Māteo 4:3 - Rapa Nui

³ He haka hāhine ia a Rukifero he kī: —Ē, a koe he Poki o te ꞌAtua, ¿he aha rā koe e taꞌe haka riro ena i te ŋā māꞌea nei he haraoa?

Māteo 4:3 ပူးပေါင်းရင်းမြစ်များ

Māteo 14:33

Te nuꞌu o ruŋa i te vaka he haꞌamuri ki a Ietū he kī: —¡He parautiꞌa mau ꞌana he Poki koe o te ꞌAtua!

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Māteo 26:63

I mou nō a Ietū. He kī e rā oromatuꞌa: —Mo ai koe he ⌊Kiritō⌋, he Poki o te ꞌAtua, ka kī mai koe hai ꞌīŋoa o te ꞌAtua ora.

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Marko 1:1

Te ⌊roŋo riva-riva o ruŋa i a Ietū⌋ he ⌊Kiritō⌋, Poki o te ꞌAtua, i haꞌamata ai

Marko 3:11

ꞌE te tātane oꞌo ki roto i te hakari o te nuꞌu, e takeꞌa era i a Ietū, he haka tū-turi i rā nuꞌu ꞌi muꞌa o Ietū koia ko kī pūai: «¡Ko koe te Poki o te ꞌAtua!».

Marko 5:7

ꞌe, i toꞌo te reꞌo ki roto era, i kī ai: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Ruka 1:35

He pāhono e te merahi: —E topa rō atu te Vārua Maitai, ꞌe ꞌi ruŋa i a koe ka noho ena te mana o te ꞌAtua. ꞌO ira te poki ka poreko ena ꞌina e ko ravaꞌa e te hara; e kī rō he Poki o te ꞌAtua.

Ruka 22:70

He ꞌui e tū nuꞌu taꞌatoꞌa era: —Ki taꞌa kī, ¿he Poki mau ꞌā koe o te ꞌAtua? He pāhono e Ietū: —Nā e kōrua ko kī ꞌā.

Ruka 4:3

He kī e Rukifero: —Ē, a koe he Poki o te ꞌAtua, ¿he aha rā koe e taꞌe haka riro ena i te ŋā māꞌea nei he haraoa?

Ruka 4:41

I rahi rō te nuꞌu o rā nuꞌu māui-ui era mai roto takoꞌa i eꞌa ai te tātane koia ko ohu: —¡He Poki koe o te ꞌAtua! He ture e Ietū ki rā ŋā tātane ꞌe, ꞌi te ꞌite o rāua a ia he ⌊Kiritō⌋, ꞌina he haka rē e Ietū mo vānaŋa.

Ruka 4:9

I oti era he maꞌu e Rukifero i a Ietū ki Hērutarema ki ruŋa i te kona hopeꞌa o te ruŋa nui o te ⌊Kona Haꞌamuri ꞌAtua⌋ ꞌe he kī: —He Poki koe o te ꞌAtua. Ka rere mai ruŋa nei ki raro.

Iovani 1:34

Ko takeꞌa ꞌana e au i rā meꞌe, ꞌe ko au te mataꞌite: a ia he Poki o te ꞌAtua».

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 9:35

He ŋaroꞌa e Ietū ko haka eꞌa mau ꞌana i tū taŋata matapō era mai te hare pure hūrio. I piri era ki rā kope he ꞌui: —¿E haka moe rō ꞌana koe i tuꞌu manaꞌu ꞌi ruŋa i te ⌊Poki o te taŋata⌋?

Aŋa o te ꞌĀpōtoro 9:20

Pē ira a Sauro i haꞌamata i haka ꞌite ai ꞌi roto i te hare pure hūrio o rā kona: a Ietū he Poki o te ꞌAtua.

2 Kōrinto 1:19

A Ietū Kiritō, Poki era o te ꞌAtua, haka ꞌite atu era e au, e Tira ꞌe e Timoteo, kope taꞌe kī «ꞌē-ē» mo ꞌina, ꞌe «ꞌina» mo ꞌē-ē. A ia he ꞌē-ē mau ꞌā o te ꞌAtua;

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

1 Tētārōnika 3:5

ꞌO ira, ꞌi te niva-niva o mātou ꞌo te taꞌe ꞌite mai hoki e haka moe e oho nō ꞌana kōrua i te manaꞌu ꞌi ruŋa i a Ietū, i uŋa atu ai au i a Timoteo mo ꞌite mai o ruŋa i a kōrua. Tōꞌoku riꞌa-riꞌa: ꞌo hoa kōrua i te kōrua haka moe iŋa i te manaꞌu ꞌi ruŋa i a Ietū ka haka ꞌatu atu ena i a kōrua e Rukifero, ꞌe ꞌo māuꞌa te mātou aŋa ꞌi roto i a kōrua.

ꞌEvereo 12:16

ꞌIna e tahi o kōrua mo moe i te viꞌe i te taŋata taꞌe he viꞌe ꞌo he kenu o kōrua ꞌe ꞌina e tahi mo taꞌe moꞌa i te meꞌe o te ꞌAtua pē ⌊Etaū⌋, kope hoꞌo i tōꞌona tōroꞌa ꞌatariki ki te mareti kai.

ꞌEvereo 4:14

A Ietū, Poki o te ꞌAtua, he oromatuꞌa hopeꞌa o te ra-rahi o tātou ꞌi te raŋi. ꞌO ira, e haka moe e oho tātou i te manaꞌu ꞌi ruŋa i a ia.

ꞌEvereo 7:3

ꞌIna e tahi meꞌe ꞌite e te nuꞌu o ruŋa i te matuꞌa tane ꞌe o ruŋa i te matuꞌa vahine ꞌe o tōꞌona tupuna; pē ira ꞌā o ruŋa i tōꞌona poreko ꞌe o ruŋa i tōꞌona mate. ꞌO ira e tuꞌu rō ꞌā pa he meꞌe ena ē: ko te aŋa ko te oho iŋa ꞌā a ia i tāꞌana aŋa pa he oromatuꞌa ꞌina he hopeꞌa raꞌa, pē Ietū, Poki o te ꞌAtua.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.