Māteo 5:46 - Rapa Nui

⁴⁶ »Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 5:46 ပူးပေါင်းရင်းမြစ်များ

Māteo 11:19

He tuꞌu mai ia te ⌊Poki o te taŋata⌋, e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te ⌊nuꞌu haka ꞌauhau i te taŋata hai moni mo te rōmano⌋. Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Māteo 18:17

ꞌE mo taꞌe haka roŋo ki rā ŋā mataꞌite, ka kī ki te nūnaꞌa taŋata taꞌatoꞌa o rā kona ⌊haka moe i te manaꞌu⌋ ꞌi ruŋa i te ꞌAtua. ꞌE mo taꞌe haka roŋo ki rā nuꞌu, ka haꞌariro pa he taŋata kai ꞌite ko ai te ꞌAtua parautiꞌa ꞌo pa he ⌊nuꞌu haka ꞌauhau i te taŋata hai moni mo te rōmano⌋.

Māteo 5:47

ꞌE mo ꞌaroha o kōrua ki te kōrua taina mau nō, ¿he aha ia te meꞌe nui-nui o kōrua i aŋa? ꞌĀtā te nuꞌu taꞌe ꞌite ko ai te ꞌAtua parautiꞌa, paꞌi, e meꞌe rō ꞌana pē ira.

Māteo 6:1

»Te kōrua meꞌe riva-riva aŋa ꞌina ko aŋa ꞌi muꞌa i te taŋata mo takeꞌa nō e rāua. Mo aŋa pē ira, te Matuꞌa o kōrua o te raŋi e ko vaꞌai atu i te meꞌe mo koa o kōrua.

Marko 2:15

Kai roa, a Ietū ananake ko tāꞌana nuꞌu hāpī e kai ꞌā ꞌi te hare o Rēvī. ꞌI ira ꞌi ruŋa i te ꞌamuramaꞌa takoꞌa meꞌe rahi ⌊nuꞌu haka ꞌauhau i te moni mo te rōmano⌋, ꞌe pē ira ꞌana tētahi atu nuꞌu hara. E rahi rō ꞌana, paꞌi, te nuꞌu hara oho ꞌi muri i a Ietū.

Marko 2:16

Tētahi ⌊fariseo⌋, maꞌori o te haka tere hūrio, i takeꞌa rō i a Ietū e kai ꞌana ananake ko tū nuꞌu era. ꞌO ira i kī ai ki te nuꞌu hāpī ꞌa Ietū: —¿Pē hē i manaꞌu ai te kōrua maꞌori mo kai ꞌi muri i te nuꞌu haka ꞌauhau hai moni mo te rōmano ꞌe ꞌi muri i te nuꞌu hara?

Ruka 15:1

Te ⌊nuꞌu haka ꞌauhau i te taŋata hai moni mo te rōmano⌋ ꞌe tētahi atu nuꞌu aŋa i te meꞌe taꞌe tano e haka hāhine rō ꞌā ki a Ietū mo haka roŋo i tāꞌana vānaŋa.

Ruka 18:13

»ꞌE tū kope haka ꞌauhau moni era mo te rōmano, i haka ꞌava-ꞌava i māroa ai ꞌe a raro ꞌā te mata e uꞌi era, he tiŋi-tiŋi koroꞌiti i tōꞌona uma koia ko kī: “¡E te ꞌAtua ē! ¡Ka haka ꞌaroha mai koe; he taŋata hara a au!”.

Ruka 19:2

ꞌI rā kona e noho era te taŋata ꞌono e tahi te ꞌīŋoa ko Tākeo, he pūꞌoko haka tere o te ⌊nuꞌu haka ꞌauhau i te taŋata hai moni mo te rōmano⌋.

Ruka 19:7

I takeꞌa era e te taŋata, he haꞌamata he hēŋuꞌi-ŋuꞌi o ruŋa i a Ietū pē nei ē: «Ko oho ꞌā noho ꞌi te hare o te taŋata hara».

Ruka 3:12

Tētahi o te ⌊nuꞌu haka ꞌauhau i te taŋata hai moni mo te rōmano⌋ he haka hāhine takoꞌa mo papatito i a rāua ꞌe he ꞌui: —E te Maꞌori, ¿he aha te mātou meꞌe mo aŋa?

Ruka 5:29

I oho era he aŋa e Rēvī i te ŋoŋoro nui-nui mā Ietū ꞌi tōꞌona hare. Meꞌe rahi taŋata haka ꞌauhau i te nuꞌu hai moni mo te rōmano koia ko te tētahi atu nuꞌu e noho rō ꞌana ꞌi ruŋa i te ꞌamuramaꞌa ananake ko kuā Ietū.

Ruka 5:30

Te fariseo ꞌe te maꞌori o te haka tere hūrio he haꞌamata he hēŋuꞌi-ŋuꞌi ꞌe he kī ki te nuꞌu hāpī ꞌa Ietū: —¿He aha a kōrua e kai ꞌe e unu ena ꞌi muri i te ⌊nuꞌu haka ꞌauhau i te taŋata hai moni mo te rōmano⌋ ꞌe ꞌi muri i te tētahi nuꞌu hara?

Ruka 7:29

»Te nuꞌu taꞌatoꞌa ŋaroꞌa i a Iovani, ꞌātā ki te ⌊nuꞌu haka ꞌauhau i te nuꞌu hai moni mo te rōmano⌋, i haka ⌊papatito⌋ rō i a rāua ki a Iovani mo haka tano ki te meꞌe hāꞌaki e te ꞌAtua.

Ruka 7:34

He tuꞌu mai ia te ⌊Poki o te taŋata⌋ e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te nuꞌu haka ꞌauhau i te taŋata hai moni mo te rōmano.