌi roto i te hare maꞌuꞌaurī, i te haka tumu i te ture, i te aŋa paŋahaꞌa, i te taꞌe haꞌuru ꞌe i te maruaki.