Māteo 5:20 - Rapa Nui

²⁰ ꞌĪ a au he kī atu: mo taꞌe ai o te kōrua aŋa iŋa i te meꞌe tī-tika ki te mata o te ꞌAtua ꞌata hau ki te maꞌori o te haka tere ⌊hūrio⌋ ꞌe o te ⌊fariseo⌋, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 5:20 ပူးပေါင်းရင်းမြစ်များ

Māteo 16:12

He aŋi-aŋi ia e rā nuꞌu: a Ietū taꞌe e kī ꞌana o ruŋa i te revaura era mo aŋa o te haraoa, e kī ꞌana e uꞌi a rāua e te hāpī o te fariseo ꞌe o te saruseo.

Māteo 18:5

ꞌE te kope toꞌo ꞌe hāpaꞌo hai ꞌīŋoa ōꞌoku i te rua, ka ai atu i te poki e tahi pa he poki nei, e toꞌo ꞌana i a au.

Māteo 3:10

Te ꞌōhio nā ko rito era ꞌā mo paꞌo i te tumu mai tōꞌona aka. Te tumu taꞌatoꞌa taꞌe hua o te meꞌe riva-riva he paꞌo ꞌe he hoa ki roto i te ahi.

Māteo 7:21

»Taꞌe taꞌatoꞌa nuꞌu kī mai: “E tōꞌoku Pūꞌoko Haka Tere ē”, mo oꞌo ki roto i te haka tere iŋa ꞌāpī o tōꞌoku Matuꞌa ꞌi te raŋi; te nuꞌu mau nō mo oꞌo he nuꞌu aŋa i tāꞌana meꞌe haŋa.

Marko 10:15

ꞌĪ a au he kī atu: te kope taꞌe haka rē mo haka tika i a ia e te ꞌAtua, pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ꞌāꞌana».

Marko 10:25

I hau rō atu ꞌi te aŋarahi mo te taŋata ꞌono mo haka rē i a ia mo haka tere e te ꞌAtua, ki te oꞌo o te kameio a roto i te mata o te ivi.

Ruka 11:44

»¡Ko te ꞌaroha i a kōrua! Pa he kona tanu pāpaku kōrua rei-rei e te taŋata ꞌi te taꞌe tāpaꞌo ꞌe ꞌi te taꞌe ꞌite ꞌi raro e ai rō ꞌana te meꞌe piro.

Ruka 12:1

I oho era he taka-taka te taŋata ka taꞌutini ka taꞌutini; ꞌi te rahi, he rei-rei i a rāua ꞌā. ꞌE a Ietū ꞌi raꞌe i haꞌamata i vānaŋa ai ki tāꞌana nuꞌu hāpī pē nei ē: «E hāpaꞌo ꞌo riro kōrua nuꞌu riva a te haho nō pa he ⌊fariseo⌋. Te huru o rāua ꞌi roto i te taŋata pa he revaura e haka ahu ena i te haraoa mata.

Ruka 18:17

ꞌĪ a au he kī atu: te kope taꞌe haka rē mo haka tika i a ia e te ꞌAtua pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ōꞌona».

2 Kōrinto 3:9

Mo ai he meꞌe pūai ꞌe nui-nui te haka tere iŋa tuai o te ꞌAtua ananake ko te taŋata maꞌu mai i te ūtuꞌa, ¿e ko ai hō te ⌊haka tere iŋa ꞌāpī o te ꞌAtua ananake ko te taŋata⌋ haka tano i te taŋata ki te mata o te ꞌAtua he meꞌe ꞌata hau rō atu ꞌi te pūai ꞌe ꞌi te nui-nui?

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

Meꞌe Haka Takeꞌa 21:27

ꞌE ki te hora hopeꞌa ꞌina e tahi meꞌe taꞌe tano mo oꞌo ki ira. E ko oꞌo te kope haꞌamuri ki te ꞌītoro ꞌe te kope reo-reo. Te nuꞌu nō mo oꞌo he nuꞌu te rāua ꞌīŋoa e pāpaꞌi rō ꞌā ꞌi ruŋa i te puka era o te Māmoe, he puka ꞌi ruŋa i pāpaꞌi ai i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.