Māteo 5:22 - Rapa Nui

²² ꞌE, ꞌī a au he kī atu: he haka ūtuꞌa e te ꞌAtua i te kope riri mo te rua. ꞌE te kope vā-vā ꞌe kī i te maꞌa-maꞌa o te rua he ture e te ⌊nūnaꞌa taŋata i a rāua te kī iŋa hopeꞌa o te haka tere hūrio⌋. Te kope haka haꞌamā ꞌe kī i te taꞌe hauhaꞌa o te rua te ūtuꞌa tano mōꞌona he pōꞌauahi.

Māteo 5:22 ပူးပေါင်းရင်းမြစ်များ

Māteo 10:17

»E uꞌi kōrua e hāpaꞌo. E vaꞌai rō, paꞌi, i a kōrua ki te rima o te nuꞌu ra-rahi ꞌe he tiŋaꞌi atu ꞌi roto i te ⌊hare pure hūrio⌋.

Māteo 10:28

ꞌIna kōrua ko riꞌa-riꞌa ꞌi te nuꞌu he hakari nō te meꞌe o rāua mo ravaꞌa mo tiŋaꞌi mo haka mate, taꞌe he vārua o kōrua; ka riꞌa-riꞌa ꞌi te ꞌAtua, he kope i a ia te parau mo hoa i te hakari ararua ko te vārua ki roto i te pōꞌauahi.

Māteo 12:24

I ŋaroꞌa era e te fariseo, he kī: «ꞌA Veresepupa, pūꞌoko o te tātane, i vaꞌai ki a ia i te mana mo haka eꞌa mai roto i te taŋata i te tātane».

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Māteo 18:21

He oho ia e Pētero he ꞌui ki a Ietū: —¿E hia hape o tōꞌoku taina mo haka rehu e au ana aŋa ana oho nō mai i te meꞌe taꞌe tano? ¿E hitu?

Māteo 18:35

He kī haka ꞌou e Ietū: «Pē ira takoꞌa tōꞌoku Matuꞌa o te raŋi ka aŋa atu ena mo taꞌe haka rehu o kōrua hai māhatu i te meꞌe taꞌe tano aŋa atu e te kōrua taina».

Māteo 23:15

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E oho ena kōrua ki kona era ki kona era e kimi ꞌā hai kope mo haka rori i te manaꞌu ki te haka tere iŋa hūrio, ꞌe ki ravaꞌa, hai hāpī ena o kōrua e haka riro ena i rā kope he kope ko ꞌata hape ꞌā ki a kōrua ꞌe ko ꞌata tano ꞌā mo haka ūtuꞌa ꞌi roto i te pōꞌauahi ki a kōrua mau ena ꞌā.

Māteo 23:33

»¡E te huaꞌai o te kōreha veneno ē! Nā kōrua he viri ki roto i te ūtuꞌa o te pōꞌauahi.

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Māteo 26:59

Te nuꞌu oromatuꞌa ra-rahi ꞌe tū ŋāŋata taꞌatoꞌa haka ꞌou era o te ⌊nūnaꞌa i a rāua te kī iŋa hopeꞌa o te haka tere hūrio⌋ e uꞌi ꞌana i te ꞌōtohe mo haka ūtuꞌa i a Ietū hai mate hai reo-reo o te nuꞌu mataꞌite,

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Māteo 5:34

ꞌE, ꞌī a au he kī atu: ꞌina mau nō kōrua ko hōrea. ꞌIna ko hōrea hai raŋi, he pepe ꞌariki o te ꞌAtua,

Māteo 5:44

ꞌE, ꞌī a au he kī atu: e haŋa kōrua ki te nuꞌu maꞌu i te riri mo kōrua, ꞌe e pure mo te nuꞌu tute i a kōrua mo tōtōā.

