Māteo 5:25 - Rapa Nui

²⁵ »Mo horo i a koe e te kope e tahi, ka uꞌi te rāveꞌa, mai ai ꞌā te hora, mo haka kore i rā ture ꞌo vaꞌai i a koe ki te rima o te pūꞌoko haka tere o te hare ture, he vaꞌai ia i a koe ki te mūtoꞌi ꞌe he maꞌu he puru.

Māteo 5:25 ပူးပေါင်းရင်းမြစ်များ

Māteo 26:58

A Pētero ia i haka ꞌava-ꞌava i oho ai ꞌi tuꞌa o rā nuꞌu ꞌātā ka tuꞌu rō ki tū hare era. He uru ki te kona o haho ꞌā, he noho ꞌi muri i te ꞌauario mo uꞌi pē hē rā meꞌe ka hopeꞌa era.

Ruka 18:3

ꞌI rā kona takoꞌa te viꞌe hove e tahi horo i tāꞌana ture ki rā taŋata mo uꞌi i te rāveꞌa mo haka ūtuꞌa i te kope ararua i ture ai.

2 Kōrinto 6:2

I kī rō, paꞌi, e ia ꞌi ruŋa i te ⌊Pāpaꞌi Moꞌa⌋: «ꞌI te hora mo haka takeꞌa i tōꞌoku riva rahi, i haka roŋo atu ai au i te kōrua pure; ꞌi te mahana mo haka eꞌa i te taŋata mai roto i te ūtuꞌa o te hara, i hāꞌūꞌū atu ai au». E te taina, ko te hora nei rā hora, he mahana mo eꞌa mai roto i te ūtuꞌa o te hara.

ꞌEvereo 12:17

Ko ꞌite ꞌana a kōrua pē hē i hopeꞌa ai rā meꞌe. I haŋa era a Etaū mo vaꞌai e tōꞌona matuꞌa tane i te haꞌamaitai o te ꞌatariki, ka ai atu i taŋi rahi rō, kai ravaꞌa i rā meꞌe haŋa era e ia; ꞌina, paꞌi, he rāveꞌa toe mo haka hoki i te meꞌe a tuꞌa.

ꞌEvereo 3:13

Te meꞌe mo aŋa paurō te mahana mai ora ꞌā kōrua, he hatu ki te rua mo haka noho mo oho i te manaꞌu ꞌi ruŋa i te ꞌAtua, ꞌo reo-reo atu e te hara, ꞌo hio-hio te māhatu, ꞌo taꞌe haŋa haka ꞌou mo haꞌatura ki a ia.

ꞌEvereo 3:7

ꞌO ira, pa he meꞌe kī e te ⌊Vārua Maitai⌋ ꞌi ruŋa i te ⌊Pāpaꞌi Moꞌa⌋: «Mo ŋaroꞌa e kōrua ꞌi ꞌaŋarīnā i te meꞌe kī atu e te ꞌAtua,