Māteo 4:22 - Rapa Nui

²² ꞌI tū hora ꞌā he to-topa tū ŋā taina era mai ruŋa i te vaka, he haka rē i te rāua matuꞌa tane ꞌe he eꞌa he oho rō ꞌai ꞌi muri.

Māteo 4:22 ပူးပေါင်းရင်းမြစ်များ

Māteo 10:37

»Mo ai o te kope ꞌata hau rō atu te haŋa ki tōꞌona matuꞌa tane, ki tōꞌona matuꞌa vahine ꞌo ki tāꞌana ŋā poki ki te haŋa mai ki a au, e ko tano mo taŋata hāpī ꞌāꞌaku.

Māteo 4:21

Pe muꞌa ꞌiti he takeꞌa e Ietū i te taina haka ꞌou hoko rua: ko ⌊Tanatiako⌋ ꞌe ko Iovani, he ŋā poki ꞌa Tevereo, e haka riva-riva ꞌana i te rāua kūpeŋa ananake ko te rāua matuꞌa tane ꞌi ruŋa i te vaka. He kī e Ietū mo oho takoꞌa ꞌi muri i a ia.

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Marko 1:20

He kī e Ietū ki tū ŋā kope era mo oho ꞌi muri i a ia. ꞌI tū hora ꞌā he eꞌa ararua mai muri i te rāua matuꞌa tane ꞌe nuꞌu aŋa o rāua, ꞌe he oho ꞌi muri i a Ietū.

Ruka 14:26

«Mo ai e tahi o kōrua e oho mai ena ki a au i hau ꞌi te haŋa ki tōꞌona matuꞌa tane, ki tōꞌona matuꞌa vahine, ki tāꞌana viꞌe, ki tāꞌana ŋā poki, ki tōꞌona taina ꞌe, takoꞌa, ki a ia mau ꞌā ki te haŋa mai ōꞌona ki a au, e ko tano mo taŋata hāpī ꞌāꞌaku.

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

Ruka 5:11

I oho era he hoki ananake ki ruŋa i te henua, he haro i tū ŋā vaka era ki ꞌuta, he haka rē tahi i te rāua meꞌe ꞌe he oho rō ꞌai ꞌi muri i a Ietū.

2 Kōrinto 5:16

ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.