Marko 14:55

Tū nūnaꞌa taŋata era i a rāua te kī iŋa hopeꞌa o te haka tere hūrio e uꞌi ꞌā i te ꞌōtohe mo haka ūtuꞌa i a Ietū hai mate ꞌe ꞌina kai ravaꞌa

Marko 15:1

ꞌI te pō era ꞌā, i oti era te haꞌaꞌau o te ⌊nūnaꞌa taŋata i a rāua te kī iŋa hopeꞌa o te haka tere hūrio⌋: he nuꞌu ⌊oromatuꞌa ra-rahi⌋, he nuꞌu pūꞌoko haka tere hūrio ꞌe he ⌊maꞌori o te haka tere hūrio⌋, he maꞌu i a Ietū e here-here rō ꞌā, ꞌe he vaꞌai ki a Pirato, he suerekao rōmano.

Ruka 12:5

ꞌĪ a au he kī atu ko ai mau te meꞌe o kōrua mo riꞌa-riꞌa: e riꞌa-riꞌa ꞌi te kope taꞌe nō i a ia te parau mo tiŋaꞌi i te hakari, i a ia takoꞌa te parau mo hoa i te vārua ki roto i te pōꞌauahi. Ko rā kope te meꞌe o kōrua mo riꞌa-riꞌa.

Ruka 22:66

I ꞌōtea era he taka-taka tahi te ⌊nūnaꞌa taŋata i a rāua te kī iŋa hopeꞌa o te haka tere hūrio⌋: he nuꞌu pūꞌoko haka tere hūrio, he oromatuꞌa ra-rahi, ꞌe he maꞌori o te haka tere hūrio. He maꞌu ia i a Ietū ki muꞌa o rā nūnaꞌa. ꞌI ira i kī ai:

Iovani 11:47

Te fariseo ꞌe te ⌊oromatuꞌa⌋ ra-rahi he haka taka-taka tahi i te ⌊nūnaꞌa taŋata i a rāua te kī iŋa hopeꞌa o te haka tere hūrio⌋ ꞌe he kī: —¿He aha te tātou meꞌe ka aŋa nei? Ko rahi ꞌā te mana aŋa e te taŋata era.

Iovani 15:25

Hai oho iŋa nei o rāua e haka tano ena te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “E maꞌu tahaŋa nō ꞌana i te riri mōꞌoku”.

Iovani 7:20

He pāhono e te taŋata: —¡Ko oꞌo ꞌana koe e te tātane! ¿Ko ai te meꞌe haŋa mo tiŋaꞌi atu i a koe?

Iovani 8:48

He kī ia e te hūrio ra-rahi: —¿Ko takeꞌa ꞌā? He aŋi mau ꞌā te mātou meꞌe kī: o ⌊Tāmāria⌋ koe ꞌe ꞌi roto i a koe te tātane.

Aŋa o te ꞌĀpōtoro 17:18

He haka tātake ia ki a Pauro e te tētahi nuꞌu maꞌori o te hāpī he ēpikureo ꞌe o te hāpī he ētōiko. ꞌE, ꞌi te huru o te vānaŋa ꞌa Pauro, he ꞌui ki a rāua ꞌā: «¿He aha te meꞌe vānaŋa e te reo-reo era?». ꞌE o te tētahi te kī: «Pa he meꞌe ena: a ia he taŋata haka ꞌite o ruŋa i te ꞌatua o te rua henua». E kī era i te meꞌe nei ꞌo te haka ꞌite o Pauro i te ⌊roŋo riva-riva o ruŋa i a Ietū⌋ ꞌe o ruŋa i te ora o te taŋata mai te mate.

Aŋa o te ꞌĀpōtoro 22:30

ꞌI te rua mahana, ꞌi te haŋa o te kōmana mo ꞌite riva-riva he aha te hūrio e riri era mo Pauro, he uŋa he haka taka-taka i te oromatuꞌa ra-rahi ꞌe i te ⌊nūnaꞌa taŋata taꞌatoꞌa i a rāua te kī iŋa hopeꞌa o te haka tere hūrio⌋. He kume ia i tū vivi here-here era i a Pauro, ꞌe he maꞌu he haka māroa ꞌi muꞌa o rā nuꞌu.

Aŋa o te ꞌĀpōtoro 23:1

He uꞌi riva-riva ia a Pauro a ruŋa i tū nuꞌu era ꞌe he kī: —E kuā taina ē, ki ꞌaŋarīnā he uꞌi nō tāꞌaku aŋa mo tano o tōꞌoku noho iŋa ki te mata o te ꞌAtua, ꞌe ki tōꞌoku manaꞌu, ꞌina a au kai hape.

