Māteo 5:18 - Rapa Nui

¹⁸ ꞌĪ a au he kī atu i te parautiꞌa: mo ai nō o te raŋi ꞌe o te henua, ꞌina e tahi tiꞌaraꞌa ka hopeꞌa atu te ꞌiti-ꞌiti o ruŋa i te haka tere iŋa o te ꞌAtua mo haka kore ꞌātā ka haka tano tahi rō te meꞌe hāꞌaki o ruŋa.

Māteo 5:18 ပူးပေါင်းရင်းမြစ်များ

Māteo 10:15

ꞌĪ a au he kī atu: ꞌi te mahana o te ture hopeꞌa, te ūtuꞌa mo te nuꞌu o rā kona ꞌata hau rō atu ki te ūtuꞌa topa ꞌi ruŋa i te nuꞌu hara o ⌊Tōroma⌋ ꞌe o ⌊Kōmora⌋.

Māteo 10:23

»Mo tute mo tōtōā atu i a kōrua ꞌi te kona nūnaꞌa hare e tahi, ka tere ki te rua. ꞌĪ a au he kī atu: te ⌊Poki o te taŋata⌋ ꞌi raꞌe ka hoki mai ena ki te oti o te kōrua aŋa ꞌi te kona taꞌatoꞌa o Itaraera.

Māteo 10:42

»ꞌĪ a au he ki atu: te taŋata vaꞌai ka ai atu he hapaina vai mau nō ki te kope e tahi o roto o tāꞌaku nuꞌu hāpī ꞌo te ai o rā kope ꞌāꞌaku, pe muꞌa ka oho ena e ko taꞌe vaꞌai e te ꞌAtua ki rā taŋata hai meꞌe mo haka koa».

Māteo 11:11

He kī haka ꞌou e Ietū: «ꞌIna e tahi taŋata o roto i te taŋata taꞌatoꞌa ꞌata hōnui ki a Iovani; ꞌe, ka ai atu pē ira, te taŋata haka rē i a ia mo haka tere e te ꞌAtua i hau rō atu ki a Iovani, ka ai atu he taŋata hauhaꞌa-ꞌore ki te mata o te taŋata.

Māteo 13:17

ꞌĪ a au he kī atu: meꞌe rahi perofeta ꞌe meꞌe rahi taŋata tano ki te mata o te ꞌAtua i haŋa rō mo takeꞌa i te meꞌe takeꞌa e kōrua, ꞌe ꞌina kai takeꞌa, ꞌe i haŋa rō mo ŋaroꞌa i te meꞌe ŋaroꞌa e kōrua, ꞌe ꞌina e rāua kai ŋaroꞌa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 17:20

He pāhono e Ietū: —He taꞌe rahi o te kōrua haka moe iŋa mai i te manaꞌu ꞌi ruŋa i a au. ꞌĪ a au he kī atu: ꞌāhani te kōrua haka moe iŋa o te manaꞌu ꞌi ruŋa i a au korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te maꞌuŋa era: «¡Ka oho koe mai nā ki te rua kona!», ꞌe he oho mai te kona era. ꞌE ꞌina e tahi meꞌe mo taꞌe ravaꞌa e kōrua mo aŋa. [

Māteo 18:18

»ꞌĪ a au he kī atu: te meꞌe mo taꞌe haꞌatiꞌa e kōrua ꞌi te ao nei, ko taꞌe haꞌatiꞌa takoꞌa ꞌā ꞌi ruŋa i te raŋi, ꞌe te meꞌe mo haꞌatiꞌa e kōrua ꞌi te ao nei, ko haꞌatiꞌa takoꞌa ꞌā ꞌi te raŋi.

Māteo 18:3

ꞌe he kī: —ꞌĪ a au he kī atu: mo taꞌe huri o te kōrua manaꞌu pa he ŋā poki, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 19:23

He meꞌe ia e Ietū ki tāꞌana nuꞌu hāpī: —ꞌĪ a au he kī atu: aŋa riꞌa-riꞌa te taŋata ꞌono mo oꞌo ki roto i te haka tere iŋa ꞌāpī o te ꞌAtua.

