Māteo 5:10 - Rapa Nui

¹⁰ Ko te koa i te nuꞌu tute mo tōtōā ꞌo te aŋa i te meꞌe haŋa o te ꞌAtua; a rāua o roto i te haka tere iŋa ꞌāpī ōꞌona.

Māteo 5:10 ပူးပေါင်းရင်းမြစ်များ

Māteo 10:23

»Mo tute mo tōtōā atu i a kōrua ꞌi te kona nūnaꞌa hare e tahi, ka tere ki te rua. ꞌĪ a au he kī atu: te ⌊Poki o te taŋata⌋ ꞌi raꞌe ka hoki mai ena ki te oti o te kōrua aŋa ꞌi te kona taꞌatoꞌa o Itaraera.

Māteo 19:14

He kī ia e Ietū: «E haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋, paꞌi, mo te nuꞌu pa he ŋā poki».

Māteo 25:34

E kī rō e te ꞌAriki ki te nuꞌu o tōꞌona pāꞌiŋa mataꞌu: “Ka oho mai kōrua, e te nuꞌu haꞌamaitai e tōꞌoku Matuꞌa ē; ka koa kōrua ꞌi te ao vaꞌai atu e te ꞌAtua haka riva-riva e ia mo kōrua mai te hora haꞌamata aŋa e ia i te ao.

Māteo 5:3

«Ko te koa i te nuꞌu ꞌite taꞌe i a rāua mau nō te rāua ora; i te nuꞌu nei te haka tere iŋa ꞌāpī o te ꞌAtua.

Marko 10:14

I takeꞌa era e Ietū, he riri ꞌe he kī: «Ka haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋ mo te nuꞌu pa he ŋā poki.

Marko 10:30

ꞌata rahi te hare, te taina, te matuꞌa, te poki, te henua ka vaꞌai era e te ꞌAtua ꞌi te ao nei, ka tōtōā atu i a rāua e te nuꞌu ꞌo te ai ꞌāꞌaku, ꞌe pe muꞌa ka oho ena he vaꞌai i te ora ꞌāpī ꞌina he hopeꞌa raꞌa.

Ruka 21:12

»ꞌI raꞌe ki te topa o te ŋā meꞌe nei, he tute i a kōrua mo ꞌa-ꞌaru mo tōtōā. He maꞌu mo ture ꞌi roto i te ⌊hare pure hūrio⌋, ꞌe he puru ꞌi roto i te hare maꞌuꞌaurī. E maꞌu takoꞌa rō i a kōrua ki muꞌa o te ꞌariki ꞌe o te suerekao o ruŋa ōꞌoku.

Ruka 22:29

ꞌO ira, pa he haka tōroꞌa iŋa mai e tōꞌoku Matuꞌa mo haka tere pa he ꞌariki, ꞌī a au he haka tōroꞌa i a kōrua

Ruka 6:20

He uꞌi a Ietū a ruŋa i tāꞌana nuꞌu hāpī ꞌe he kī: «Ko te koa i a kōrua, e te nuꞌu veve manaꞌu pē nei ē: ꞌina e tahi kōrua auraꞌa mo kore o te ꞌAtua; a kōrua o roto i te ⌊haka tere iŋa ꞌāpī o te ꞌAtua⌋.

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Iovani 15:20

»E uꞌi ꞌo rehu tāꞌaku meꞌe kī atu: “ꞌIna e tahi tāvini ꞌata hau rō atu ki te kope haka aŋa i a ia”. Mo ai, paꞌi, i tute rō mai i a au mo tōtōā, he tute takoꞌa atu i a kōrua; ꞌe mo ai i haka roŋo rō ki tāꞌaku vānaŋa, he haka roŋo takoꞌa atu ki a kōrua.

Aŋa o te ꞌĀpōtoro 5:40

He raŋi mo maꞌu haka ꞌou i tū ŋā ꞌāpōtoro era, he haka tiŋaꞌi hai ꞌuaka, ꞌe he kī mo taꞌe vānaŋa haka ꞌou hai ꞌīŋoa o Ietū. I oti era he haka eꞌa.

Aŋa o te ꞌĀpōtoro 8:1

ꞌE a Sauro e peꞌe rō ꞌā ki tū meꞌe aŋa era ki a ꞌĒteva. He haꞌamata ia, ꞌi rā mahana mau ꞌā, he kimi mo tōtōā i te nuꞌu ⌊haka moe i te manaꞌu⌋ ꞌi ruŋa i a Ietū o Hērutarema. Pē ira rā nuꞌu i maraŋa ai ki kona era ki kona era o Hūrea ꞌe o ⌊Tāmāria⌋; he ⌊ꞌāpōtoro⌋ nō te nuꞌu i taꞌe oho mai ira.

2 Kōrinto 4:17

E haka topa nei i te manaꞌu o ruŋa i te meꞌe ka ai ena mo tātou pe muꞌa ka oho ena: he noho iŋa riva-riva ꞌina he hopeꞌa raꞌa ꞌi te raŋi, te ꞌati ꞌamo e mātou ꞌi te ao nei ꞌina e mātou he tapa atu; e tuꞌu rō ꞌana, paꞌi, pa he meꞌe taꞌe paŋahaꞌa ꞌe e ko roa he ŋaro.

Fīripo 1:28

taꞌe hai riꞌa-riꞌa, ka ai atu e ai rō ꞌā te nuꞌu ꞌina he haŋa ki te kōrua aŋa. ꞌE ꞌi te taꞌe riꞌa-riꞌa o kōrua, ka aŋi-aŋi ena e rā nuꞌu: te hopeꞌa o te rāua ara he ūtuꞌa, ꞌe ka aŋi-aŋi ena e kōrua: he vaꞌai atu i te ora ꞌāpī ꞌina he hopeꞌa raꞌa. ꞌE te ŋā meꞌe nei ararua o te ꞌAtua.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

2 Timoteo 3:11

e tute mai era i a au mo tōtōā ꞌi te ŋā kona era ko Antiokia, ko Īkōnio ꞌe ko Rītara. ¡Meꞌe huru kē te rahi o te ꞌati a au i haꞌaoromaꞌi ai! ꞌE o te ꞌAtua au i hāꞌūꞌū mai mo eꞌa mai roto i rā ŋā ꞌati.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

Tanatiako 5:11

Ko ꞌite ꞌana a tātou: te nuꞌu haꞌaoromaꞌi i te ꞌati e hio-hio rō ꞌā te manaꞌu ꞌi ruŋa i te ꞌAtua e haꞌamaitai rō ꞌā e ia. Ko ꞌite ꞌana, paꞌi, e kōrua pē hē a Hope, ꞌi muꞌa ꞌā, i haꞌaoromaꞌi ai i tōꞌona ꞌati, ꞌe pē hē te ꞌAtua i haꞌamaitai ai i a ia ꞌi te hora hopeꞌa. Te ꞌAtua meꞌe māhatu ꞌaroha.

1 Iovani 3:12

ꞌIna ko ai tātou pē ⌊Kāiŋa⌋. A ia ꞌa Rukifero, ꞌe i tiŋaꞌi i haka mate ai i tōꞌona taina. ¿ꞌO te aha i tiŋaꞌi ai i tōꞌona taina? ꞌO te ai te meꞌe aŋa o tōꞌona taina he meꞌe riva-riva ꞌe tāꞌana meꞌe aŋa he meꞌe taꞌe tano.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.