Aŋa o te ꞌĀpōtoro 24:20

ꞌE mo taꞌe ai pē ira, mo te nuꞌu ena e kī atu hoki i ravaꞌa rō e tahi hape ōꞌoku ꞌi te hora ꞌi muꞌa o te ⌊nūnaꞌa taŋata i a rāua te kī iŋa hopeꞌa o te haka tere hūrio⌋.

Aŋa o te ꞌĀpōtoro 4:15

He haka eꞌa ia i a kuā Pētero ki haho, ꞌe he noho he haꞌaꞌau ananake.

Aŋa o te ꞌĀpōtoro 5:21

Mo haka tano ki tū meꞌe kī era e te merahi, ꞌi te pō era ꞌā o te rua mahana, he oho ananake ki te Kona Haꞌamuri ꞌAtua, he haꞌamata he haka ꞌite i rā meꞌe. Te oromatuꞌa hopeꞌa o te ra-rahi ananake ko te nuꞌu o muri he hāꞌaki ki te ⌊nūnaꞌa taŋata i a rāua te kī iŋa hopeꞌa o te haka tere hūrio⌋ ꞌe ki te nuꞌu pūꞌoko haka tere taꞌatoꞌa o te itaraera mo taka-taka o rāua, ꞌe he uŋa mo maꞌu i tū ŋā ꞌāpōtoro era mai roto i te hare maꞌuꞌaurī.

Aŋa o te ꞌĀpōtoro 5:27

I tuꞌu era he haka māroa ꞌi muꞌa o te nūnaꞌa taŋata i a rāua te kī iŋa hopeꞌa o te haka tere hūrio, ꞌe he kī e te oromatuꞌa hopeꞌa o te ra-rahi:

Aŋa o te ꞌĀpōtoro 6:12

Pē ira i haka riri ai i te taŋata, i te nuꞌu pūꞌoko haka tere hūrio ꞌe i te ⌊maꞌori o te haka tere hūrio⌋. ꞌO ira i ꞌa-ꞌaru ai i a ꞌĒteva ꞌe he maꞌu ki muꞌa o te ⌊nūnaꞌa taŋata i a rāua te kī iŋa hopeꞌa o te haka tere hūrio⌋.

Aŋa o te ꞌĀpōtoro 6:15

Te nuꞌu ra-rahi ꞌe te nuꞌu taꞌatoꞌa ꞌi tū kona era, i uꞌi era a ruŋa i a ꞌĒteva, he takeꞌa i te ꞌāriŋa pa he ꞌāriŋa merahi ꞌā.

Aŋa o te ꞌĀpōtoro 7:37

»Ko te Mōtē mau nei ꞌā te meꞌe kī era ki te itaraera: “E haꞌataꞌa rō e te ꞌAtua mai roto i a kōrua e tahi perofeta pa he haꞌataꞌa iŋa nei i a au”.

Rōmano 12:10

E here ꞌi roto i a kōrua pa he taina, ꞌe e moꞌa pa he nuꞌu manaꞌu i hau rō atu te rua ki a rāua.

1 Kōrinto 6:6

ꞌE ko te horo ko te oho iŋa ꞌana kōrua i a kōrua ꞌā ki te pūꞌoko haka tere o te hare ture taꞌe haka moe i te manaꞌu ꞌi ruŋa i a Ietū.

1 Tētārōnika 4:6

ꞌIna e tahi o kōrua mo tōtōā i te taina ⌊haka moe i te manaꞌu⌋ ꞌi ruŋa i a Ietū hai toꞌo i tāꞌana viꞌe māꞌana. Ko haka ꞌite atu era ꞌā, paꞌi, e mātou pē nei ē: te ꞌAtua e haka ūtuꞌa rō ꞌā i te nuꞌu aŋa i te meꞌe tuꞌu pē nei hai ūtuꞌa taparahi-taꞌata.

