Māteo 5:30 - Rapa Nui

³⁰ ꞌE mo haka hara atu i a koe e tuꞌu rima mataꞌu, ka hore, ꞌai ka hoa rō ki kōnui. I hau ꞌi te tano mo kore e tahi kona o tuꞌu hakari, ki te hoa i tuꞌu hakari taꞌatoꞌa ki roto i te pōꞌauahi.

Māteo 5:30 ပူးပေါင်းရင်းမြစ်များ

Māteo 11:6

»¡ꞌE, ko te koa i te taŋata taꞌe haka tapa i tōꞌona haka moe iŋa i te manaꞌu mai ruŋa i a au!».

Māteo 13:21

Te meꞌe ꞌino nō, he haka moe i te rāua manaꞌu ꞌi ruŋa i rā roŋo mo te hora nō e tahi; ka riri era te nuꞌu mo rāua o ruŋa o te vānaŋa o te ꞌAtua ꞌo ka topa rō era te ꞌati ꞌi te hora haka ꞌatu i a rāua, he rehu rā roŋo, pa he taꞌe hio-hio iŋa o te aka ꞌi te kona ꞌōꞌone taꞌe rahi.

Māteo 16:23

He rori e Ietū he kī ki a Pētero: —¡Ka haka tapa koe mai muri i a au! ¡E haka ꞌaka-ꞌaka ꞌā koe i tōꞌoku manaꞌu pē Rukifero ꞌā! ꞌIna koe he manaꞌu pa he manaꞌu o te ꞌAtua, a koe e manaꞌu ena hai manaꞌu taŋata.

Māteo 17:27

Ka ai atu pē ira, ꞌo riri tāꞌue te nuꞌu era, ka oho ki taha tai, ka hoa te hau ki roto. Te ika raꞌe ka raꞌu atu ena, nā ꞌi te haha te tara ꞌaurī e tahi, te hauhaꞌa he peꞌe mo ꞌauhau i a tāua, ꞌe he maꞌu e koe he ꞌauhau.

Māteo 18:8

»ꞌO ira, mo haka hara atu i a koe e tuꞌu rima e tuꞌu vaꞌe, ka hore, ꞌai ka hoa rō a kōnui era. E hau rō atu ꞌi te tano mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua e tahi mau nō rima ꞌo e tahi mau nō vaꞌe, ki te ai ararua uꞌu rima ꞌe ararua uꞌu vaꞌe ꞌe he hoa i a koe ki roto i te ahi ꞌina he mate ki te hora hopeꞌa.

Māteo 22:13

He kī ia e te ꞌariki ki te nuꞌu maꞌu kai: “Ka here-here a te vaꞌe a te rima, ꞌe ꞌai ka hoa rō ki haho ki roto i te pōhāhā, kona ꞌi ira te taŋi ꞌe te ꞌau-ꞌau raꞌa niho”.

Māteo 25:20

ꞌI raꞌe i tuꞌu ai te kope ki a ia i vaꞌai ai e pae taꞌutini. He vaꞌai ki te taŋata era ōꞌona te moni i tū pae taꞌutini era koia ko kī: “E pae taꞌutini koe i vaꞌai mai ai. He haka aŋa e au, ꞌe ꞌī e pae taꞌutini haka ꞌou ꞌī aꞌa”.

Māteo 26:31

ꞌI te ara he kī e Ietū: —A kōrua taꞌatoꞌa he haka rehu i a au ꞌi te pō nei. Pē ira, paꞌi, e hāꞌaki ena ꞌi ruŋa i te Pāpaꞌi Moꞌa ꞌi te vānaŋa kī e te ꞌAtua pē nei ē: “He tiŋaꞌi a au i te taŋata hāpaꞌo māmoe, ꞌe he maraŋa tahi tāꞌana māmoe”.

Māteo 5:22

ꞌE, ꞌī a au he kī atu: he haka ūtuꞌa e te ꞌAtua i te kope riri mo te rua. ꞌE te kope vā-vā ꞌe kī i te maꞌa-maꞌa o te rua he ture e te ⌊nūnaꞌa taŋata i a rāua te kī iŋa hopeꞌa o te haka tere hūrio⌋. Te kope haka haꞌamā ꞌe kī i te taꞌe hauhaꞌa o te rua te ūtuꞌa tano mōꞌona he pōꞌauahi.

