Māteo 4:23 - Rapa Nui

²³ A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Māteo 4:23 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 12:9

He oho a Ietū mai rā kona ꞌoka tariko era ꞌe he uru ki roto i te hare pure o ira.

Māteo 13:19

E ai rō ꞌā te nuꞌu pa he kona ara era ꞌā a ira i vī-viri ai te karu: e haka roŋo ena i te roŋo o ruŋa i te ⌊haka tere iŋa ꞌāpī o te ꞌAtua⌋ ꞌina he aŋi-aŋi; he tuꞌu ia e Rukifero he toꞌo i rā roŋo ꞌo tupu ꞌi roto i te rāua māhatu.

Māteo 13:54

I tuꞌu era ki ira, he haꞌamata he hāpī ꞌi roto i te ⌊hare pure hūrio⌋. Te taŋata, ko māere atu ꞌā, e kī era: «¿ꞌI hē te kope era i ꞌite ai i te meꞌe taꞌatoꞌa era? ¿Pē hē e ravaꞌa ena mo aŋa i te mana?

Māteo 14:14

I topa era a Ietū mai ruŋa i te vaka, he takeꞌa i te rahi o te nuꞌu; he haka ꞌaroha i a rāua ꞌe he haka ora i te nuꞌu māui-ui maꞌu ki a ia.

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 9:35

A te kona taꞌatoꞌa e hāpī e oho era e Ietū ꞌi roto i te ⌊hare pure hūrio⌋, e haka ꞌite ꞌā o ruŋa i te roŋo riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā meꞌe rahi nō atu huru o te māui-ui.

Marko 1:14

I puru era ꞌi roto i te hare maꞌuꞌaurī e ⌊ꞌErore⌋ i a Iovani, he hoki a Ietū ki Karirea he haꞌamata he haka ꞌite i te ⌊roŋo riva-riva o te ꞌAtua⌋.

Marko 1:21

He oho ia a Ietū ananake ko tū nuꞌu era ki Kaperenāū. I tano era te ⌊mahana haka ora⌋, he uru a Ietū ki roto i te ⌊hare pure hūrio⌋ he hāpī i te taŋata.

Marko 1:39

ꞌI roto i te hare pure hūrio o te kona taꞌatoꞌa o Karirea e haka ꞌite era a Ietū i te roŋo, ꞌe, takoꞌa, e haka eꞌa era i te tātane mai roto i te taŋata.

Marko 3:10

ꞌI te rahi o te nuꞌu haka ora e ia, ꞌai e rere era te nuꞌu māui-ui taꞌatoꞌa ki ruŋa mo haka puā.

Marko 6:2

I tano era te ⌊mahana haka ora⌋, he haꞌamata he hāpī ꞌi roto i te ⌊hare pure hūrio⌋. Nuꞌu rahi i ŋaroꞌa i a Ietū ꞌe he ꞌui ki a rāua ꞌā koia ko māere: —¿ꞌI hē te kope nei i ꞌite ai i te meꞌe taꞌatoꞌa era? ¿O hē tōꞌona mārama-rama ꞌe te pūai mo aŋa i te mana aŋa e ia?

Marko 6:6

ꞌE a Ietū ko māere ꞌā ꞌi te nuꞌu o ira ꞌi te taꞌe ⌊haka moe i te manaꞌu⌋ ꞌi ruŋa i a ia. He eꞌa ia a Ietū he oho ki kona era ki kona era e hāpī ꞌā i te taŋata.

Ruka 10:9

E haka ora te nuꞌu māui-ui o nā kona ꞌe ꞌai ka kī rō: “Te haka tere iŋa ꞌāpī o te ꞌAtua nā ko hāhine mai ꞌā”.

Ruka 13:10

ꞌI te ⌊mahana haka ora⌋ e tahi e hāpī ꞌā a Ietū i te nuꞌu ꞌi roto i te ⌊hare pure hūrio⌋.

Ruka 16:16

»Hai roŋo o te ꞌAtua pāpaꞌi e ⌊Mōtē⌋ ꞌe e te perofeta te taŋata e haka tere era i a rāua ꞌātā ki te hora o Iovani Papatito. Mai rā hora e haka ꞌite e oho nei i te parau ꞌāpī riva-riva o ruŋa o te ⌊haka tere iŋa ꞌāpī o te ꞌAtua⌋, ꞌe nuꞌu rahi te nuꞌu haŋa mo oꞌo o rāua ki roto o rā haka tere iŋa ꞌe mo haka tere i a rāua e te ꞌAtua.

Ruka 20:1

E tahi mahana, e haka ꞌite ꞌana a Ietū i te ⌊roŋo riva-riva o te ꞌAtua⌋ ki te taŋata ꞌi te Kona Haꞌamuri ꞌAtua, he tuꞌu te nuꞌu ra-rahi o te ⌊oromatuꞌa⌋, te ⌊maꞌori o te haka tere hūrio⌋ ꞌe te nuꞌu pūꞌoko haka tere hūrio,

Ruka 4:14

He hoki ia a Ietū ki Karirea ko ꞌī ꞌā e te pūai o te Vārua Maitai. ꞌI ira ꞌe ꞌi te kona taꞌatoꞌa hāhine e vānaŋa rō ꞌā te nuꞌu o ruŋa i a Ietū.

Ruka 5:17

E tahi mahana e hāpī ꞌā a Ietū i te nuꞌu. ꞌE, ꞌi te hare ꞌi ira a ia, e no-noho rō ꞌā tētahi ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai te kona taꞌatoꞌa o Karirea, o Hūrea ꞌe o Hērutarema. Te pūai o te ꞌAtua ꞌi ruŋa i a Ietū mo haka ora i te māui-ui.