Māteo 19:28

He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.

Māteo 21:21

He pāhono e Ietū: —Te parautiꞌa, mo haka moe o kōrua i te manaꞌu ꞌi ruŋa i te ꞌAtua ꞌe ꞌina e ko ꞌaka-ꞌaka, te meꞌe o kōrua mo aŋa taꞌe nō ꞌō ko te meꞌe aŋa era e au ki te tumu pika. Mo kī o kōrua ki te maꞌuŋa nei: «Ka ꞌoi mai nā ꞌe ka rere ki roto i te vaikava», pē ira ka ai era.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 23:36

ꞌĪ a au he kī atu: te ūtuꞌa o te aŋa i te meꞌe taꞌatoꞌa nei ka topa ena ꞌi ruŋa i te nuꞌu o te hora nei.

Māteo 24:2

He kī e Ietū: «E uꞌi riva-riva te kona taꞌatoꞌa ena. ꞌĪ a au he kī atu: pe muꞌa ka oho ena e ko ai haka ꞌou e tahi māꞌea ꞌi ruŋa i te rua māꞌea. E haka marua tahi rō».

Māteo 24:47

ꞌĪ a au he kī atu: te taŋata era ꞌāꞌana te haka aŋa e haka rē rō ki rā tāvini i tōꞌona hauhaꞌa taꞌatoꞌa mo hāpaꞌo.

Māteo 25:12

»He pāhono e tū kope era mo hāipo-ipo: “Te parautiꞌa, kai ꞌite a au ko ai a kōrua”.

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 25:45

»E pāhono rō e te ꞌAriki: “Te parautiꞌa, te meꞌe taꞌe aŋa e kōrua mo te tētahi o tōꞌoku taina hopeꞌa o te taꞌe hōnui e taꞌe aŋa ꞌā e kōrua mōꞌoku”.

Māteo 5:26

Te parautiꞌa, mo puru ōꞌou, e ko eꞌa koe mai roto ꞌātā ka ꞌauhau rō i te tara hopeꞌa.

Māteo 6:16

»Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Māteo 6:2

»ꞌO ira, hora ena ōꞌou mo hāꞌūꞌū ki te nuꞌu veve, ꞌina ko haka ꞌite ki te tētahi, pa he meꞌe aŋa ꞌi roto i te ⌊hare pure hūrio⌋ ꞌe ꞌi te ara e te nuꞌu riva a te haho nō mo takeꞌa e te nuꞌu mo vānaŋa riva-riva o ruŋa i a rāua. ꞌĪ a au he kī atu: he vānaŋa riva-riva o te nuꞌu te meꞌe mau nō mo haka koa i a rāua.

Māteo 8:10

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

Marko 10:15

ꞌĪ a au he kī atu: te kope taꞌe haka rē mo haka tika i a ia e te ꞌAtua, pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ꞌāꞌana».

Marko 10:29

He pāhono e Ietū: —ꞌĪ a au he kī atu: te nuꞌu haka rē i te rāua hare, i te rāua taina tane, taina vahine, i te rāua matuꞌa tane, matuꞌa vahine, i te poki ꞌe i te rāua henua, mo aŋa i tāꞌaku meꞌe haŋa ꞌe mo haka ꞌite i te ⌊roŋo riva-riva o te ꞌAtua⌋,

Marko 11:23

ꞌĪ a au he kī atu: te kope kī ki te maꞌuŋa nei: “¡Ka oho koe mai nā, ka rere ki roto i te vaikava!”, mo taꞌe ꞌaka-ꞌaka o rā kope ꞌe mo ⌊haka moe i te manaꞌu⌋ ꞌi ruŋa i te ꞌAtua he topa rā meꞌe kī era, pē ira mau ꞌā ka topa era.

