Māteo 5:9 - Rapa Nui

⁹ Ko te koa i te nuꞌu aŋa mo ai o te haumārū ꞌi roto i te taŋata; e kī rō e te nuꞌu he ŋā poki o te ꞌAtua.

Māteo 5:9 ပူးပေါင်းရင်းမြစ်များ

Māteo 5:45

Pē ira he takeꞌa he poki kōrua o te kōrua Matuꞌa ꞌi te raŋi; a ia, paꞌi, e haka eꞌa ena i te raꞌā mo te nuꞌu aŋa i te meꞌe riva-riva ꞌe mo te nuꞌu aŋa i te meꞌe rake-rake, ꞌe e haka hoa ena i te ꞌua mo te nuꞌu tano ki tōꞌona mata ꞌe, takoꞌa, mo te nuꞌu taꞌe tano.

Māteo 5:48

»E ai kōrua he nuꞌu ꞌina e tahi hape, pa he Matuꞌa o kōrua ꞌi te raŋi.

Ruka 20:36

ꞌi te meꞌe era e ko mate haka ꞌou a rāua pa he merahi, ꞌe he riro rō ꞌai he ŋā poki o te ꞌAtua ꞌo te ai ko haka ora ꞌā mai te mate.

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Aŋa o te ꞌĀpōtoro 7:26

»ꞌI te rua mahana, he takeꞌa e Mōtē e rua itaraera e moto ꞌā. ꞌI te haŋa mo taꞌe moto haka ꞌou o rā ŋāŋata he kī: “He taina kōrua; ¿he aha rā e moto ena?”.

Rōmano 12:18

E aŋa te meꞌe nō era i ai i a kōrua mo noho riva-riva ꞌi roto i te haumārū ananake ko te taꞌatoꞌa nō taŋata.

Rōmano 8:14

Te nuꞌu taꞌatoꞌa haka tere e te Vārua Maitai, he ŋā poki o te ꞌAtua.

Rōmano 8:16

O te Vārua mau nei ꞌā te haka ꞌite mai ki a tātou pē nei ē: he ŋā poki tātou o te ꞌAtua.

Rōmano 8:19

ꞌE te meꞌe taꞌatoꞌa aŋa e te ꞌAtua ko te tiaki iŋa ꞌana ki te hora mo haka takeꞌa e ia: he ŋā poki tātou ꞌāꞌana,

1 Kōrinto 6:6

ꞌE ko te horo ko te oho iŋa ꞌana kōrua i a kōrua ꞌā ki te pūꞌoko haka tere o te hare ture taꞌe haka moe i te manaꞌu ꞌi ruŋa i a Ietū.

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Fīripo 4:2

He ani atu a au ki a kōrua, e ꞌEvoria ē, ꞌe e Tinitike ē: ka haka kore te riri o roto i a kōrua; a kōrua, paꞌi, he taina haka moe i te manaꞌu o ruŋa i a Ietū.

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.