Māteo 4:25 - Rapa Nui

²⁵ Meꞌe rahi nō atu nuꞌu o Karirea, o Rēkāpori, o Hērutarema, o Hūrea ꞌe o te pāꞌiŋa eꞌa o te raꞌā o te rio ko Horotana i oho ꞌi muri i a Ietū.

Māteo 4:25 ပူးပေါင်းရင်းမြစ်များ

Māteo 12:15

I ꞌite era a Ietū, he eꞌa he oho mai tū kona era, ꞌe meꞌe rahi nuꞌu i oho ꞌi muri. He haka ora i te nuꞌu taꞌatoꞌa māui-ui,

Māteo 19:2

Nuꞌu rahi te nuꞌu i vari ꞌi muri, ꞌe ꞌi ira i haka ora ai e Ietū i te māui-ui o te nuꞌu.

Māteo 4:15

«ꞌI te henua o Tāvūrone ꞌe o Nefetārī, ꞌi te taha-taha o te vaikava, ꞌi te rua pāꞌiŋa o te rio era ko Horotana, ꞌi Karirea, kona noho o te nuꞌu taꞌe he ⌊hūrio⌋,

Māteo 5:1

I takeꞌa era e Ietū i te rahi o te nuꞌu, he iri ꞌiti pe ruŋa o te maꞌuŋa ꞌai ka noho. ꞌE, i puā era tāꞌana nuꞌu hāpī,

Māteo 8:1

I topa era a Ietū mai ruŋa i te maꞌuŋa, meꞌe rahi nuꞌu i oho ꞌi muri i a ia.

Marko 5:20

He oho ia tū taŋata era, he ꞌaꞌamu he oho a te kona taꞌatoꞌa o Rēkāpori i te meꞌe riva-riva aŋa e Ietū ki a ia, ꞌe he māere tahi rō atu ꞌai te nuꞌu.

Marko 6:2

I tano era te ⌊mahana haka ora⌋, he haꞌamata he hāpī ꞌi roto i te ⌊hare pure hūrio⌋. Nuꞌu rahi i ŋaroꞌa i a Ietū ꞌe he ꞌui ki a rāua ꞌā koia ko māere: —¿ꞌI hē te kope nei i ꞌite ai i te meꞌe taꞌatoꞌa era? ¿O hē tōꞌona mārama-rama ꞌe te pūai mo aŋa i te mana aŋa e ia?

Marko 7:31

He eꞌa ia a Ietū mai Tiro, he oho ki Tīrone, ꞌe mai ira i oho ai ki te kona vai o Karirea, ki te pāꞌiŋa o Rēkāpori.

Ruka 6:17

He turu a Ietū mai ruŋa i te maꞌuŋa ananake ko tū nuꞌu era. I topa era he no-noho ꞌi te kona pararaha e tahi. Ko taka-taka era ꞌā ꞌi rā kona meꞌe rahi nuꞌu hāpī haka ꞌou ꞌāꞌana ꞌe meꞌe rahi nuꞌu o te kona taꞌatoꞌa o Hūrea, o Hērutarema, o Tiro ꞌe o Tīrone.

Ruka 6:19

Taꞌatoꞌa e uꞌi era i te rāveꞌa mo haka puā ki a Ietū; he ora, paꞌi, te rāua māui-ui ꞌi te mana eꞌa mai ruŋa i a ia.