Māteo 5:11 - Rapa Nui

¹¹ »Ko te koa i a kōrua ꞌi te hora vā-vā ꞌe tōtōā atu e te taŋata, ꞌe ꞌi te hora haꞌaꞌino hai rauhuru nō atu reo-reo ꞌo te peꞌe mai o kōrua ki a au.

Māteo 5:11 ပူးပေါင်းရင်းမြစ်များ

Māteo 10:18

ꞌE ꞌātā he maꞌu i a kōrua ki muꞌa o te suerekao ꞌe o te ꞌariki ꞌo te ai o kōrua ꞌāꞌaku. Pē ira ka haka ꞌite ena kōrua o ruŋa i a au ꞌi muꞌa o rā nuꞌu ꞌe o te tētahi nuꞌu taꞌe he hūrio.

Māteo 10:22

Te nuꞌu o te henua taꞌatoꞌa e riri taparahi-taꞌata rō ꞌo te ai o kōrua ꞌāꞌaku. ꞌE te kope haka noho i tōꞌona manaꞌu ꞌi ruŋa i a au ꞌātā ki te hora hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Māteo 10:25

Te meꞌe topa ki te maꞌori hāpī e ko taꞌe topa takoꞌa ki tāꞌana nuꞌu hāpī, ꞌe te meꞌe topa ki te taŋata ꞌāꞌana te haka aŋa e ko taꞌe topa takoꞌa ki tōꞌona tāvini. Mo kī mai e te nuꞌu ki a au ko ⌊Veresepupa⌋, pē ira takoꞌa ꞌā ka kī atu ena ki a kōrua ki tāꞌaku nuꞌu hāpī.

Māteo 10:39

Te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope haka rē i tāꞌana meꞌe haŋa mo haꞌatura mai ki a au he ravaꞌa e ia i rā ora.

Māteo 19:29

ꞌE te nuꞌu taꞌatoꞌa haka rē hai au i te rāua hare, i te rāua taina tane, taina vahine, i te rāua matuꞌa tane, matuꞌa vahine, i te rāua ŋā poki, ꞌe i te rāua henua, he vaꞌai e te ꞌAtua e tahi hānere haka ꞌou o te meꞌe, ꞌe i te ora ꞌāpī ꞌina he hopeꞌa raꞌa.

Māteo 24:9

»E vaꞌai rō i a kōrua ki te nuꞌu mo tōtōā; e tiŋaꞌi e haka mate rō, ꞌe e maꞌu rō te riri mo kōrua e te taŋata o te hau taꞌatoꞌa, he haka moe o kōrua i te manaꞌu ꞌi ruŋa i a au.

Māteo 27:39

Te nuꞌu vari a ira ꞌai e vā-vā era koia ko ue-ue i te rāua pūꞌoko

Marko 13:13

Te taŋata o te henua taꞌatoꞌa e maꞌu rō i te riri mo kōrua he haka moe o kōrua i te manaꞌu ꞌi ruŋa i a au. ꞌE te kope haka moe oho nō i tōꞌona manaꞌu ꞌātā ki te hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Marko 13:9

»E hāpaꞌo kōrua i a kōrua ꞌā. Nā e vaꞌai rō i a kōrua ki te rima o te nuꞌu ra-rahi o tātou o te ⌊hūrio⌋ ꞌe e tōtōā rō i a kōrua ꞌi roto i te hare pure. E maꞌu rō mo ture e te suerekao ꞌe e te ꞌariki ꞌo te ai o kōrua he nuꞌu hāpī ꞌāꞌaku. ꞌI rā hora ka haka ꞌite ena kōrua ki a rāua o ruŋa i a au.

Marko 4:17

Te meꞌe ꞌino nō, ꞌi te taꞌe raro nui o te aka, ꞌina he hio-hio. Ka riri era te nuꞌu mo rāua o ruŋa o te vānaŋa o te ꞌAtua ꞌo ka topa era te ꞌati, e ko haka noho haka ꞌou i te manaꞌu ꞌi ruŋa i te ꞌAtua.

Marko 8:35

Te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope haka rē i tāꞌana meꞌe haŋa mo haꞌatura mai ki a au ꞌe mo haka ꞌite o ruŋa i te ⌊roŋo riva-riva o te ꞌAtua⌋ he ravaꞌa e ia i rā ora.

Ruka 21:12

»ꞌI raꞌe ki te topa o te ŋā meꞌe nei, he tute i a kōrua mo ꞌa-ꞌaru mo tōtōā. He maꞌu mo ture ꞌi roto i te ⌊hare pure hūrio⌋, ꞌe he puru ꞌi roto i te hare maꞌuꞌaurī. E maꞌu takoꞌa rō i a kōrua ki muꞌa o te ꞌariki ꞌe o te suerekao o ruŋa ōꞌoku.

Ruka 21:17

Te taŋata taꞌatoꞌa e maꞌu rō i te riri mo kōrua he haka moe o kōrua i te manaꞌu ꞌi ruŋa i a au.

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Ruka 9:24

Te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope haka rē i tāꞌana meꞌe haŋa mo haꞌatura mai ki a au he ravaꞌa e ia i rā ora.

Iovani 15:21

ꞌO te ai a kōrua ꞌāꞌaku, he aŋa tahi atu i te meꞌe nei ꞌi ruŋa i a kōrua, he taꞌe aŋi-aŋi e rā nuꞌu ko ai mau te kope uŋa mai era i a au.

Iovani 9:28

He haꞌamata ia tū nuꞌu era he vā-vā i rā kope, ꞌe he kī: —Ko koe ꞌā taꞌa meꞌe he taŋata hāpī o te taŋata era; a mātou he nuꞌu hāpī ꞌa ⌊Mōtē⌋.

Aŋa o te ꞌĀpōtoro 9:16

E haka takeꞌa rō e au i te rahi o te ꞌati ka topa ena ꞌi ruŋa i a ia ꞌo te haka ꞌite ꞌo te oho o ruŋa i a au.

Rōmano 8:36

Te ꞌati tuꞌu pa he ŋā ꞌati nei e topa tāꞌue rō mai pēaha ki a tātou. Nā, paꞌi, e hāꞌaki rō ꞌana ꞌi ruŋa i te ⌊Pāpaꞌi Moꞌa⌋ pē nei ē: «ꞌO te ai o mātou ꞌāꞌau, paurō te mahana he oho nō mai te aŋa o te taŋata mo tiŋaꞌi i a mātou; ꞌe, ko haꞌariro ꞌā i a mātou he māmoe mo maꞌu mo tiŋaꞌi».

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

1 Pētero 2:23

Hora vā-vā era i a ia, ꞌina he pāhono hai vānaŋa taꞌe tano, ꞌe hora tōtōā era, ꞌina kai kī i te vānaŋa mo haka riꞌa-riꞌa i te taŋata. Te meꞌe mau nō i aŋa he haka rē i a ia ki te rima o te ꞌAtua, kope ture hai tī-tika.

1 Pētero 4:14

E koa kōrua mo vā-vā atu e te nuꞌu ꞌo te ai o kōrua ꞌa Ietū Kiritō; hai meꞌe nei e ꞌite ena: te ⌊Vārua Maitai⌋ pūai o te ꞌAtua nā ꞌi ruŋa i a kōrua ꞌi te hora taꞌatoꞌa.

Meꞌe Haka Takeꞌa 2:3

I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.