Marko 12:43

He raŋi ia e Ietū ki tāꞌana nuꞌu hāpī mo haka hāhine ꞌe he kī: —ꞌĪ a au he kī atu: i hau rō atu ꞌi te hauhaꞌa, ki te ꞌAtua, te moni vaꞌai e te viꞌe hove veve era ki te moni vaꞌai e te tētahi nuꞌu era.

Marko 13:30

ꞌĪ a au he kī atu: te taŋata o te hora nei e ko ŋaro hia ka topa rō mai ena te ŋā meꞌe nei.

Marko 14:18

E ka-kai nō ꞌā he kī e Ietū: —ꞌĪ a au he kī atu: e tahi o roto o kōrua e kai mai ena ꞌi muri i a au, nā he vaꞌai i a au ki te nuꞌu.

Marko 14:25

ꞌĪ a au he kī atu: e ko unu haka ꞌou a au i te vino ꞌātā ki te mahana ka unu nei a au i te vino ꞌāpī ꞌi te ao haka tere e te ꞌAtua».

Marko 14:30

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te rua ꞌoꞌoa iŋa o te moa, ka kī rō ena koe ki te nuꞌu e toru kī iŋa kai ꞌite koe ko ai a au.

Marko 14:9

ꞌĪ a au he kī atu: ꞌi te kona taꞌatoꞌa o te ao haka ꞌite i te ⌊roŋo riva-riva o te ꞌAtua⌋, he vānaŋa takoꞌa o ruŋa i te meꞌe aŋa mai nei e ia; pē ira ka taꞌe rehu ena a ia».

Marko 3:28

»ꞌĪ a au he kī atu: te ꞌAtua e haka kore nō i te hara taꞌatoꞌa ꞌe i te meꞌe taꞌe tano kī e te taŋata.

Marko 6:11

ꞌE mo tuꞌu kōrua ki te kona ꞌina he haŋa atu ꞌe ꞌina he haka roŋo atu te nuꞌu o ira, e tū-tū te puŋaꞌehu mai te kōrua vaꞌe mo haka ꞌite ki rā nuꞌu: ka topa era ꞌi ruŋa i a rāua te ūtuꞌa o te ꞌAtua, he hape o rāua mau ꞌā, ꞌe ꞌai kōrua ka oho rō mai ira».

Marko 8:12

ꞌI te taꞌe au o tū vānaŋa era ki a Ietū he puhi te haŋu ꞌe he kī: «¿Ki roa toe nō hē a kōrua e haŋa ena mo aŋa ōꞌoku i te mana? ꞌĪ a au he kī atu: ꞌina e tahi mana mo aŋa atu e au».

Marko 9:1

He kī takoꞌa e Ietū: —Tētahi nuꞌu o te kona nei e takeꞌa rō i te tuꞌu iŋa mai hai pūai o te ⌊haka tere iŋa ꞌāpī o te ꞌAtua⌋ ꞌi raꞌe ki te rāua mate.

Marko 9:41

»ꞌĪ a au he kī atu: te taŋata vaꞌai atu, korohaŋa he hapaina vai mau nō ꞌo te ai o kōrua o te ⌊Kiritō⌋, pe muꞌa ka oho ena e ko taꞌe vaꞌai e te ꞌAtua ki rā taŋata hai meꞌe mo haka koa.

Ruka 11:51

mai te toto o ⌊ꞌĀvere⌋ ꞌātā ki te toto o Taharia tiŋaꞌi haka mate i te oꞌo iŋa o te ⌊Kona Moꞌa⌋ o te Hare o te ꞌAtua ꞌi tuꞌa o te fata. ꞌĪ a au he kī atu: te mate era o rā nuꞌu e haka ꞌauhau tahi rō e te ꞌAtua ki te nuꞌu o te hora nei.

Ruka 12:37

¡Ko te koa ꞌō i te tāvini, ka tuꞌu era te taŋata ꞌāꞌana te haka aŋa, e ꞌa-ꞌara tahi nō ꞌā! ꞌĪ a au he kī atu: mo te taŋata mau era ꞌā ꞌāꞌana te haka aŋa, e haka noho i rā nuꞌu ꞌi ruŋa i te ꞌamuramaꞌa ꞌe e ao e vaꞌai hai kai.