Ruka 6:17

He turu a Ietū mai ruŋa i te maꞌuŋa ananake ko tū nuꞌu era. I topa era he no-noho ꞌi te kona pararaha e tahi. Ko taka-taka era ꞌā ꞌi rā kona meꞌe rahi nuꞌu hāpī haka ꞌou ꞌāꞌana ꞌe meꞌe rahi nuꞌu o te kona taꞌatoꞌa o Hūrea, o Hērutarema, o Tiro ꞌe o Tīrone.

Ruka 6:6

ꞌI te mahana haka ora haka ꞌou e tahi, he uru a Ietū ki roto i te ⌊hare pure hūrio⌋ he haꞌamata he hāpī. ꞌI roto e tahi taŋata e rehe-rehe rō ꞌā te rima mataꞌu.

Ruka 7:21

ꞌI rā hora e haka ora ꞌana e Ietū meꞌe rahi māui-ui ꞌe maꞌi o te nuꞌu, e haka eꞌa ꞌā i te tātane, ꞌe e haka ora ꞌā i te mata o te nuꞌu matapō.

Ruka 7:22

He kī e Ietū ki tū nuꞌu uŋa era e Iovani: —Ka hoki ka ꞌaꞌamu ki a Iovani i te meꞌe takeꞌa ꞌe ŋaroꞌa e kōrua: Ko māꞌeha ꞌā te mata o te nuꞌu matapō, ko haꞌere riva-riva ꞌā te nuꞌu vaꞌe koke. Ko ora ꞌana te nuꞌu māui-ui rēpera, ko ŋaroꞌa ꞌana te vānaŋa e te nuꞌu tariŋa pō. Ko ora mai ꞌā te nuꞌu mai te mate, ꞌe ko haka ꞌite ꞌana i te ⌊roŋo riva-riva o te ꞌAtua⌋ ki te nuꞌu veve.

Ruka 8:1

I oti era he oho a Ietū meꞌe rahi kona haka ꞌite oho i te roŋo riva-riva o ruŋa o te ⌊haka tere iŋa ꞌāpī o te ꞌAtua⌋. I oho rō ꞌi muri i a ia tāꞌana nuꞌu ⌊ꞌāpōtoro⌋ e hoꞌe ꞌahuru mā piti

Ruka 9:11

I ꞌite era e te taŋata, he eꞌa he oho takoꞌa ki ira. He noho ia a Ietū he vānaŋa o ruŋa o te haka tere iŋa ꞌāpī o te ꞌAtua ꞌe he haka ora i te nuꞌu māui-ui.

Ruka 9:60

He pāhono e Ietū: —Ka haka rē mo te nuꞌu mate e tanu i te rāua nuꞌu mate; ꞌe a koe ka oho ka haka ꞌite o ruŋa i te haka tere iŋa ꞌāpī o te ꞌAtua.

Iovani 18:20

He kī e Ietū: —I vānaŋa ai a au ꞌi muꞌa o te nuꞌu taꞌatoꞌa: he hāpī tāꞌaku aŋa ꞌi roto i te ⌊hare pure hūrio⌋ ꞌe ꞌi te Kona Haꞌamuri ꞌAtua, he kona ꞌi ira e taka-taka ena te hūrio taꞌatoꞌa. ꞌIna e tahi ꞌāꞌaku vānaŋa i taꞌe kī ꞌi muꞌa o te taŋata.

Iovani 6:59

I hāpī ai a Ietū i te ŋā meꞌe nei ꞌi roto i te ⌊hare pure hūrio⌋ o Kaperenāū.

Iovani 7:1

I oti era he oho a Ietū ki kona era ki kona era o Karirea. Kai haŋa mo oho ki Hūrea ꞌi te meꞌe era te nuꞌu ⌊hūrio⌋ ra-rahi o ira e haŋa ꞌā mo tiŋaꞌi i a ia.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 18:4

Paurō te ⌊mahana haka ora⌋ e oho era a Pauro ki te ⌊hare pure hūrio⌋. ꞌI ira e vānaŋa ꞌe e tātake era ananake ko te nuꞌu hūrio ꞌe taꞌe hūrio, he haŋa mo aŋi-aŋi e rā nuꞌu he parautiꞌa tāꞌana meꞌe hāpī o ruŋa i a Ietū.

Aŋa o te ꞌĀpōtoro 20:25

»Ko ꞌite ꞌana e au, ꞌi te hora nei, ꞌina e tahi o kōrua o te nuꞌu haka ꞌite atu e au o ruŋa o te ⌊haka tere iŋa ꞌāpī o te ꞌAtua⌋ mo takeꞌa haka ꞌou i a au.

Aŋa o te ꞌĀpōtoro 28:31

ꞌIna he riꞌa-riꞌa e haka ꞌite era a Pauro o ruŋa o te haka tere iŋa ꞌāpī o te ꞌAtua ꞌe e hāpī era ki te nuꞌu o ruŋa o Ietū Kiritō, ꞌe ꞌina e tahi nuꞌu i kī mo taꞌe aŋa pē ira.

Rōmano 10:15

ꞌE ¿pē hē ana haka ꞌite ana oho i te roŋo riva-riva o te ꞌAtua mo ai ꞌina he uŋa i te kope mo haka ꞌite? E hāꞌaki rō ꞌana, paꞌi, ꞌi ruŋa i te Pāpaꞌi Moꞌa pē nei ē: «¡Ko te koa ꞌō i te meꞌe he tuꞌu mai o te nuꞌu e maꞌu rō ꞌana i te roŋo riva-riva o te ꞌAtua!».