Māteo 4:24 - Rapa Nui

²⁴ ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Māteo 4:24 ပူးပေါင်းရင်းမြစ်များ

Māteo 12:22

He maꞌu ia ki a Ietū i te taŋata ko keva ꞌā te mata ꞌe ꞌina he vānaŋa ꞌi te oꞌo e te tātane, ꞌe he haka ora e Ietū.

Māteo 14:1

ꞌI rā noho iŋa, a ⌊ꞌErore⌋, ꞌariki haka tere o Karirea, he ŋaroꞌa i te vānaŋa o ruŋa i a Ietū,

Māteo 15:22

E tahi viꞌe tōꞌona noho iŋa e hāhine rō ꞌā ki rā ŋā kona, viꞌe o te kona kī ꞌi muꞌa ꞌā ko ⌊Kanaꞌana⌋, he haka hāhine a muri koia ko ohu: —¡E Ietū, e te Hakaara o ⌊Tāvita⌋ ē, ka haka ꞌaroha koe i a au! ¡Ko oꞌo ꞌana tāꞌaku poki vahine e te tātane he haka māui-ui nō te aŋa i a ia!

Māteo 17:15

—E Ietū, ka haka ꞌaroha koe i tāꞌaku poki: e kiki-kiki rō ꞌā ꞌe he taparahi-taꞌata te ꞌati topa ki a ia. E rahi rō ꞌā tōꞌona viri iŋa a roto i te ahi ꞌe a roto i te vai.

Māteo 17:18

He ture e Ietū ki te tātane ꞌi roto i te poki ꞌe he haka eꞌa. ꞌI rā hora mau ꞌā he ora rō ꞌai tū poki era.

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Māteo 8:28

I tuꞌu era a Ietū ki te rua pāꞌiŋa o te vai ki te henua o te kārara, he haka hāhine e rua ŋāŋata ko oꞌo ꞌana e te tātane. Te ŋāŋata nei mai roto i te menemā i eꞌa ai. ꞌE, ꞌi te meꞌe era ko haka taehae ꞌā i a rāua e te tātane, ꞌina he vari te taŋata a ira.

Māteo 8:33

Te nuꞌu hāpaꞌo i te oru he eꞌa he tē-tere. I tuꞌu era ki te kona taŋata he ꞌaꞌamu i tū meꞌe taꞌatoꞌa topa era ki tū ŋā kope oꞌo era e te tātane.

Māteo 8:6

he ani: —E Ietū, ꞌai tōꞌoku kona hare era tōꞌoku tāvini ko māui-ui ꞌā, ꞌina he makenu te hakari koia ko rahi te mamae.

Māteo 9:26

ꞌI te taꞌatoꞌa nō kona o ira i ꞌite ai o ruŋa i tū parau ꞌāpī era.

Māteo 9:35

A te kona taꞌatoꞌa e hāpī e oho era e Ietū ꞌi roto i te ⌊hare pure hūrio⌋, e haka ꞌite ꞌā o ruŋa i te roŋo riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā meꞌe rahi nō atu huru o te māui-ui.

Marko 1:28

ꞌE kai roa te parau ꞌāpī o ruŋa i a Ietū i tuꞌu ai ki te kona taꞌatoꞌa o Karirea.

Marko 1:32

I ahi-ahi pō era, he maꞌu ki a Ietū i te nuꞌu māui-ui taꞌatoꞌa o ira ꞌe i te nuꞌu oꞌo e te tātane.

Marko 2:3

He tuꞌu ia hoko hā taŋata e tupa rō ꞌana i te raŋo ꞌi ruŋa te taŋata hakari taꞌe makenu.

Marko 2:4

ꞌI te rahi o te nuꞌu ꞌina he rāveꞌa mo haka hāhine ki a Ietū. He maꞌu he iri i tū raŋo era ki ruŋa o te hare, he mātaki i te ruŋa tī-tika ki tū kona era ꞌi ira a Ietū, ꞌe he haka topa i tū raŋo era.

Marko 2:9

Ki a kōrua, ¿ꞌata aŋarahi mo haka kore i te hara ki te haka ora i te māui-ui? ¿Taꞌe ꞌō hai parau nō o te ꞌAtua te ŋā meꞌe nei e aŋa ena?

Ruka 2:2

Te pāpaꞌi raꞌe nei i aŋa ai ꞌi te hora era ko Kīrino te suerekao o Tīria.

Ruka 4:14

He hoki ia a Ietū ki Karirea ko ꞌī ꞌā e te pūai o te Vārua Maitai. ꞌI ira ꞌe ꞌi te kona taꞌatoꞌa hāhine e vānaŋa rō ꞌā te nuꞌu o ruŋa i a Ietū.

Ruka 4:38

He eꞌa a Ietū mai tū hare pure era, he oho ki te hare o Tīmona. Te māmā huŋavai o Tīmona e māui-ui rō ꞌā, ko hū ꞌā te hakari ꞌi te māui-ui. He ani e te nuꞌu ki a Ietū mo haka ora.

Ruka 5:15

Pe te ꞌata hau nō te vānaŋa o ruŋa o Ietū e ŋaroꞌa era e te taŋata, ꞌe he ꞌata rahi te nuꞌu e taka-taka era mo haka roŋo i tāꞌana vānaŋa ꞌe mo haka ora e ia i te rāua māui-ui.

Ruka 5:24

ꞌE, ꞌī a au he haka takeꞌa atu: i a au i te ⌊Poki o te taŋata⌋ te parau ꞌi te ao nei mo haka kore i te hara». He kī haka ꞌou ia ki tū taŋata māui-ui era: «Ki a koe a au e kī atu ena, ka eꞌa ki ruŋa, ka maꞌu tuꞌu raŋo ꞌe ꞌai ka oho rō ki tuꞌu hare».

Ruka 7:17

Te taŋata taꞌatoꞌa o Hūrea ꞌe o te kona taꞌatoꞌa hāhine ki ira he ꞌite o ruŋa i tū meꞌe aŋa era e Ietū.

Iovani 10:21

ꞌE, o tētahi atu te kī: «ꞌIna e tahi kope oꞌo e te tātane vānaŋa pē nei. ¿E ravaꞌa rō hō e te tātane mo haka ora i te mata o te taŋata matapō?».

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 15:23

Ki a rāua i haka maꞌu ai i te roŋo e pāpaꞌi rō ꞌā pē nei ē: «A mātou te ꞌāpōtoro ꞌe te nuꞌu pūꞌoko haka tere, he ꞌaroha atu mai Hērutarema ki a kōrua ki te taina taꞌe he hūrio noho ꞌi Antiokia, ꞌi Tīria ꞌe ꞌi Tiritia.

Aŋa o te ꞌĀpōtoro 15:41

Ko Pauro ararua ko Tira i oho ki kona era ki kona era o Tīria ꞌe o Tiritia e haka haŋu e oho era i te taŋata taꞌatoꞌa haka moe i te manaꞌu ꞌi ruŋa i a Ietū.

Aŋa o te ꞌĀpōtoro 28:9

I ꞌite era e te taŋata o ruŋa i te meꞌe nei, he pae tahi atu te māui-ui o rā motu ki a Pauro, ꞌe he haka ora i te rāua māui-ui.

Aŋa o te ꞌĀpōtoro 8:7

Meꞌe rahi taŋata uru e te tātane i haka ora e Feripe, i kiki-kikiu i eꞌa ai rā ŋā tātane. ꞌE, takoꞌa, meꞌe rahi nuꞌu hakari taꞌe makenu ꞌe vaꞌe koke i haka ora e ia.