Ruka 13:35

Nā e tuꞌu rō te mahana te kōrua hare e ko noho haka ꞌou e te taŋata. ꞌĪ a au he kī atu: e ko takeꞌa haka ꞌou au e kōrua ꞌātā ki te mahana mo kī e kōrua: “¡Ki haꞌahana-hana te taŋata uŋa mai e te ꞌAtua hai ꞌīŋoa ōꞌona!”.

Ruka 16:17

»Ka ai atu pē ira, ꞌi raꞌe te raŋi ꞌe te henua ana ŋaro, ki te ŋaro o te vānaŋa hopeꞌa o te ꞌiti-ꞌiti o ruŋa o te roŋo o te ꞌAtua pāpaꞌi e Mōtē.

Ruka 18:17

ꞌĪ a au he kī atu: te kope taꞌe haka rē mo haka tika i a ia e te ꞌAtua pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ōꞌona».

Ruka 18:29

He pāhono e Ietū: —ꞌĪ a au he kī atu: te nuꞌu haka rē i te hare, i te viꞌe, i te taina, matuꞌa ꞌo ŋā poki mo tāvini ki te ꞌAtua,

Ruka 23:43

He pāhono e Ietū: —ꞌĪ a au he kī atu: ꞌarīnā mau nei ꞌā ꞌi muri i a au koe ꞌi te kona o tōꞌoku Matuꞌa.

Ruka 4:24

Ko te vānaŋa iŋa ꞌana ia a Ietū: —ꞌĪ a au he kī atu: te taŋata ꞌina he haŋa ki te perofeta o te rāua kāiŋa mau ꞌā.

Iovani 1:51

He kī ia ki te taꞌatoꞌa: «ꞌĪ a au he kī atu: e riro rō kōrua he mataꞌite o nei ŋā meꞌe, ꞌe te nui-nui e tuꞌu rō pa he meꞌe ena: e ha-hata rō ꞌā te raŋi, ꞌe e iri ꞌe e topa rō mai ꞌā te merahi o te ꞌAtua ꞌi ruŋa i a au i te ⌊Poki o te taŋata⌋».

Iovani 10:1

He kī ia e Ietū: «He parautiꞌa te meꞌe nei: Te kope taꞌe uru a roto i te ꞌōpani ki roto i te ꞌāua māmoe he toke-toke.

Iovani 10:7

He kī haka ꞌou e Ietū: «He parautiꞌa te meꞌe nei: He ꞌōpani a au a ira te māmoe e uru ena.

Iovani 12:24

ꞌĪ a au he kī atu: te karu tariko mo taꞌe tanu ꞌi roto i te ꞌōꞌone, ꞌina e ko tupu, he topa he karu mau nō e tahi. ꞌE mo tanu ꞌi roto i te ꞌōꞌone, he tupu, ꞌe he rahi mai te kai.

Iovani 13:16

ꞌĪ a au he kī atu: ꞌina he tāvini ꞌata hau ki te kope haka aŋa i a ia, ꞌe ꞌina he kope maꞌuroŋo ꞌata hau ki te kope haka uŋa i a ia.

Iovani 13:38

He pāhono e Ietū: —¿He parautiꞌa mau ꞌā e vaꞌai rō koe i a koe ki te mate mōꞌoku? ꞌĪ a au he kī atu: e ko ꞌoꞌoa hia te moa ka kī ena e koe e toru kī iŋa kai ꞌite koe ko ai a au.

Iovani 14:12

ꞌE ꞌī a au he kī atu: te kope haka moe i tōꞌona manaꞌu ꞌi ruŋa i a au, e aŋa takoꞌa rō i te meꞌe aŋa e au, ꞌe he aŋa takoꞌa i te meꞌe ꞌata hau rō atu hai oho ōꞌoku ki te kona era ꞌi ira te Matuꞌa.

