Pē ira i tano ai te meꞌe kī e te perofeta pē nei ē: «Hai ꞌaꞌamu haꞌaauraꞌa a au ka vānaŋa nei; e kī rō a au i te meꞌe ꞌina kai ꞌite e te taŋata mai te hora aŋa era ꞌā e te ꞌAtua i te ao».
He haꞌamata ia a Pētero he vānaŋa: —Hora nei ko ꞌite ꞌana a au ꞌina he ꞌAtua he uꞌi i te taŋata hoki he hūrio ꞌo taꞌe he hūrio; mōꞌona te hau taꞌatoꞌa pē tū huru tahi ꞌā.
Ka oho a Pauro mo vānaŋa ka kī e tū suerekao era ki te hūrio: —ꞌĀhani te kōrua ture o ruŋa o te meꞌe taꞌe tano ꞌe o ruŋa o te meꞌe rake-rake aŋa e ia, ko haka roŋo atu ꞌā a au.
E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.
