Māteo 5:12 - Rapa Nui

¹² E koa; ꞌi te raŋi e vaꞌai rō atu e te ꞌAtua i te meꞌe nui-nui mo haka koa i a kōrua. Pē ira takoꞌa i tōtōā ai i te perofeta o muꞌa ꞌā.

Māteo 5:12 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 6:16

»Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Ruka 13:34

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki, pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina koe he haŋa!

Ruka 6:23

Ki topa atu rā ŋā meꞌe, e koa kōrua; e vaꞌai rō atu, paꞌi, e te ꞌAtua i te meꞌe hopeꞌa o te nui-nui mo kōrua ꞌi te raŋi. Te tupuna o te nuꞌu era i aŋa takoꞌa rō pē ira ki te ŋā perofeta era o muꞌa ꞌā.

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Aŋa o te ꞌĀpōtoro 16:25

Pe te ꞌahuru mā piti o te pō, e pure ꞌe e hīmene nō ꞌā a Pauro ararua ko Tira ki te ꞌAtua ꞌe te tētahi nuꞌu puru e haka roŋo ꞌana ki a rāua,

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Rōmano 5:3

ꞌE taꞌe nō ꞌo ira a tātou e koa nei, ꞌo te ꞌamo takoꞌa i te ꞌati; ꞌi te ꞌamo iŋa, paꞌi, i te ꞌati e ꞌite nei a tātou i te haꞌaoromaꞌi hai pūai.

1 Kōrinto 3:8

Te kope pī i te karu ꞌe te kope pī-pī hai vai ko tū tōroꞌa ꞌā, ꞌe mo te ꞌAtua e ꞌauhau i te rāua aŋa.

2 Kōrinto 4:17

E haka topa nei i te manaꞌu o ruŋa i te meꞌe ka ai ena mo tātou pe muꞌa ka oho ena: he noho iŋa riva-riva ꞌina he hopeꞌa raꞌa ꞌi te raŋi, te ꞌati ꞌamo e mātou ꞌi te ao nei ꞌina e mātou he tapa atu; e tuꞌu rō ꞌana, paꞌi, pa he meꞌe taꞌe paŋahaꞌa ꞌe e ko roa he ŋaro.

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

Fīripo 2:17

Pa he tūtia vaꞌai e kōrua ki te ꞌAtua mo koa ōꞌona te ꞌati e ꞌamo ena e kōrua ꞌo te ⌊haka moe i te manaꞌu⌋ ꞌi ruŋa i a Ietū ꞌe ꞌo te aŋa o kōrua ki a ia. ꞌE mo haŋa o te ꞌAtua mo ꞌāmui i tōꞌoku mate ki te tūtia vaꞌai e kōrua ki a ia, pa he huri iŋa i te manu tūtia hai vino, e koa nō a au, pa he koa iŋa nei ōꞌoku mo kōrua.

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

Kōrosa 3:24

A Ietū, paꞌi, he Pūꞌoko Haka Tere parautiꞌa o tātou o te nuꞌu taꞌatoꞌa haka moe i te manaꞌu ꞌi ruŋa i a Ietū, ꞌe ki a ia tātou e tāvini nei. ꞌE ko ꞌite ꞌā e tātou: pe muꞌa ka oho ena te ꞌAtua e vaꞌai rō mai i te meꞌe i hōrea e ia mo tāꞌana nuꞌu,

1 Tētārōnika 2:15

O te ŋā hūrio nei i tiŋaꞌi i te tātou Pūꞌoko Haka Tere ko Ietū Kiritō, pa he tiŋaꞌi iŋa era ꞌi muꞌa ꞌā i te perofeta, ꞌe o rāua takoꞌa i tute i a mātou mai te ŋā tētahi kona era ꞌi ira e haka ꞌite era e mātou i te roŋo riva-riva o te ꞌAtua. Te ꞌAtua ꞌina he koa mo rāua ꞌo te rava uꞌi i te rāveꞌa mo taꞌe haka tano i te mātou aŋa, ꞌe nei aŋa mo te riva-riva o te taŋata taꞌatoꞌa.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

ꞌEvereo 11:26

Tōꞌona manaꞌu: i hau rō atu mōꞌona te ꞌamo i te ꞌati topa ꞌi ruŋa i te nuꞌu ŋatu i te haŋu ki te ⌊Mētia⌋ mo uŋa mai e te ꞌAtua ki te ai i a ia te hauhaꞌa o Ehipto; a ia, paꞌi, e tiaki ꞌana ki te meꞌe hopeꞌa o te riva-riva mo vaꞌai e te ꞌAtua.

ꞌEvereo 11:33

He haka moe i te manaꞌu ꞌi ruŋa i te ꞌAtua te ŋā nuꞌu nei ꞌe te tētahi atu i rē ai i te tamaꞌi ꞌe i ravaꞌa henua ai, i haka tere ai i te taŋata hai tī-tika, i ai ai i a rāua te meꞌe hōrea e te ꞌAtua, i puru ai i te haha o te reone,

ꞌEvereo 11:6

ꞌIna e tahi taŋata taꞌe ⌊haka moe i te manaꞌu⌋ ꞌi ruŋa i te ꞌAtua mo tano ki tōꞌona mata. Mo hāhine ki a ia, e ai he parautiꞌa mau ꞌā mōꞌou e ai rō ꞌā te ꞌAtua ꞌe e ai rō ꞌana te meꞌe mo vaꞌai ki te nuꞌu kimi i a ia.

Tanatiako 1:2

E te taina, ka topa atu ena rauhuru ꞌati, e koa kōrua.

Tanatiako 5:10

Ka manaꞌu rā kōrua ki te ŋā perofeta era o muꞌa ꞌā: i haꞌaoromaꞌi i oho nō e tōtōā era e te taŋata ꞌo te vānaŋa hai ꞌīŋoa o te ꞌAtua. E haꞌaoromaꞌi kōrua, e te taina ē, pē ira.

1 Pētero 4:13

Te tano mau: e koa kōrua ꞌo te ꞌamo takoꞌa i te mamae tuꞌu pa he mamae ꞌamo e te ⌊Kiritō⌋, ki rahi ai te kōrua koa ꞌi te hora ka haka takeꞌa mai ena i tōꞌona nui-nui.