Iovani 16:20

ꞌĪ a au he kī atu: e ta-taŋi rō ꞌe e koromaki rō kōrua, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e koa rō. ꞌE, ka ai atu e koromaki rō kōrua, te koromaki era e huri rō ki te koa.

Iovani 16:23

»ꞌI rā mahana e ko ꞌui haka ꞌou mai kōrua e tahi meꞌe. ꞌE ꞌī a au he kī atu: he vaꞌai atu e te Matuꞌa i te meꞌe taꞌatoꞌa o kōrua ka no-noꞌi ena hai ꞌīŋoa ōꞌoku.

Iovani 21:18

ꞌĪ a au he kī atu: ꞌi te hora ōꞌou e ꞌāpī nō ꞌā, ꞌāꞌau ꞌā te here i tuꞌu pena ꞌe te oho ki te kona nō era ꞌāꞌau i haŋa. ꞌE, ka korohuꞌa ena, he haka toro i tuꞌu rima, he here-here atu ꞌe he maꞌu i a koe ki te kona ꞌina e ko haŋa e koe mo oho.

Iovani 3:11

ꞌĪ a au he kī atu: e vānaŋa atu ena o ruŋa i te meꞌe ko ꞌite ꞌā ꞌe ko takeꞌa ꞌā e au; ꞌe, a kōrua ꞌina he haka roŋo mai.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Iovani 5:19

He kī ia e Ietū: «ꞌĪ a au he kī atu: Te Poki o te ꞌAtua e ko aŋa e tahi meꞌe hai manaꞌu ōꞌona hoko tahi nō; te meꞌe aŋa ꞌāꞌana he meꞌe takeꞌa mai tōꞌona Matuꞌa. Te meꞌe taꞌatoꞌa aŋa e te Matuꞌa he aŋa takoꞌa e te Poki.

Iovani 6:26

He kī e Ietū: —Te parautiꞌa, a kōrua e kimi mai ena taꞌe ꞌo te aŋi-aŋi i te mana aŋa e au, ꞌo te ai i kai ai kōrua ka mākona rō.

Iovani 6:32

He pāhono e Ietū: —ꞌĪ a au he kī atu: taꞌe ꞌa ⌊Mōtē⌋ i vaꞌai i te haraoa o te raŋi, o tōꞌoku Matuꞌa. ꞌE māꞌana e vaꞌai atu i te haraoa parautiꞌa o te raŋi.

Iovani 6:47

ꞌĪ a au he kī atu: te nuꞌu haka moe i te manaꞌu ꞌi ruŋa i a au i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 6:53

He kī e Ietū: —ꞌĪ a au he kī atu: mo taꞌe kai o kōrua i te hakari ꞌe mo taꞌe unu i te toto o te Poki o te taŋata, e ko ravaꞌa e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 8:34

He kī e Ietū: —ꞌĪ a au he kī atu: te taŋata hara oho nō he ꞌekaravo o te hara.

Iovani 8:51

ꞌĪ a au he kī atu: te kope haka roŋo i tāꞌaku vānaŋa e ko mate ki te hora hopeꞌa.

Iovani 8:58

He pāhono e Ietū: —ꞌĪ a au he kī atu i te parautiꞌa: ko ai era ꞌana a au i poreko mai ai a ꞌAparahama.

1 Pētero 1:25

ꞌe te vānaŋa o te ꞌAtua e ko ŋaro ki te hora hopeꞌa». ꞌE nei vānaŋa he ⌊roŋo riva-riva o ruŋa i a Ietū Kiritō⌋ haka ꞌite atu ki a kōrua.

Meꞌe Haka Takeꞌa 20:11

He takeꞌa e au i te pepe noho ꞌariki tea-tea e tahi ꞌe i te kope noho ꞌi ruŋa. ꞌI te nui-nui ꞌe ꞌi te ꞌana-ꞌana ōꞌona, he ŋaro te henua ꞌe te raŋi mai muꞌa i a ia, ꞌe ꞌina kai takeꞌa haka ꞌou mai.