Māteo 5:47 - Rapa Nui

⁴⁷ ꞌE mo ꞌaroha o kōrua ki te kōrua taina mau nō, ¿he aha ia te meꞌe nui-nui o kōrua i aŋa? ꞌĀtā te nuꞌu taꞌe ꞌite ko ai te ꞌAtua parautiꞌa, paꞌi, e meꞌe rō ꞌana pē ira.

Māteo 5:47 ပူးပေါင်းရင်းမြစ်များ

Māteo 10:12

Ka uru ena kōrua ki roto i te hare, e ꞌaroha ki te nuꞌu noho o ira pē nei ē: “Ka ai ꞌi ruŋa i a kōrua te haumārū o te ꞌAtua”.

Māteo 5:20

ꞌĪ a au he kī atu: mo taꞌe ai o te kōrua aŋa iŋa i te meꞌe tī-tika ki te mata o te ꞌAtua ꞌata hau ki te maꞌori o te haka tere ⌊hūrio⌋ ꞌe o te ⌊fariseo⌋, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 5:48

»E ai kōrua he nuꞌu ꞌina e tahi hape, pa he Matuꞌa o kōrua ꞌi te raŋi.

Ruka 6:32

»Mo haŋa o kōrua ki te nuꞌu nō e haŋa rō atu ꞌā, ¿he aha ia te kōrua meꞌe riva-riva i aŋa? Te nuꞌu hara pē ira takoꞌa e aŋa ena.

Kōrosa 4:14

A Ruka, taote haŋa rahi o mātou, ꞌī e ꞌaroha atu ena mo kōrua, ꞌe pē ira takoꞌa ꞌā te taŋata nei ko Rema.

Kōrosa 4:15

E ꞌaroha kōrua ki te taina taꞌatoꞌa era o Rāōrītea, ki a Ninfa, ꞌe ki te taina taꞌatoꞌa taka-taka ꞌi tōꞌona hare.

1 Pētero 2:20

Te ꞌamo ꞌe te haꞌaoromaꞌi i te ūtuꞌa ꞌo te aŋa i te meꞌe taꞌe tano, ꞌina e tahi hauhaꞌa. ꞌE mo ꞌamo ꞌe mo haꞌaoromaꞌi hai pūai i te ūtuꞌa ꞌo te aŋa i te meꞌe tī-tika, he koa te ꞌAtua.