Tito 3:2

nuꞌu taꞌe vānaŋa ꞌino mo te rua, taꞌe moto, riva, ꞌe ꞌite i te moꞌa i te nuꞌu taꞌatoꞌa.

ꞌEvereo 12:25

E te taina, e uꞌi kōrua ꞌo taꞌe haka roŋo rō ki te vānaŋa o te ꞌAtua. Te nuꞌu o muꞌa ꞌā hārui hai tuaꞌivi ki tāꞌana vānaŋa haka ꞌite e Mōtē ꞌi te ao nei ꞌina kai taꞌe haka ūtuꞌa e te ꞌAtua. Pē ira ka topa ena ki a tātou mo taꞌe haka roŋo ki te kope ꞌāꞌana te vānaŋa mai mai te raŋi.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

Tanatiako 2:20

E te maꞌa-maꞌa ē, ka haka topa te manaꞌu: te haka moe iŋa i te manaꞌu ꞌi ruŋa i te ꞌAtua mo taꞌe haka takeꞌa hai meꞌe riva-riva aŋa, ꞌina e tahi hauhaꞌa.

Tanatiako 3:6

ꞌE te ꞌarero pa he ahi ꞌā. He kona o te tātou hakari mai ira e poreko ena te meꞌe rake-rake haka ꞌōꞌone tahi i a tātou hai hara. Te ꞌarero e ura ena hai ahi mau era ꞌā o te pōꞌauahi koia ko te tutu ko te oho i te tātou noho iŋa ꞌi te ao nei.

1 Pētero 2:23

Hora vā-vā era i a ia, ꞌina he pāhono hai vānaŋa taꞌe tano, ꞌe hora tōtōā era, ꞌina kai kī i te vānaŋa mo haka riꞌa-riꞌa i te taŋata. Te meꞌe mau nō i aŋa he haka rē i a ia ki te rima o te ꞌAtua, kope ture hai tī-tika.

1 Pētero 3:9

ꞌIna ko aŋa hai meꞌe rake-rake ki te nuꞌu aŋa atu i te meꞌe rake-rake, ꞌe ꞌina ko parauꞌino ki te nuꞌu parauꞌino atu. Te meꞌe o kōrua mo aŋa he ani ki te ꞌAtua mo haꞌamaitai i rā nuꞌu. Te ꞌAtua, paꞌi, i haꞌataꞌa ai i a kōrua māꞌana mo haꞌamaitai atu e ia.

1 Iovani 2:9

Te kope kī: ꞌi roto i te māꞌeha a ia, ꞌe te parautiꞌa mau e riri rō ꞌana mo tōꞌona taina, ko te noho iŋa ꞌana ꞌi roto i te pōhāhā.

1 Iovani 3:10

E ꞌite rō ꞌana ko ai te ŋā poki o te ꞌAtua ꞌe ko ai te ŋā poki ꞌa Rukifero: te kope taꞌe aŋa i te meꞌe tano ꞌe taꞌe haŋa ki tōꞌona taina, taꞌe o te ꞌAtua.

1 Iovani 5:16

Mo takeꞌa e tahi taŋata i tōꞌona taina e hara ꞌana, ꞌe rā hara taꞌe he hara mo haka ūtuꞌa i a ia hai mate, e pure mōꞌona, ꞌe mo te ꞌAtua e vaꞌai i te ora ꞌāpī ꞌina he hopeꞌa raꞌa ki rā taina. ꞌE nā e ai rō ꞌā e tahi hara he haka ūtuꞌa i a koe hai mate, ꞌe mo rā hara e ko kī atu e au e pure e kōrua.

Hura 1:9

Ka manaꞌu rā: hora tātake era o Mihaera, he merahi ra-rahi o te ꞌAtua, ararua ko Rukifero o ruŋa i te hakari o ⌊Mōtē⌋, ꞌina a Mihaera kai kī i te vānaŋa rake-rake mo Rukifero; i kī nō: «¡Mo te ꞌAtua koe e ture atu!».

Meꞌe Haka Takeꞌa 20:14

I oti era he toꞌo mai i te mate ꞌe i te kona o te mate ko ꞌAre he hoa ki roto i te pōꞌauahi. Te kona ahi nei he rua mate iŋa,