Māteo 5:29

»ꞌO ira, mo haka hara atu i a koe e tuꞌu mata mataꞌu, ka kume, ka hoa ki kōnui. I hau ꞌi te tano mo kore e tahi kona o tuꞌu hakari, ki te hoa i tuꞌu hakari taꞌatoꞌa ki roto i te pōꞌauahi.

Marko 9:43

»Mo haka hara i a koe e tuꞌu rima e tahi, ka hore ka haka topa mai ruŋa i a koe; e hau rō atu, paꞌi, mōꞌou te ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua e tū-tuma rō ꞌā e tahi rima, ki te hoa i a koe ki roto i te pōꞌauahi, kona ꞌina he mate te ahi, e ai rō ꞌā ararua uꞌu rima. [

Ruka 12:5

ꞌĪ a au he kī atu ko ai mau te meꞌe o kōrua mo riꞌa-riꞌa: e riꞌa-riꞌa ꞌi te kope taꞌe nō i a ia te parau mo tiŋaꞌi i te hakari, i a ia takoꞌa te parau mo hoa i te vārua ki roto i te pōꞌauahi. Ko rā kope te meꞌe o kōrua mo riꞌa-riꞌa.

Ruka 17:2

Te ūtuꞌa o te ꞌAtua mo te taŋata haka hara i te kope taꞌe pūai rahi o te haka moe iŋa i tōꞌona manaꞌu ꞌi ruŋa i a au he ūtuꞌa ꞌata taparahi-taꞌata ki te ūtuꞌa he here hai māꞌea paŋahaꞌa ki te ŋao ꞌai ka hoa ki roto i te vaikava.

Rōmano 9:33

māꞌea hāꞌaki ꞌi ruŋa i te Pāpaꞌi Moꞌa: «He haka rē a au i te māꞌea e tahi ꞌi te kona era ko ⌊Tione⌋, māꞌea ꞌi ruŋa ka tu-tuki ena meꞌe rahi nuꞌu. Kope haka moe i tōꞌona manaꞌu ꞌi ruŋa, ki te hora hopeꞌa e ko manaꞌu ko hape ꞌana ꞌō a ia ꞌo te haka moe i te manaꞌu ꞌi ruŋa i rā māꞌea».

1 Kōrinto 8:13

ꞌO ira, mo ai tāꞌue hai kai ōꞌoku i te kiko ana taꞌe haka moe haka ꞌou tōꞌoku taina i tōꞌona manaꞌu ꞌi ruŋa i a Ietū, ꞌina ia a au e ko kai haka ꞌou.

Karatia 5:11

E te taina, nā e ai rō ꞌā te nuꞌu kī o ruŋa i a au pē nei ē: e hāpī ꞌana a au ki te nuꞌu taꞌe he hūrio: mo tano o rāua ki te mata o te ꞌAtua, ꞌāmui ki te haka moe i te manaꞌu ꞌi ruŋa i a Ietū, e hore i te kiri o te kinoŋa. Mo ai o te vānaŋa nei he parautiꞌa, ¿he aha ia te nuꞌu ra-rahi o te ⌊hūrio⌋ e tute mai ena i a au mo tōtōā? Mo ai, paꞌi, pē ira mau ꞌā a au e hāpī nei, ꞌina ia rāua ko riri ꞌo te hāpī ōꞌoku o ruŋa i te mate era o Ietū ꞌi ruŋa i te tātaurō.

1 Pētero 2:8

ꞌE e kī takoꞌa ena: «He māꞌea e tahi ꞌi ruŋa ka tu-tuki ena». Te nuꞌu taꞌe haka moe i te manaꞌu ꞌi ruŋa i a Ietū e tu-tuki ena ꞌo te taꞌe haꞌatura ki te roŋo o te ꞌAtua, he meꞌe mau ꞌana mo topa ki te nuꞌu taꞌe haka roŋo.