Māteo 4:17 - Rapa Nui

¹⁷ Mai rā hora he haꞌamata a Ietū he tātara: «Ka huri te kōrua manaꞌu ki te ꞌAtua; ko hāhine mai ꞌana te haka tere iŋa ꞌāpī ōꞌona».

Māteo 4:17 ပူးပေါင်းရင်းမြစ်များ

Māteo 10:7

»Ka oho ka haka ꞌite: “Te ⌊haka tere iŋa ꞌāpī o te ꞌAtua⌋ nā ko hāhine mai ꞌā”.

Māteo 11:12

»Mai te hora haꞌamata o Iovani i te tātara ꞌe i te ⌊papatito⌋ ki ꞌaŋarīnā, pe te ꞌata rahi nō te nuꞌu oꞌo ki roto i te ⌊haka tere iŋa ꞌāpī o te ꞌAtua⌋, ka ai atu e ai rō ꞌana te nuꞌu taparahi-taꞌata aŋa mo haka kore i rā haka tere iŋa.

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Māteo 13:24

He ꞌaꞌamu takoꞌa e Ietū i te ꞌaꞌamu haꞌaauraꞌa nei: «Te meꞌe topa ꞌi te haka tere iŋa ꞌāpī o te ꞌAtua e tuꞌu rō ꞌā pa he meꞌe topa ki te taŋata pī i te karu tariko ꞌi roto i tōꞌona henua.

Māteo 13:47

»Te haka tere iŋa ꞌāpī o te ꞌAtua pa he kūpeŋa hoa ki roto i te vaikava ꞌe toꞌo meꞌe rahi nō atu huru o te ika.

Māteo 13:9

»Te nuꞌu haŋa mo aŋi-aŋi ka haka topa te manaꞌu».

Māteo 25:1

»Te meꞌe topa ꞌi te ⌊haka tere iŋa ꞌāpī o te ꞌAtua⌋ pa he meꞌe topa i te ŋoŋoro hāipo-ipo e tahi. E hoꞌe ꞌahuru uka he toꞌo i te rāua hakariꞌi ꞌe he eꞌa he oho mo hokorua i te kope era mo hāipo-ipo ki te kona era ꞌi ira te ŋoŋoro.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 6:10

ꞌe he haka rē atu mo haka tere ōꞌou i a rāua, ki haka tano ai i taꞌa meꞌe haŋa ꞌi te ao nei pa he haka tano iŋa atu o taꞌa meꞌe haŋa ꞌi te raŋi.

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 15:7

»ꞌĪ a au he kī atu: ꞌata hau rō atu te koa ꞌi te raŋi mo te taŋata hara e tahi huri i tōꞌona manaꞌu ki te ꞌAtua ki te iva ꞌahuru mā iva taŋata manaꞌu e tano rō ꞌana a rāua ki te mata o te ꞌAtua.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 3:23

Ka toru ꞌahuru matahiti o Ietū i haꞌamata ai i tāꞌana aŋa. Ki te kī o te nuꞌu, a Ietū he poki ꞌa Kōsē. A Kōsē he poki ꞌa ꞌĒrī.

Ruka 5:32

A au i oho mai ai taꞌe ki te nuꞌu taꞌe hara; ki te nuꞌu hara a au i oho mai ai mo haka huri i te manaꞌu ki te ꞌAtua.

Ruka 9:2

He uŋa mo haka ꞌite o ruŋa o te ⌊haka tere iŋa ꞌāpī o te ꞌAtua⌋ ꞌe mo haka ora i te nuꞌu māui-ui.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 17:30

Ko haka rehu ꞌā e te ꞌAtua te meꞌe aŋa e te taŋata ꞌi muꞌa ꞌā, he taꞌe aŋi-aŋi e rāua. ꞌE, hora nei, ꞌī e haka ꞌite ꞌā i tāꞌana roŋo ki te taŋata ꞌi te kona taꞌatoꞌa mo huri o te manaꞌu ki a ia ꞌe mo haka rē i te rāua ara taꞌe tano.

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

Aŋa o te ꞌĀpōtoro 26:20

ꞌI raꞌe a au i haka ꞌite ai i te ⌊roŋo riva-riva o te ꞌAtua⌋ ki te nuꞌu o Rāmako, ki oti ki te nuꞌu o Hērutarema ꞌe o te kona taꞌatoꞌa o Hūrea, ꞌe, takoꞌa, ki te nuꞌu taꞌe he hūrio. He kī e au mo haka tapa mai roto i te meꞌe taꞌe tano, mo huri o te manaꞌu ki te ꞌAtua, ꞌe mo aŋa i te meꞌe mo takeꞌa e te nuꞌu he aŋi mau ꞌā ko ⌊huri ꞌana te rāua manaꞌu ki a ia⌋.

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.

ꞌEvereo 6:1

ꞌO ira, e te taina ē, ꞌina tātou ko noho mau rō ꞌai ꞌi ruŋa i te hāpī raꞌe o ruŋa i te ⌊Kiritō⌋. Ki ꞌata hāpī ki oho tātou ꞌātā ka paꞌari rō ꞌi te meꞌe o te ꞌAtua, ꞌo teka-teka ꞌo oho nō tātou ꞌi ruŋa i te hāpī raꞌe era pe he hāpī o ruŋa i te huri iŋa o te manaꞌu ki te ꞌAtua, o ruŋa i te haka tapa iŋa mai roto i te meꞌe taꞌe tano maꞌu ki te mate, o ruŋa i te haka moe iŋa i te manaꞌu ꞌi ruŋa i a Ietū,