Māteo 5:24 - Rapa Nui

²⁴ ka haka rē taꞌa tūtia ꞌi muri i te ⌊fata⌋ ꞌe ka eꞌa koe ka oho ꞌi raꞌe ka haka kore i tōꞌona riri, ꞌai koe ka hoki ka vaꞌai iho i taꞌa tūtia ki te ꞌAtua.

Māteo 5:24 ပူးပေါင်းရင်းမြစ်များ

Māteo 23:23

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! O roto o te hoꞌe ꞌahuru ꞌapa o te meꞌe haka ꞌeo kai, he haꞌataꞌa e tahi o rā ŋā ꞌapa mo te ꞌAtua pa he meꞌe kī ꞌi ruŋa i te haka tere iŋa ꞌa Mōtē. Ka ai atu pē ira, ꞌina kōrua he haꞌatura ki te hāpī hopeꞌa o te nui-nui mo te ꞌAtua o ruŋa i rā haka tere iŋa. Rā ŋā meꞌe: he aŋa i te meꞌe tano ki te mata o te ꞌAtua, he ai o te māhatu ꞌaroha, ꞌe he taꞌe haka rē ki te hora hopeꞌa mo haka tano i te meꞌe haŋa e te ꞌAtua. He ŋā meꞌe nei te meꞌe o kōrua mo aŋa ꞌe ꞌina ko taꞌe aŋa te meꞌe raꞌe era.

Māteo 5:23

»Mo ai ia e maꞌu ꞌana koe i taꞌa tūtia ki te ꞌAtua ꞌe he manaꞌu koe e riri rō ꞌana tuꞌu taina mōꞌou,

Marko 9:50

Te miti, paꞌi, meꞌe riva-riva; ꞌe mo taꞌe maŋeo, ¿pē hē ia ana haka riva-riva haka ꞌou? A kōrua e hāpaꞌo ꞌo kore te kōrua maŋeo, ꞌe e noho hai haumārū ꞌi roto i a kōrua.

1 Kōrinto 11:28

ꞌO ira, ꞌi raꞌe ki te kai ꞌe ki te unu i rā meꞌe, e haka topa te manaꞌu hoki e tano mau rō ꞌana tuꞌu māhatu ki te ꞌAtua.

1 Timoteo 2:8

Te meꞌe haŋa ꞌāꞌaku: e pure te ŋāŋata ꞌi te kona taꞌatoꞌa, e maꞌu te rima a ruŋa mo pure ki te ꞌAtua hai māhatu maꞌitaki, taꞌe hai riri ꞌe taꞌe hai ꞌaka-ꞌaka o te manaꞌu.

Tanatiako 5:16

ꞌO ira, ꞌi roto i a kōrua e kī i te kōrua hara ꞌe e pure te taina nei mo te taina era, ki haka ora atu ai e te ꞌAtua i te kōrua hakari ꞌe i te kōrua vārua. Te pure o te kope aŋa i te meꞌe tī-tika ki te mata o te ꞌAtua e ai rō ꞌana te mana.